JIRIMIA 6:19 - Tanou Moonsoi Timugon

¹⁹ Rongog no, okou tana' ti! Ulun Kuno marara' mangapu ra pangilaan Kuno am kalo gumagaya' Raki'. Ginio ra porotongon Ku karaat risilo koson ra ukuman ra ngaangai' inatangan nilo.

JIRIMIA 6:19 ပူးပေါင်းရင်းမြစ်များ

AMSAL 15:26

Masisang Tuhan no ra pangkaraan ondo' majamol, kaa' iowon Nano ragu-ragu ra moonsoi.

AMSAL 28:9

Amon ru kalo gumagaya' kau ra ukum, i Aki kapuuno' pana mataman ra pakiasian muno.

JISAYA 1:2

Indagu Tuhan, “Alii ra limbowon am tana' ti, rongogo' noyo ragu Kutu! Ngaangai' anak ra pinasukor Kuno giminuor Raki'.

JISAYA 5:24

Ginio ra ati koson ra rami am sakot mapua' maluoi mosolob, ginio niayuk ra bakat mino mapasa' am bunga' mino lumonot, am masiob ru angin, sabap ra pangilaan ru Tuhan Ondo' Maayo Kaga' Kuasa', i Aki Kapuuno' ru Israil, i Aki Kapuuno' ondo' matulai, inimpayan min.

JISAYA 59:7

Rayusin min mangatang ra malaat, am intakiin min mambaal. Kalo pansagulian guang mampatoi kau ra ulun ondo' kolondo' sala. Ati ayuk sukuan min, mapatatang kau ra napuutan am kapusaan.

JISAYA 66:18

Makapandai Aku ra karaan am binaal nilono. Matong Aku koson manimung ra ngaangai' bansa'. Paat ra ilo makatimung, makakito ilo ra kuasa' Kuno,

JIRIMIA 11:11

Ginio ra, Aku, Tuhan, nampakara' risilo ra porotongon Ku karaat risilo am kalo makapagiru' ilo intor raginio. Amon ru gumolok ilo makiindangan Raki', marara' Aku mangkirongog risilo.

JIRIMIA 15:6

Nangimpai kau Raki', talikurin min Aku. Ginio ra, paakangon Ku longon koson manutuk ramuyun, sabap ra nasuraan Aku no mongorot ra sangit Kuno.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 19:3

Nanusub Tuhan raki' mindagu koson ragitio, “Raja' kau ru Jiuda am mamagun ru Jirusalim! Rongogo' atan ondo' masaga' Kuno, Tuhan Ondo' Maayo Kaga' Kuasa', i Aki Kapuuno' ru Israil, paraguon ramuyun. Mamparatong Aku ra karaat ondo' makalalaa' ra intok ragitio saboi ulun ondo' mangkirongog no makatigog.

JIRIMIA 21:14

Kaa' mangukum Aku rirun sabap ra binaal muno. Solobon Ku istana muno, am ngaangai' ra liliut nano mosolob niayuk. Aku, Tuhan nakaindagu noyo.”

JIRIMIA 22:29

O ra pagun kuno, namagunan kuno! Rongogo' ragu ru Tuhan,

JIRIMIA 29:19

Ngaangai' baal raginio masauk risilo sabap ra kalo sinugut nilo tanou Kuno ondo' pinasaboi Ku ra rinayus-rayus risilo pinabala' galing ra nabi-nabi, ulipon-ulipon Kuno. Marara' ilo mangkirongog ra tanou Kuno.

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

JIRIMIA 4:16

Mampakara' ilo ra bansa'-bansa' am mambala' ra mamagun ru Jirusalim ra pantula' tatanga' matong intor ra pagun ondo' maalur. Pantula' gumolok koson manggal ra bandar-bandar Jiuda

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

JIRIMIA 49:37

Mangkinibit Aku ra mamagun ru Ilam malaa' ra pantula' ondo' masaga' mamatoi risilo. Siminangit Aku kaga' ra mamagun ru Ilam am mamuso risilo. Atarin Ku saujor ondo' mangayou risilo, saboi pusoon Ku ilo lingono'.

