JIRIMIA 6:14 - Tanou Moonsoi Timugon

¹⁴ Karaan nilo pilat-pilat ru ulun Kuno koson ra pilat boborok ayuk. Konilo, ‘Ngaangai' no moonsoi am mamaa'.’ Kaa' sotopot no kalo toojo moonsoi am kalo mamaa'.

JIRIMIA 6:14 ပူးပေါင်းရင်းမြစ်များ

2 SAMUIL 17:3

Ngaangai' ru ulun nano pasagulion ku rirun koson ra ruandu' uoton sumaguli' ra ralaki. Sala' ka kia okou ayuk mompogogot ra rondo' painawo ru ulun? Ulun ra bokon kalo jamarin.”

JISAYA 1:6

Intor ra ulu suku' ra pampalar ru kalayam, kolondo' sanganu pana batang ru inan mino moonsoi. Inan mino naliput ra lanit, ruruko, am pipilat, ondo' kalo poyo piniiran kapoam binangkos, kapoam tinapisan ra umau.

JISAYA 30:10

Susubon nilo nasuangan nabi kalo paindaguon. Mindagu ilo, “Pai' paraguo' ragu ra motopot no ramon, kaa' paraguo' noyo ragu ra masaga' mai rongogon. Polosoo' akai no mantutuyang.

JISAYA 30:26

Bulan no suminda mapaang koson ra mato ru orou, am mato ru orou suminda mapaang intulu' poyo kapaang intor ra paang kaindalaman, koson ra sinda ru mato ru orou tulu' ngoorou buoi pinasinda patimpuluso'. Ngaangai' no masauk paat ra Tuhan mamangkos am mamali' ra pipilat-pipilat ru ulun Nano ondo' pinilatan Nano.

JIRIMIA 14:13

Aku pana mindagu, “Iou Tuhan Raja', nakapandai Kou ra nabi-nabi nambala' ra mamagun ra kolondo' pangayawan kapoam bitilan, sabap ra nambantu' Kou ra giti ra pagun ti masalok makakaansayan.”

JIRIMIA 14:17

Nanusub Tuhan raki' mambala' ra kangilukan kuno ra ulun Nano. Musiti' ku raguon koson ragitio, “Polosoon aku mantangi' ra kalo tumulou, orou am rondom lomou tumulisan, sabap ra bansa' kuno napilatan toojo am naimbolo' kaga'.

JIRIMIA 23:17

Masalok ilo mindagu ra ulun ondo' marara' rumongog ra ragu Kuno, ‘Maayag kau.’ Konilo ra moonong ulun ondo' bambalingatan, ‘Kalo malumpa' kau ru karaat.’ ”

JIRIMIA 28:3

Ralalom ru buoi ruo ngambilor ti pasagulion Ku ngaangai' kuliamos ru Baloi Kuno, ondo' inaut ru Raja' Nibukadnijar ra Babilonia.

JIRIMIA 4:10

Kopongo raginio indagu aku, “Iou Tuhan Raja', totopot Kou namparuung ra mamagun ru Jirusalim! Minindagu Kou ra mokoondo' kaansayan, kaa' raino painawo nilono mololob.”

JIRIMIA 5:12

Ulun ru Tuhan mindagu ra baal ondo' kalo motopot intor ra Tuhan. Konilo, “Kolondo' atan pana baalon Nano. Kalo malumpa' takau ra karaat; kalo boo makaili' takau ra pangayawan kapoam bitilan.”

SULABOI 2:14

Nabi-nabi muno mapandai ayuk magabau; namparuung ilo rirun ra kalo nambala' ra tula muno. Nambaal ilo rirun mangkara' ra okou kalo pana tumalikur intor ra tula.

YEHEZKIEL 13:10

“Nabi-nabi no nampalayau ra ulun Kuno ra minindagu ra ngaangai' no moonsoi ayuk, kaa' sotopot no ngaangai' no kalo moonsoi! Ulun Kuno nambaal ra timbok ondo' kalo maikang, nabi-nabi no pana minatong am pinulak ginio ra kapur.

YEHEZKIEL 13:16

iono nabi-nabi ondo' minindagu ra ragu manala' ra Jirusalim moonsoi, kaa' sotopot no kalo!” Koon raginio noyo ragu ru Tuhan Raja'.

YEHEZKIEL 13:22

“Nabaya' ra abau mino kinalawo min guang ru ulun moonsoi, ondo' kalo masaga' Ku jamarin. Nangunsu' kau ra ulun malaat maa' raginio marayus mambaal ra kalaatan saboi kalo mabayag ilo.

YEHEZKIEL 14:9

“Amon ru sangulun nabi ruungon saboi mindagu ra ondo' kalo motopot, Aku, Tuhan ondo' namparuung riso. Patirin Ku io intor ra ulun Kuno Israil.

MIKA 2:11

Masaga' kau ra nabi ondo' masaga' magabau am mamparuung, am ondo' mindagu, ‘Manala' aku ra makaalap kau ra wain am inumon makagauk ondo' masuang toojo.’

MIKA 3:5

Ulun Kuno rinuung ru nabi-nabi ondo' nambantu' ra kaansayan ra ulun ondo' nangani' risilo ra ruit, kaa' nompololob am nakimantula' ra ulun ondo' kalo nangani' ra atan-atan. Indagu Tuhan ra nabi-nabi no,

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.

2 PITRUS 2:1

Paat ra galing i, mokoondo' noyo ulun migigiangku ra nabi intor ra bansa' ru Jaudi, am mogondo' niayuk ra tatanga' mino ra mokoondo' sumalula' niayuk ulun migigiangku ra mangingila'. Mangila' ilo ondo' kalo motopot am ondo' mampalayau ra ulun. Magali' ilo ra Tuan ondo' nampalabus risilo. Ginio boo mangkinibit risilo mapuso ra maagu no.