JIRIMIA 6:28 - Tanou Moonsoi Timugon

²⁸ Ilo ngaangai' gugumuor ondo' mokotog guang, koson ra kinokotog ru tambaga' am basi'. Malaat paliso nilo am mugar mongoi ra ati-ati koson mampatanou ra tanou ondo' mampalaat ra ulun bokon.

JIRIMIA 6:28 ပူးပေါင်းရင်းမြစ်များ

MAZMUR 14:1

Ra tingganai santimungan maririmbai. Mazmur ri Daut. Ulun budu mindagu ralalom ru guang, “Kolondo' i Aki Kapuuno'.” Ngaangai' ilo malaat am masaga' ilo mambaal ra malaat; Kolondo' sangulun pana mambaal ra moonsoi.

MAZMUR 50:20

Uwin min rayuso' pabukat mino, am pongkotob simbaalin ra ragu.

AMSAL 10:18

Ulun ondo' mambuni ra kasisangan iono mamparuung. Ulun ondo' mangalimut iono sasambungon.

JISAYA 31:6

Tuhan mindagu, “Akau ulun ru Israil, makatula kau Raki' am manggal Raki'. Kaa' ragino saguli' kano Raki'!

JIRIMIA 18:18

Kon boo ru ulun, “Ibok no paguguum takau manggal ri Jirimia sabap itakau galama' mokoondo' ra imam ondo' makapangani' ra pangilaan, ulun mapintar makapangani' ra bilin, am nabi ondo' makapampasaboi ra tanou ri Aki Kapuuno' masalok soroi. Ibok no ibito' takau panguwan ri Jirimia, am lumonggo' mangkirongog ra ragu-ragu nano!”

JIRIMIA 20:10

Mokorongog aku ra ulun mongkonos ra ati ayuk, “Kalaanan gumaai-gaai! Ibok pabalaa' takau riso ondo' makakuasa'!” Niayuk poyo ngaangai' rangan moonsoi kuno maginaa ra karatuan kuno. Konilo, “Maaru' lair ra pamparuungan, makapangala takau riso, maa' raginio itakau makapansuli' riso.”

JIRIMIA 5:23

Kaa' mokotog guang min am maanggal-anggal; timinalansiang kau am nangiruan Raki'.

JIRIMIA 6:30

Inggalanin ilo ra tatai' basi' kolondo' onong, sabap ra Aku, Tuhan namatir noyo risilo.”

JIRIMIA 7:28

Balain mu ilo ra ilo noyo rondo' bansa' ondo' marara' gumagaya' Raki', Tuhan i Aki Kapuuno' nilo, am marara' ilo migila' intor ra ukuman ondo' pinatiu' risilo. Gagaya' nilo Raki' kolondo' noyo boo, inambai boo ra kalo boo tunungon.”

JIRIMIA 9:3

Masalok ilo tumampos lalair koson magabau; giu' ra titikop pagun ondo' motopot kalo manguasa', tumbalik no gumaai-gaai kalo mabanis guang. Indagu Tuhan, “Ulun Kuno kalo lulumonggo' mambaal ra kalaatan, kalo mangiou ilo Raki' koson i Aki Kapuuno' nilo.”

JIRIMIA 9:4

Moonong ulun musiti' pagilalain rangan nano; pongkotob pana kalo maintopot. Koson ilo ri Jakub ondo' namparuung ra pabukat nano, am moonong ulun manimbaal ra ragu ra rangan nano.

YEHEZKIEL 2:7

Posoboyo' ragu Kuno risilo, rumongog ilo kapoam kalo. Karaa' noyo, ilo ngaangai' no gumuor.

YEHEZKIEL 24:13

Okou Jirusalim, jinamol kou ru binaal muno ra mantalan ra inan. Kabalu' pana kuminam Aku mampapasau rirun, kaa' magulayun kou majamol. Kalo mapasau kou saguli' saboi ra okou makaliman ra ngaangai' kinoporos ru sangit Kuno.

IMAMAT 14:43

Amon ru mujak saguli' kulapuk no ra ralalom ru baloi ra maaligan noyo batu-batu, am rinding batu no makauran noyo am maangkupan noyo saguli' ra simin,

IMAMAT 19:16

Pai' potonowo' ragu sinimbaal intor ra ulun bokon. Paat ra bisaraan sasangulun no, pai' pangani' ra inono' magabau ondo' mangkinibit ra ulun no ukumin ra matoi. Aku noyo Tuhan.

PINAINTALANG 11:18

Ngaangai' ulun ondo' kalo nangintopot Rirun siminangit toojo, sabap ra nasuku' noyo orou Okou mambalos, am pangakiman Muno ra ulun namagatoi nasuku' noyo. Nasuku' noyo orou Okou mangani' ra ampos ra ulipon-ulipon Muno, ioginio nabi-nabi, am ra ngaangai' ondo' mangintopot am mangurumat Rirun, maatang am kalo maatang. Nasuku' noyo orou mamuso risilo ondo' mampalunsai ra tana' ti.”

PINAINTALANG 19:2

Motopot am mabanis pangukuman Nano. Nakapangukum Io no ra ruandu' mantatalan ra inan nano ondo' nampakalayau ra ulun ru tana' ti ra pansasawaan nano. Nakapangukum Io noyo riso sabap ra namatoi io ra ulipon ri Aki Kapuuno'.”