JIRIMIA 51:62 - Tanou Moonsoi Timugon

⁶² Kopongo raginio pakiasi' no koson ragitio, ‘Iou Tuhan, minindagu Kou ra pusoon Mu pagun ti, saboi kolondo' atan pana ilo ondo' maayag mayan ragiti – kolondo' ulun am kolondo' bibiag. Intok ti masauk ra tana' kaagisan ra sabubuoi no.’

JIRIMIA 51:62 ပူးပေါင်းရင်းမြစ်များ

JIRIMIA 25:12

Mopongo raginio ukumin Ku ulun Babilonia am raja' nilo sabap ra tula nilo. Pusoon Ku pagun ru Babilonia am mompoloso riso malunsai ra sabubuoi no.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 33:12

Indagu Tuhan Ondo' Maayo Kaga' Kuasa', “Giti ra pagun ondo' koson ra tana' kaagisan ti, ondo' kalo inayanan ru ulun kapoam bibiag, igondo' poyo mokoondo' ra padang makasakot, intok ru ulun magalung ra domba nilo.

JIRIMIA 50:12

kaa' bandar min galama' ondo' maayo no asabin am tauyuon. Babilonia masauk ra pamarintaan ondo' kalo toojo maatang intor ra ngaangai' pamarintaan. Babilonia masauk ra tana' kaagisan ondo' mapua' am kolondo' tutuu'.

JIRIMIA 50:13

Sabap ra sangit Kuno, kolondo' osoi pana mayan giu' ra Babil. Babil no masauk ra malunsai, am ngaangai' ulun ondo' mansail ra giu' no makatigog am mangimuag.

JIRIMIA 50:3

“Rondo' bansa' intor ra ralayo minatong noyo koson mamulunsar ra Babilonia am nampasauk ra pagun no ra tana' kaagisan. Ulun am bibiag magiru', am kolondo' boo mayan ra giu' no.”

JIRIMIA 51:29

Tana' ti mogonggon am mauyog sabap ra Tuhan tatanga' mampaugar ra inatangan Nano koson mampasauk ra Babilonia ra tana' kaagisan, intok ondo' kalo inayanan ru ulun.

JIRIMIA 51:37

Pagun no masauk ra tuntur ru nalunsai ondo' ayanin ru bibiag masigo. Baal no makalalaa'; kalo ayanin ru ulun giu' no, am ngaangai' ulun malaa' magilong raginio.

JIRIMIA 51:43

Bandar-bandar giu' ra pagun no makalalaa'; baal no koson ra tana' kaagisan ondo' kolondo' timug, ondo' kalo inayanan kapoam pansailan ru osoi pana.

JIRIMIA 51:61

Indagu aku ri Siraya, “Paat ra akau makasaboi ra Babil, piroto' noyo maa' raginio ngaangai' ondo' tinulisan ra ralalom ru kitab ti basaan min ra ulun ra giu' no.

YEHEZKIEL 35:9

Saukon Ku pagun min ra kolondo' tutuu' am masiluk ra sabubuoi no. Kolondo' boo osoi pana mayan ra bandar-bandar min. Bagu no makapandai kau ra Aku noyo Tuhan.