JIRIMIA 6:1 - Tanou Moonsoi Timugon

¹ Ulun kau ru Binjamin, pagiru' no koson mamayag ra inan! Iruani' Jirusalim! Samputi' bujung giu' ra Tikoa am paangi' apui pulanu giu' ra Bit-Kirim! Karaat am usung maar sumaboi intor ra ralayo.

JIRIMIA 6:1 ပူးပေါင်းရင်းမြစ်များ

2 SAMUIL 14:2

ginio ra panusub io ra ulun magalap ra ruandu' mapintar ondo' minayan giu' ra Tikoa. Paat ra ruandu' no nakasaboi, indagu i Joab riso, “Baalo' ra ilain koson ayuk ra mangulir; pambayang ra bayang mangulir am pai' surayo' abuk. Baalo' koson ra ruandu' ondo' lair noyo mangulir.

2 TUNUNG RU BANSA' ISRAIL 11:6

Bitligim, Itam, Tikoa,

NIGIMIA 3:14

I Malkia anak ri Rikab, mangunguasa' ra libung Bit-Kirim nambaal saguli' ra Kulobon Garabang Ginsamol. Napaatang ilo ra angob-angob ru kulobon, paku'-paku' tataun am tataun-tataun pangalor ra kulobon garabang.

NIGIMIA 3:5

Ulun intor ra bandar Tikoa nambaal ra tayar ru timbok ondo' tunggul no, kaa' tingganai-tingganai ru bandar no marara' mambaal ra kandoi majamol ondo' pinataak risilo ru ulun naningganai risilo.

JIRIMIA 10:22

Rongog no! Tanou nakasaboi noyo! Mokoondo' rondo' bansa' giu' ra ralayo mapasingkual ra kajajawan. Saujor nano mapasauk ra bandar-bandar ru Jiuda masiluk am kolondo' mayan, saboi masauk ra intok ayanan ru uku' kataunan.”

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 4:29

Posongonsol pulalai mangkuda am mamanah, mangkinibit ra ulun magiru' intor ra ngaangai' bandar. Mokoondo' ulun nagiru' ra kataunan, ondo' bokon nagaloi ra bulur batu. Ngaangai' bandar iruanin, kolondo' ulun ondo' masaga' mayan ra giu' no.

JIRIMIA 6:22

Indagu Tuhan, “Ulun matong intor ra rondo' pagun giu' ra ralayo; rondo' bansa' ondo' maikang giu' ra pagun maalur tatanga' tumampos koson mangayou.

AMOS 1:1

Gitio noyo ragu-ragu ri Amos, sangulun magagalung ra domba intor ra bandar Tikoa. Ruo ngambilor ra kalo poyo nasauk tana' mogonggon, paat ra pagun ru Jiuda pinarinta ru Raja' Ujia am Israil pinarinta ru Raja' Jirobiam anak ungkuyon ru Raja' Jigoas, pinabala' ri Aki Kapuuno' ri Amos baal-baal intor ra Israil.

AMOS 3:6

Amon ru bujung tatandu' ru pangayawan samputin, kalo kia ulun giu' ra bandar malaa'? Makalumpa' kia karaat ra rorondo' bandar, amon Tuhan kalo mamparatong ra karaat no?

JAKARIA 6:6

Kurita' kuda ondo' binunduk ru kuda maitom sumuku' ra Babilonia giu' ra ralayo. Kuda mapulak sumuku' ra kalasaan am kuda ondo' tangkakalut sumuku' ra pagun giu' ra rabugus.

JOSUA 15:63

Kaa' bansa' ru Jiuda kalo nakapapagiru' ra ulun ru Jibusi ondo' minayan giu' ra Jirusalim. Ulun ru Jibusi lakat poyo minayan ra giu' no nabaya' ra bansa' ru Jiuda.

TINGGANAI RU BANSA' 1:21

Kaa' bansa' ru Binjamin kalo nakasugut napagiru' ra ulun ru Jibusi intor ra Jirusalim. Ginio sabap ra lakat poyo minayan ulun ru Jibusi nabaya' ra ulun ru Binjamin.