JIRIMIA 6:10

Taam aku, “Osoi kia rumongog amon ru pakaraan ku ilo? Mokotog guang nilo am marara' rumongog ra tanou Muno; kuritin nilo tanou Muno ondo' pinasaboi kuno.

JIRIMIA 6:18

Ginio ra indagu Tuhan, “Rongog kano bansa' kau! Musiti' kau makapandai ra atan ondo' masauk ra ulun Kuno.

JIRIMIA 8:5

Kaa' kua ramuyun, ulun Kuno, nararayus nangiruan Raki' am kalo siminaguli' Raki'? Kua mapiot guut min ra sinungkalalaing min am marara' sumaguli' Raki'.

JIRIMIA 8:9

Ulun-ulun ondo' mangapintar ra gino min ngai' tauyuon, maubong am marakop ilo. Marara' ilo mangapu ra ragu Kuno; raino, kapintaran ra atan kia ondo' lakat poyo soroi risilo?

DANIL 9:11

Ngaangai' ulun ru Israil minanggal ra ukum Muno am marara' rumongog Rirun. Makatula akai noyo Rirun, ginio ra nangukum Kou ramon ra pagulasan ondo' tinulisan ralalom ru Ukum ri Musa, ulipon Muno.

GOSIA 10:13

Kaa' akau boo nantanom ra kalaatan am nangkumos ra kolondo' katimpakan. Mangakan kau kalalaat ra ampos ru abau min. “Ginio sabap ra akau malansan ra kurita' kuda min, am saujor min ondo' masuang kaga',

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

AMOS 2:4

Indagu Tuhan, “Mamagun ru Jiuda ruruli' noyo makatula, sabap raginio maaru' ukumin Ku ilo. Inanggal nilo susuban Kuno am kalo mampalio ra pangilaan Kuno. Pinalayau ilo ru tuhan-tuhan ra bokon ondo' sambaan ru kinamatuaan nilo.

MIKA 1:2

Rongog kano, akau ngaangai' bansa'; ilai' noyo, akau ngaangai' mamagun ru tana' ti! Tuhan Raja' masauk ra sasi' koson manguu' ramuyun ngai'. Rongog kano! Mindagu Io intor ra intok Nano ondo' matulai giu' ra suruga'.

MIKA 6:2

Gunung kau ngai', puun ru tana' ondo' mantilayun, rongogo' noyo ondo' pabalaan ru Tuhan! Tuhan mokoondo' ra baal ra ulun Nano am magibit Io ra panguwan ra Israil.

JUANIS 12:48

Osoi ayuk manginggi' Raki' am ragu Kuno, mokoondo' noyo mangakim riso. Ragu ondo' pinasaboi Kuli mangakim riso ra Orou Pupus.

RINALATAN 8:22

Talikur kono ayuk ra paliso malaat muno, am pakiasi' no ra Tuhan maa' raginio pangkaraan muno ra malaat no ampunon No!

SAGULION 30:19

Raino makapampili' kau ra bayag am matoi, ra barakat ri Aki Kapuuno' am ulas Nano. Mampiau aku ra limbowon am tana' ti koson masauk ra sasi' ra kapatasan min. Pilio' noyo bayag.

SAGULION 32:1

“Akau limbowon am tana', rongogo' noyo ragu kutu, rongogo' toojo ragu kutu.

SAGULION 4:26

Paat ra orou raiti' manusub aku ra limbowon am tana' ti masauk ra sasi' ramuyun ra amon kalo gumagaya' kau raki', mataki' kau maliom intor ra tana' ti. Kalo mabuoi akau mayan giu' ra tana' ra sandaup ru Sungoi Jordan, ondo' mataki' min ayanin. Mapuso kau kalingon.

1 SAMUIL 15:23

Gumuor ra Tuhan nogondo' laat no ra mambaal ra sihir, am guang ra malilimbau nogondo' laat no ra sumamba ra sinungkalalaing. Ginio sabap ra okou nangimpai ra susuban ru Tuhan, Tuhan pana nangimpai rirun koson ra raja'.”

1 SAMUIL 15:26

Kaa' taam i Samuil, “Kalo masaga' aku maya' rirun. Nangimpai kou noyo ra susuban ru Tuhan, am raino nangimpai Io rirun koson raja' ru Israil.”