JIRIMIA 6:4 - Tanou Moonsoi Timugon

⁴ Konilo, “Tampos no mamulunsar ra Jirusalim! Tampos no! Bulunsaron takau bulintok tanga' ru orou!” Kaa' ilo pana mindagu, “Nakatawos noyo, orou lumondom galing noyo, babara' gumawar noyo.

JIRIMIA 6:4 ပူးပေါင်းရင်းမြစ်များ

AYUP 7:2

koson ra ulipon ondo' moondom ra intok sindungan; koson ra mangngandoi ondo' maginaa ra gaji'.

RIMBAI PANGAMPARAN 2:17

saboi angin ru susuab ti sumiob am kalandaman pana matatak. Saguli' no, alii ra kalumpusan kuno, koson ra paus, koson ra anak ru tambang giu' ra kagunungan Bitir.

JIRIMIA 15:8

Pagun min mososok ru ulun napuor, masuang poyo intor ra agis giu' ra nagas. Potoyon Ku ulun mamulok saboi ina' nilo maimbolo'. Pulali' Ku porotongon i mamumuso saboi ra ilo malaa' am magalabo.

JIRIMIA 15:9

Ina' ondo' napusaan ra tulu' ngaulun anak nano ikab-ikab am malausan, koson riso mato ru orou nokotolop noyo buoi ru matawang; inasaban io am tinauyu'. Manusub Aku ra pantula' min mamatoi ra ulun ondo' lakat poyo naayag ra gino ngai' min. Aku, Tuhan nakaindagu noyo.”

JIRIMIA 5:10

Mangator Aku ra pantula' koson mampaluyak ra umo ru anggur ru ulun Kuno, kaa' sala' ka koson mamuso ra malingon. Manusub Aku ra pantula' mangindaan ra bulisang ru puun ru anggur, sabap ra bulisang-bulisang no sala' ka Aku tatangan.

JIRIMIA 6:23

Mokoondo' ilo ra panah am ilang; malaat ilo am kalo mangampun. Bolos kinurukup ru kuda nilo ondo' kinuraan koson ra bolos ru raat ondo' mangkinulun. Nakatampos ilo noyo mamulunsar ra Jirusalim.”

JIRIMIA 8:20

Golok ulun ru Israil, “Bulintok malasu' am bulintok mangkumos nakasail noyo, kaa' kalo poyo binayag akai.”

JOIL 3:9

Potonowo' baal ragitio ra bansa'-bansa', ‘Tampos kano koson mantula', piawo' ulun-ulun tutumula' min; timungo' ngaangai' saujor, am jalog kano!

OBAJA 1:1

Gitio noyo ragu inala' ri Obaja. Nampasaboi io ra ragu ru Tuhan Raja' intor ra ulun ru Idom. Nangator Tuhan ra ulun sinusub Nano mongoi ra bansa'-bansa', am norongog takau noyo tanou Nano, “Tampos kano! Ibok kano mangayou takau ra Idom!”

MIKA 3:5

Ulun Kuno rinuung ru nabi-nabi ondo' nambantu' ra kaansayan ra ulun ondo' nangani' risilo ra ruit, kaa' nompololob am nakimantula' ra ulun ondo' kalo nangani' ra atan-atan. Indagu Tuhan ra nabi-nabi no,

JIPANYA 2:4

Kolondo' boo osoi pana ondo' mayan giu' ra bandar Gaja. Bandar Askilon iruanin. Mamagun ru Asdod pagiruon ralalom sampiruo orou, am mamagun ru Ikron pagiruon intor ra bandar nilo.