JIRIMIA 6:23 - Tanou Moonsoi Timugon

²³ Mokoondo' ilo ra panah am ilang; malaat ilo am kalo mangampun. Bolos kinurukup ru kuda nilo ondo' kinuraan koson ra bolos ru raat ondo' mangkinulun. Nakatampos ilo noyo mamulunsar ra Jirusalim.”

JIRIMIA 6:23 ပူးပေါင်းရင်းမြစ်များ

JISAYA 10:32

Orou raiti' pantula' siminoroi ra bandar Nob; giu' no gonggomon nilo palar tumingkuang ra Bulur Sion, mongoi ra bandar Jirusalim.

JISAYA 13:18

Ulun mamulok potoyon nilo ra panah am tanggayan nano. Kalo makaasi' ilo ra lalagang kapoam lalaing.

JISAYA 17:12

Bansa'-bansa' ra maikang kumuliasou-asou, am bolos no koson ra nginoos ru kinulun ru raat ondo' mapuor kaga'.

JISAYA 19:4

Kaa' pataakon Ku ulun ru Misir no ra sangulun raja' ra malaat kaga'. Parintaan ilo ru raja' malaat kaga' no. Aku, Tuhan Ondo' Maayo Kaga' Kuasa' minindagu noyo.”

JIRIMIA 25:32

Tuhan Ondo' Maayo Kaga' Kuasa' nakaindagu ra karaat lumampa' ra bansa' am bansa', am bagiu' mapuor kaga' tatanga' sumiab ra mapuor kaga' giu' ra pompor-pompor ru tana'.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 30:14

Ngaangai' ambai min nakalilian noyo ramuyun; kalo boo mampalio ilo ramuyun. Koson ra pantula', mamulunsar Aku ramuyun, ukuman ondo' maagat nakalumpa' ramuyun sabap ra tula min masuang kaga' am kalaatan min najanjayan kaga'.

JIRIMIA 4:13

Ilai' pantula' matong koson ra gaun. Kurita' kuda nano koson ra bagiu' puting beliung, am kuda nano maribok poyo intor ra susuit kanui. Nalumpa' takau ru karaat! Maluus takau!

JIRIMIA 4:16

Mampakara' ilo ra bansa'-bansa' am mambala' ra mamagun ru Jirusalim ra pantula' tatanga' matong intor ra pagun ondo' maalur. Pantula' gumolok koson manggal ra bandar-bandar Jiuda

JIRIMIA 4:29

Posongonsol pulalai mangkuda am mamanah, mangkinibit ra ulun magiru' intor ra ngaangai' bandar. Mokoondo' ulun nagiru' ra kataunan, ondo' bokon nagaloi ra bulur batu. Ngaangai' bandar iruanin, kolondo' ulun ondo' masaga' mayan ra giu' no.

JIRIMIA 5:16

Ulun-ulun mamanah nilo saujor ondo' baani; mampatoi ilo ra kalo makaasi'.

JIRIMIA 50:41

“Ulun tatanga' matong intor ra ralayo, rondo' bansa' ondo' maikang intor ra pagun maalur; masuang raja' tatanga' tumampos koson mangayou.

JIRIMIA 50:42

Nanampanah am nanangilang ilo; malaat am masangit ilo. Bolos kinurikap ru kuda koson ra raat mangkinulun, paat ra ilo mangura' ra kuda. Nakatampos ilo no mamulunsar ra Babilonia.

JIRIMIA 6:4

Konilo, “Tampos no mamulunsar ra Jirusalim! Tampos no! Bulunsaron takau bulintok tanga' ru orou!” Kaa' ilo pana mindagu, “Nakatawos noyo, orou lumondom galing noyo, babara' gumawar noyo.

JIRIMIA 8:16

Soroi noyo pantula' giu' ra bandar Dan; gala' ru kuda nilo morongog noyo. Titikop ru pagun mangalaa' paat ra kuda nilo mampagala'. Pantula' nakaratong noyo koson mamuso ra titikop ru pagun takau, am niayuk bandar takau am niayuk ngaangai' ru mamagun nano.”

YEHEZKIEL 21:31

Makaliman kau ra sangit Kuno koson ra apui ondo' bibilak paat ra Aku mapaabus raginio ramuyun. Pataakon Takamin ra ulun mapuka', ondo' nakaigila' mamuso ra ulun.

SAGULION 28:49

Maparatong Tuhan ra rondo' bansa' intor ra pompor ru tana' koson gumula' ramuyun, bansa' ondo' ragu nano kalo maratian min. Koson ra kanui, manumbit ilo ramuyun.