Pamarintaan nano napupusan paat ra Raja' Niko intor ra Misir namparakop riso giu' ra Ribla, giu' ra pagun Gamat. Raja' Niko nampajajal ra mamagun ru Jiuda nambayar 3,400 ngakilogram pirok am 34 ngakilogram mas koson ra cukai.
Paat ra orou katulu', sila' kalimo, bilor koopor am siam ra pamarintaan ru Raja' Nibukadnijar intor ra Babilonia, i Nibujaradan, iono panglima ru saujor am maminson ra raja', siminubol ra Jirusalim.
Kaa' saujor ru Babilonia nangilou risilo am namparakop ra Raja' Jidikia giu' ra pipit mamaar ra Jiriko. Inibit nilo io minuma' ra Raja' Nibukadnijar ondo' paat raginio soroi giu' ra bandar Ribla giu' ra libung Gamat. Giu' no nangukuman ru Raja' Nibukadnijar riso.
Pupus no, i Nibujaradan, panglima saujor no, nagibit ra mamagun ondo' lakat poyo giu' ra bandar minongoi ra Babilonia koson ra ulun rinakop. Nagibit io niayuk ra ngaangai' ulun ondo' minaya' riso, minongoi ra Babilonia.