JIRIMIA 52:24 - Tanou Moonsoi Timugon

²⁴ Suai raginio, i Nibujaradan, panglima ru saujor no, namparakop ra Tingganai Maayo Imam Siraya am ulun mangindangan riso, iono Imam Jipanya, am niayuk talu ngaulun pagawai maatang ru Baloi ru Tuhan.

JIRIMIA 52:24 ပူးပေါင်းရင်းမြစ်များ

2 RAJA'-RAJA' 23:4

Kopongo raginio Raja' Josia namarinta ra Tingganai maayo Imam Ilkia, imam ra mangingindangan, am mantamung ondo' mangandoi giu' ra kulobon Baloi ru Tuhan maa' raginio mangingkual ra ngaangai' kuliamos ondo' pinakai koson sumamba ra Baal, Dewi Asyira, am butitin-butitin. Sinolob ru Raja' Josia ngaangai' kuliamos no giu' ra liwar ru bandar, mamaar ra Limayak Kidron, am kaau no inibit ra Bitil.

2 RAJA'-RAJA' 25:18

Suai raginio i Nibujaradan, iono panglima ru saujor, namparakop ra Tingganai Maayo Imam Siraya am mangindangan nano, iono Imam Jipanya, am niayuk talu ngaulun pagawai masawat ru Baloi ru Tuhan.

1 TUNUNG RU BANSA' ISRAIL 6:14

Siraya, Jojadak.

IJRA 7:1

Bibilor boo buoi raiti, paat ra Raja' Artasasta nasauk ra raja' ru Pirsia, mokoondo' sangulun ungkuyon inggalan no i Ijra. Io sangulun intor ra papag ri Arun, Tingganai Maayo Imam no, am inggalan ru papag nano koson ragitilo: Ijra anak ri Siraya, anak ri Ajaria, anak ri Ilkia,

MAZMUR 84:10

Barakato' noyo raja' maino, iou Aki Kapuuno', raja' ra pinili' Muno.

JIRIMIA 20:4

Tuhan galama' minindagu, ‘Saukon Tokou ra kalaanin ru inan muno galama' am rangan-rangan muno. Makakito kou risilo ngaangai' potoyon ru pantula' ra ilang. Polosoon Ku ngaangai' ulun ru Jiuda kuasaan ru raja' Babilonia; santayaran risilo auton koson ra ulun rinakop poongoyon ra pagun nano, am ilo ondo' kalo auton no potoyon.

JIRIMIA 21:1

Raja' Jidikia intor ra Jiuda, nanusub ra Imam Pasyur anak ri Malkia am Imam Jipanya anak ri Maasiya, mongoi raki'. Nanusub raja' risilo mampasaboi ra kitaakon ti raki',

JIRIMIA 29:29

Surat no binasa' ru Imam Jipanya raki'.

JIRIMIA 34:21

Pataakon Ku niayuk Raja' Jidikia intor ra Jiuda, am pagawai-pagawai nano ra ulun ondo' masaga' mamatoi risilo. Pataakon Ku ilo ra saujor ru Babilonia, ondo' liminonggo' namulunsar ramuyun.

JIRIMIA 35:4

am ongoi ra Baloi ru Tuhan. Inibit ku ilo ra lamin ru maamaya' ru Nabi Ganan anak ri Jigdalya. Lamin no giu' ra rasawat ru lamin ri Maasiya anak ri Salum, sangulun pagawai masawat giu' ra Baloi ru Tuhan. Lamin no niayuk mamaar ra lamin ru pagawai-pagawai ra bokon.

JIRIMIA 37:3

Nanusub Raja' Jidikia ri Jukal anak ri Silimia, am Imam Jipanya anak ri Maasiya koson makitaak ra aku makiasi' ra Tuhan, i Aki Kapuuno' takau, tayar ru pagun takau.

JIRIMIA 52:12

Paat ra orou koopor, sila' kalimo ra bilor koopor am siam ra pamarintaan ru Raja' Nibukadnijar giu' ra Babilonia, i Nibujaradan, iono panglima saujor am maminson ra raja', minatong ra Jirusalim.

JIRIMIA 52:15

Kopongo raginio nagibit i Nibujaradan ra ulun ondo' lakat poyo soroi giu' ra bandar no ra Babilonia, iono ulun manukang ra matasik ondo' lakat poyo soroi, am ilo ondo' sumaung ra ulun ru Babilonia.

SULABOI 4:16

Kalo boo mampalio Tuhan risilo; Io galama' nampatutuliar risilo. Kalo boo ilain No imam-imam kapoam makaasi' ra tingganai-tingganai.

YEHEZKIEL 11:7

“Ginio ra Aku, Tuhan Raja' mindagu ramuyun. Topot ra bandar ti noyo pagangan, kaa' kual giu' ra ralalom no sala' ka akau, kaa' baangkai ru ulun ondo' pinatoi min! Kaa' akau patirin Ku intor ra bandar ti!

YEHEZKIEL 24:5

Alap ra kual ru domba ondo' moonsoi kaga', am pantuumo' luton giu' ra saau ru pagangan. Polosoo' timug nano rumiri', tonoko' kual am bungul-bungul no.”

YEHEZKIEL 34:10

Aku, Tuhan Raja', mampatanou ra Aku pantula' min. Alapon Ku domba-domba Kuno intor ramuyun, am domba-domba kalo boo palansanin ramuyun. Kalo boo mangiou Aku ramuyun magalung ra kaatangan min galama' ayuk. Bayagon Ku domba-domba maa' raginio kalo masauk ra akanon min.’ ”