JIRIMIA 52:15 - Tanou Moonsoi Timugon

¹⁵ Kopongo raginio nagibit i Nibujaradan ra ulun ondo' lakat poyo soroi giu' ra bandar no ra Babilonia, iono ulun manukang ra matasik ondo' lakat poyo soroi, am ilo ondo' sumaung ra ulun ru Babilonia.

JIRIMIA 52:15 ပူးပေါင်းရင်းမြစ်များ

2 RAJA'-RAJA' 25:11

Kopongo raginio nagibit Nibujaradan ra mamagun ondo' lakat poyo minayan ra bandar no ra Babilonia, iono ulun manukang ra mapandai kaga' ondo' lakat poyo natatang am ulun ondo' minaya' ra ulun ru Babilonia.

2 RAJA'-RAJA' 25:8

Paat ra orou katulu', sila' kalimo, bilor koopor am siam ra pamarintaan ru Raja' Nibukadnijar intor ra Babilonia, i Nibujaradan, iono panglima ru saujor am maminson ra raja', siminubol ra Jirusalim.

JIRIMIA 1:3

Kopongo raginio mindagu poyo Tuhan ri Jirimia paat ra pamarintaan ru Raja' Joyakim anak ungkuyon ru Raja' Josia. Kopongo raginio, indagu Tuhan ri Jirimia ra ingkukula' saboi bilor koopor am rondo' ra pamarintaan ru Raja' Jidikia anak ungkuyon ru Raja' Josia. Paat ra sila' kalimo bilor raginio niayuk mamagun ru Jirusalim pinatiran ra pagun.

JIRIMIA 39:9

Pupus no, i Nibujaradan, panglima saujor no, nagibit ra mamagun ondo' lakat poyo giu' ra bandar minongoi ra Babilonia koson ra ulun rinakop. Nagibit io niayuk ra ngaangai' ulun ondo' minaya' riso, minongoi ra Babilonia.

YEHEZKIEL 12:11

Balai' ilo ra binaal muno tatandu' ru baal ondo' masauk risilo. Masauk ilo ra ulun nagiru' am ulun rinakop.

JAKARIA 14:2

Timungon ru Tuhan ngaangai' bansa' koson mangayou ra Jirusalim. Bandar no gaawon, baloi-baloi nano takawin am ruandu'-ruandu' nano sowoon. Sampiruo ra mamagun nano patirin ra pagun, kaa' ondo' bokon no kalo pabandingon intor ra bandar no.