JIRIMIA 52:4 - Tanou Moonsoi Timugon

⁴ Ginio ra Raja' Nibukadnijar nababaya' ra ngaangai' pulalai ru saujor nano namulunsar ra Jirusalim paat ra orou koopor, sila' koopor ralalom bilor kasiam ra pamarintaan ru Raja' Jidikia. Nangkim ilo giu' ra liwar ru Jirusalim am nambaal ra timbok koson magawang ra bandar no.

JIRIMIA 52:4 ပူးပေါင်းရင်းမြစ်များ

JISAYA 29:3

I Aki Kapuuno' mamulunsar am mampalibung ra bandar no.

JIRIMIA 21:2

“Pakitulu' no intor ra Tuhan koson ritakau, sabap ra Raja' Nibukadnijar intor ra Babilonia nabaya' ra pulalai nano, tatanga' magawang ra bandar takau. Maaru' lair Tuhan mambaal ra kaimuagan koson ritakau, am mampajajal ra Raja' Nibukadnijar lumugut.”

JIRIMIA 32:24

Nambaal ulun ru Babilonia ra timbok pagawangan giu' ra liliut ru bandar koson mampagaau raginio, am raino tatanga' ilo mamulunsar raginio. Pangayawan, bitilan am maruol tumapik mangkinibit ra bandar ti maratu' ra ralalom ru kalindu' nilo. Nakito Mu ra ngaangai' ondo' rinagu Muno topot-topot nasauk.

JIRIMIA 34:1

Minindagu Tuhan raki' paat ra Raja' Nibukadnijar intor ra Babilonia am saujor nano namulunsar ra Jirusalim am bandar-bandar giu' ra liliut no. Raja' no pinatoi ru saujor ru pagun-pagun am bansa'-bansa' ondo' ralalom ru kuasa' nano.

JIRIMIA 39:1

Paat ra sila' koopor, bilor kasiam ra pamarintaan ru Raja' Jidikia giu' ra Jiuda, Raja' Nibukadnijar intor ra Babilonia minatong namulunsar ra Jirusalim nabaya' ra ngaangai' saujor nano.

JIRIMIA 4:17

am magawang ra Jirusalim koson ra ulun magalung ra umo. Ngaangai' baal raginio masauk sabap ra mamagun ru Jiuda giminuor noyo ra Tuhan. Nakaindagu noyo Tuhan.

JIRIMIA 52:7

timbok ru bandar linunsai ru pantula'. Kabalu' pana bandar no inawangan ru ulun ru Babilonia, ngaangai' saujor ru Jiuda nakapagiru'. Nagiru' ilo paat ra rondom, am minaya' ra ralan ondo' mansail ra taman ru istana, am miningkual mansail ra kulobon garabang nantuuman ru karuruo timbok ra intok raginio. Nagiru' ilo minongoi ra Limayak Jordan.

YEHEZKIEL 21:22

Panah ondo' makatatandu' ra ‘Jirusalim’ butuson ru kalindu' pamiris nano. Baal ragitio makaarati' ra raja' musiti' manuntur ra tataun-tataun panukul giu' ra kulobon garabang, mambaal ra rinding masawat ru pagawangan am mangkali ra parit-parit.

YEHEZKIEL 21:27

Malunsai! Malunsai! Totopot lunsayon Ku bandar ti! Kaa' baal ragitio kalo masauk ra kalo poyo ulun pilion Kuno koson mangukum ra bandar ti matong. Paat raginio pataakon Ku bandar ti riso.’ ”

YEHEZKIEL 26:8

Mamagun ru bandar-bandar giu' ra tana' marata' potoyon ralalom pangayawan. Pantula' mangkali ra parit, mambaal ra timbok pagawangan, am manampos ra perisai koson ra kubu ondo' mapiot koson manggal rirun.

YEHEZKIEL 33:21

Paat ra orou kalimo, sila' koopor, bilor koopor am ruo paat ra akai ralalom pamatiran, sangulun ondo' nagiru' intor ra Jirusalim minatong nambala' raki' ra bandar no naratu' noyo.

YEHEZKIEL 40:1

Paat ra orou koopor, sila' kasaa' ralalom ru bilor karuo ngoopor am limo paat akai ralalom pamatiran, am bilor koopor am apat kalupus Jirusalim kinala, makaliman aku ra kuasa' ru Tuhan, am nagibit Io raki' minugar.

IMAMAT 26:25

Porotongon Ku pangayawan giu' ra pagun mino koson mangukum ramuyun, sabap ra lumungkang ra nabantuan Kuli ramuyun. Paat ra mantimung kau ralalom ru bandar koson makiampin, porotongon Ku maruol ondo' magibit ra patayan saboi makirakop kau kalalaat ra pantula' min.

JAKARIA 8:19

“Mampali ondo' binaal ra sila' kaapat, kalimo, katulu' am koopor masauk ra pangiantakan ondo' natikop ra kaansukan am kasagaan ru mamagun Jiuda. Tagami' noyo katapatan am kaansayan!”

LUKAS 19:43

Sabap ra masaboi paat no limpuin kou ru pantula' muno, ampangin am awangin kou ra ngaangai' intok.

LUKAS 21:20

“Amon ru makito min bandar Jirusalim limpuin ru saujor, matutunan min boo ra lunsayon io ra maagu no.