JIRIMIA 52:20 - Tanou Moonsoi Timugon

²⁰ Kuliamos-kuliamos gangsa' ondo' binaal ru Raja' Salomo koson ra Baloi ru Tuhan, iono ruo ngantaun lugu', kurita' kuda, tangki' maayo am mopor am ruo ngainan sapi' ondo' napatampakan no – ngaangai' no maagat kaga' saboi kalo matimbang.

JIRIMIA 52:20 ပူးပေါင်းရင်းမြစ်များ

1 RAJA'-RAJA' 7:25

Tangki' no pinabanta' ra rasawat ru bakulung ru mopor am ruo ngainan sapi' gawayan ondo' binaal intor ra tambaga', ondo' pinatingkuang ra liwar: talu pinatingkuang ra ralayo, talu tampilon ra kalasaan, talu tampilon ra rabugus am talu tampilon ra sirangon.

1 RAJA'-RAJA' 7:47

Raja' Salomo kalo nanimbang ra kakamot-kakamot tambaga' no, sabap ra masuang kaga'. Ginio ra kalo napandayan bagat no.

2 RAJA'-RAJA' 25:16

Kuliamos-kuliamos gangsa' ondo' binaal ru Raja' Salomo, iono ruo ngantaun lugu', ngaangai' ru kurita' kuda, am tangki' ondo' maayo, maagat kaga' saboi kalo matimbang.

1 TUNUNG RU BANSA' ISRAIL 22:14

Intor ra Baloi ru Tuhan no, piniratan ku noyo toojo koson nanimung nasailan intor ra 3,400 ngatan mas am nasailan intor ra 34,000 ngatan pirok. Suai raginio mokoondo' gangsa' am basi' ondo' kalo mauntob suang no. Tataun am batu pana tinampos ku noyo, kaa' musiti' mu ruangin poyo ginio.

2 TUNUNG RU BANSA' ISRAIL 4:18

Kuliamos-kuliamos raginio ondo' binaal masuang kaga', saboi kolondo' osoi pana makapangaru' ra bagat ru gangsa' ondo' pinakai no.

JIRIMIA 52:17

Pinopol ru ulun Babilonia lugu'-lugu' gangsa' am kurita' kuda ondo' giu' ra ralalom ru Baloi ru Tuhan, am niayuk tangki' gangsa' ondo' maayo. Inibit nilo ngaangai' gangsa' no ra Babil.