JIRIMIA 52:3 - Tanou Moonsoi Timugon

³ Siminangit kaga' Tuhan ra mamagun ru Jirusalim am Jiuda saboi pinagiru' No ilo am kalo boo nanindung risilo. Giminuor Raja' Jidikia ra Raja' Nibukadnijar intor ra Babilonia.

JIRIMIA 52:3 ပူးပေါင်းရင်းမြစ်များ

JISAYA 3:1

Sotopot no, Tuhan Ondo' Maayo Kaga' Kuasa' no mangalap intor ra Jirusalim am Jiuda nansalinut inula' ra akanon am inumon am niayuk ngaangai' ulun ra lansanin nilono,

2 TUNUNG RU BANSA' ISRAIL 36:13

Raja' Jidikia giminuor ra Raja' Nibukadnijar, ondo' nampajajal riso nagibot ralalom inggalan ri Aki Kapuuno' ra gumagaya' io ra Raja' Nibukadnijar. Raja' Jidikia bambalingatan am marara' tumalikur intor ra tula am niayuk sumaguli' ra Tuhan, i Aki Kapuuno' ru Israil.

JISAYA 19:4

Kaa' pataakon Ku ulun ru Misir no ra sangulun raja' ra malaat kaga'. Parintaan ilo ru raja' malaat kaga' no. Aku, Tuhan Ondo' Maayo Kaga' Kuasa' minindagu noyo.”

MAMPATANOU 10:16

Aibui boo ra rorondo' pagun ondo' lakat poyo mamulok raja' nano am tingganai nano munsag saboi masuaban.

AMSAL 28:2

Amon ru bansa' gumuor, mangunguasa' nano masalok pagalig-galig; amon ru tingganai no mapandai am mapintar, pamarintaan nano maikang am mapanggol.

1 RAJA'-RAJA' 10:9

Koompor noyo Tuhan, i Aki Kapuuno' muno! Nampakito Io noyo ra maansayan Io rirun am nampasauk rirun ra raja' ru Israil. Ginio sabap ra togom Nano mantilayun ra Israil, nampasauk Io noyo rirun ra raja' nilo maa' raginio makaugar mu ukum am katimpakan.”

2 SAMUIL 24:1

Siminangit poyo Tuhan ra ulun ru Israil, am nanusub Io ra Raja' Daut koson mamparatong ra kapaganan ra ulun raginio. Indagu Tuhan ra Raja' Daut, “Paugaro' manguntob ra mamagun ru Israil am Jiuda.”

KASAUKAN 4:14

Paugaron Mu aku ra tana' ti, am intor ra saang Muno. Masauk aku boo ra sangulun tumanggau ondo' kolondo' intok ra tana' ti am potoyon aku ru osoi ayuk makatuum raki'.”

KASAUKAN 4:16

Ugar boo i Kain intor ra saang ru Tuhan am ayan io giu' ra tana' ondo' ininggalanan ra “Tanggawan” giu' ra tampilon sirangon ru Idin.

2 RAJA'-RAJA' 24:20

Siminangit kaga' Tuhan ra mamagun ru Jirusalim am Jiuda saboi ra kalo boo mampalio Io risilo.

JIRIMIA 7:15

Akau pagiruon Ku intor ra saang Kuno koson ra Aku nampagiru' ra pabukat min, ulun ru Israil. Aku, Tuhan nakaindagu noyo.”

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

2 RAJA'-RAJA' 17:18

Siminangit Tuhan ra ulun ru Israil saboi pinatiran ilo intor ra tana' ondo' tinaakan Nali risilo; ondo' soroi ayuk am pamarintaan ru Jiuda.

2 RAJA'-RAJA' 17:20

Inimpayan ru Tuhan ngaangai' ulun ru Israil. Nangukum Io risilo am pinataak ra pantula' ondo' malaat, saboi pupus no pinatiran No ilo intor ra tana' ondo' tinaakan Nano risilo.

2 RAJA'-RAJA' 17:23

Pupus no namatir Tuhan risilo intor ra tana' ondo' tinaakan Nano risilo. Baal raginio nasauk nontopot ra pinakara' ondo' tinaakan ru Tuhan ra ulipon-ulipon Nano. Ginio ra ulun ru Israil pinatiran giu' ra Asyur, intok inayanan nilo saboi raino.

IJRA 4:15

maa' raginio tutunon mu arkib ru kinamatuaan muli. Maaru' makapandai kou ra intor ragili, bandar no magail gumuor am mantipagon ra raja' am panguasa' ru pagun. Mamagun no masalok mapagon susubon am ginio sabap ra bandar no pinuso.

JISAYA 36:5

Makapangkara' kau kia ra ragu-ragu ayuk makasuali ra kapintaran am kaikangan ru saujor? Osoi kia lansanin min koson mangindangan ramuyun mamulunsar ra Asyur?