JIRIMIA 6:16 - Tanou Moonsoi Timugon

¹⁶ Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

JIRIMIA 6:16 ပူးပေါင်းရင်းမြစ်များ

1 RAJA'-RAJA' 8:36

gama' ru Okou giu' ra suruga', mangkirongog risilo. Ampuno' noyo tula ru raja' am mamagun nano, ulun ru Israil. Mopongo raginio, iou Tuhan, patuuno' noyo rasam ra pagun Muti, ondo' pinataak Mu ra ulun Muno koson ra longgom nilo ra sabuoi-buoi no.

2 TUNUNG RU BANSA' ISRAIL 19:11

Tingganai Maayo Imam Amarya makakuasa' toojo ra ngaangai' baal ru ugama, am i Jibaja anak ri Ismail, gabenor ru Jiuda, makakuasa' toojo ra ngaangai' baal ru kasuangan. Ulun ru Liwi pinalansan ra kasugutan ra kapatasan ru makama. Baalo' min ra matanda' am suguto' panuluan-panuluan ragitio. Gama' ru Tuhan mabaya' ra ulun ondo' mambaal ra matimpok!”

MAZMUR 116:7

Kolondo' pagalabaan kuno, sabap ra moonsoi Tuhan raki'.

JISAYA 2:5

Alii ra papag ri Jakub, ugar takau ralalom sinda ru Tuhan!

JISAYA 28:12

Tuhan manaak ramuyun ngaangai' ra intok tangusan, kaa' marara' kau mangkirongog Riso.

JISAYA 30:21

Amon lumisang kau ra pamiris kapoam kait, morongog min bolos Nano giu' ra talikuron mino mindagu, “Gitio noyo ralan ti, baya' kano ra ralan ragitio!”

JISAYA 46:9

Karaa' noyo kasaukan-kasaukan ra galing i; Iowo' noyo ra Aku i Aki Kapuuno', am kolondo' bokon, Aku i Aki Kapuuno' am kolondo' mokogondo' Raki'.

JISAYA 57:2

Makaalap ilo ra kaansayan am tumangus ra ralalom ru lobong.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

JIRIMIA 18:12

Kaa' tumaam ilo, ‘Atan onong no? Bambalingatan am malaat akai ayuk maya' ra kasagaan mai!’ ”

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 2:25

Alii ra Israil, pai' ilowo' dewa-dewa, mapilatan kou ra kalayam, mapuaan tantalanan muno. Kaa' mindagu kou, ‘Kalo, kalo makasaguli' aku. Motogom aku ra dewa-dewa am masaga' aku maya' risilo.’ ”

JIRIMIA 22:21

Minindagu Aku ramuyun paat ra akau moonsoi kaayagan, kaa' marara' kau rumongog Raki'. Ginio noyo ondo' baalon min buoi ru bayag min; marara' kau gumagaya' Raki'.

JIRIMIA 31:21

Tatandui' noyo ralan, am tansaki' ra panuluan ra ralan; uyumo' ralan ondo' binayaan muno ragili. Ulun kau ru Israil, uli' kano. Saguli' no ra bandar-bandar min ragili.

JIRIMIA 42:3

Pakiasi' no gama' ru Tuhan, i Aki Kapuuno' takau manulu' ra ralan ondo' musiti' mai bayaan am atan ondo' musiti' mai baalon.”

JIRIMIA 44:16

“Marara' akai mangkirongog ra ragu ondo' raguon muno ra ralalom inggalan ru Tuhan.

JIRIMIA 50:5

Mangkuot ilo ra ralan mongoi ra Sion, am sumuku' ra giu' no. Mambaal ilo ra rondo' nabantuan mantilayun Raki', am kalo lumungkang raginio saboi ra sabubuoi no.

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

JIRIMIA 7:24

Kaa' marara' ilo rumongog raginio am marara' mampalio. Inambai nilo ra sinugut kasagaan ru guang nilo ra mokotog am malaat. Ginio ra nasauk ilo toojo ra malaat poyo am kalo masauk ra moonsoi poyo.

MALIAKI 4:4

Karaa' pangilaan ru ulipon Kuno i Musa. Karaa' ukum am susuban ondo' tinaakan Kuno riso giu' ra Gunung Sinai koson gagayaan ru ngaangai' ulun ru Israil.

LUKAS 16:29

Taam i Abragam riso, ‘Sala' ka kia mokoondo' Ukum ri Musa am kitab ru nabi-nabi mampakara' risilo? Polosoon noyo pinongkotob muno gumagaya' ra kaintutunan raginio.’

JUANIS 12:35

Indagu i Jisus, “Kalo boo mabuoi sinda no mayan ramuyun. Tungguli' noyo pangkiralanan min buoi ru sinda no soroi ramuyun, koson kalo maliputan kau ru kalandaman. Ulun ondo' mangkiralan ra kalandaman kalo mapandayan no ati kaangayan.

JUANIS 13:17

Amon ru makapandai kau raginio, mulu' poyo bansuk min amon ru suguton min.

JUANIS 5:39

Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki',

RINALATAN 17:11

Giu' ra Biria, ulun ru Jaudi moonsoi guang intor ra ulun ru Jaudi giu' ra Tisalonika. Naansayan ilo mangkirongog ra tanou intor ri Jisus. Moonong orou mambasa' ilo ra Buuk Kitab koson magilong ra motopot kia pangilaan ri Paulus ti.

ROMA 4:12

I Abragam niayuk koson ra ama' ru ngaangai' ulun sinunatan, sala' ka ra sunat nilo ayuk, kaa' niayuk ra pangintapatan nilai ti mogondo' ra pangintapatan ri Abragam ra io kalo poyo sinunatan.

SAGULION 32:7

“Karaa' noyo paat ragili, galing i poyo; kitaako' ama' min mantunung raginio ramuyun; kitaako' ulun matutuo mantunung ra tunung ragili.

KOLOSI 2:6

Inapu min noyo i Jisus Kristus koson ra Tuhan min. Ginio ra kaayag kano sumimpung mabaya' Riso.

IBRANI 11:2

Sabap ra intor ra pangintapatan noyo kinamatuaan takali iniou ri Aki Kapuuno'.

IBRANI 6:12

Ginio nai ra kalo masaga' akai ra akau sumauk ra ulun matiar, kaa' ra akau tumilu ra ulun bokon ondo' mangintopot ri Aki Kapuuno' am poyo mataan guang. Maa' raginio makaapu kau ra ondo' binantu' ri Aki Kapuuno'.

TINGGANAI RU BANSA' 2:17

Kaa' kalo lioon ru ulun ru Israil tingganai-tingganai no. Kalo giminagaya' ilo ra Tuhan; siminamba ilo ra tuhan ra bokon. Giminagaya' kinamatuaan nilai ra susuban ru Tuhan, kaa' sukor bagu kalo nambaal koson raginio.