JIRIMIA 52:17 - Tanou Moonsoi Timugon

¹⁷ Pinopol ru ulun Babilonia lugu'-lugu' gangsa' am kurita' kuda ondo' giu' ra ralalom ru Baloi ru Tuhan, am niayuk tangki' gangsa' ondo' maayo. Inibit nilo ngaangai' gangsa' no ra Babil.

JIRIMIA 52:17 ပူးပေါင်းရင်းမြစ်များ

DANIL 1:2

Nangiou Tuhan ra Raja' Nibukadnijar namparakop ra Raja' Joyakim am nampagaau santayaran intor ra kuliamos mongologo giu' ra Baloi ru Tuhan. Nagibit Raja' Nibukadnijar nababaya' riso kukula' ngaulun rinakop am pinaayan ilo giu' ra kuil ru dewa-dewa nano giu' ra Babil. Nambuli io ra kuliamos mongologo no giu' ra ralalom ru intok-intok pambulian ru kuil.

SULABOI 1:10

Pantula' nano nampagaau ra ngaangai' kalangkayaan nano. Nakakito Io risilo siminubol ra Baloi ru Tuhan, intok kalo iowon subolon ru ulun ondo' sala' ka ulun ru Tuhan.

2 TUNUNG RU BANSA' ISRAIL 36:18

Kuliamos-kuliamos ra Baloi ru Tuhan am kuliamos-kuliamos mologo ondo' soroi ra giu' no, rapu' ru raja' am pagawai-pagawai nano, ginaau ru raja' Babilonia, am inibit ra Babil.

1 RAJA'-RAJA' 7:50

sangkir, kakamot mangimpasau ra sumbu' ru lampung, mangkuk, pinggan intok pambulian ra kaminyan, baa ru apui, ingsil ru kulobon Lamin Matulai Kaga' am kulobon-kulobon ra liwar ru Baloi ru Tuhan. Ngaangai' ru kakamot no binaal intor ra mas.

2 RAJA'-RAJA' 20:17

masaboi paat no ra ngaangai' ondo' soroi ra istana mutu, ngaangai' ondo' tinimung ru kinamatuaan muli saboi orou raiti', ibiton giu' ra Babilonia. Kolondo' rondo' pana tatangon.

JIRIMIA 52:20

Kuliamos-kuliamos gangsa' ondo' binaal ru Raja' Salomo koson ra Baloi ru Tuhan, iono ruo ngantaun lugu', kurita' kuda, tangki' maayo am mopor am ruo ngainan sapi' ondo' napatampakan no – ngaangai' no maagat kaga' saboi kalo matimbang.

YEHEZKIEL 40:49

Tampilon ra tingganai no ra gawar nano 10 ngamito am pila' nano 6 ngamito. Ulun makasubol ra giu' no ra magaloi ra kukula' tukar. Giu' ra kulobon subalan mokoondo' ruo lugu', rondo' ra tampilon pamiris am rondo' ra tampilon kait.