JIRIMIA 51:6 - Tanou Moonsoi Timugon

⁶ Pagiru' no intor ra Babilonia! Bayago' noyo inan min! Pai' patoi sabap ra tula ru ulun ru Babilonia. Raino tatanga' Aku mansuli' am mangukum risilo nontopot ra binaal nilo.

JIRIMIA 51:6 ပူးပေါင်းရင်းမြစ်များ

MAZMUR 94:1

Iou Tuhan, Okou noyo i Aki Kapuuno' ondo' mangukum ra ulun makatula; paintalango' noyo sangit Muno!

AMSAL 13:20

Ulun ondo' lumatok ra ulun mapintar masauk io mapintar; ulun makimangkubayau ra ulun sasambungon maaru' io makakapaganan.

JISAYA 48:20

Ingkual noyo am pagiru' intor ra Babil! Pabalaa' noyo tanou raginio ralalom guang maantak. Pabalaa' noyo tanou raginio ra ati-ati ayuk, “Tuhan namayag ra Israil, ulipon Nano!”

JISAYA 63:4

Bulintok no koson mamayag ra ulun Kuno nasaboi noyo; bulintok no koson mangukum ra pantula'-pantula' Kuno nasuku' noyo.

JIRIMIA 25:14

Balasin Ku binaal ru ulun Babilonia; uliponon ilo ru raja'-raja' maayo am masuang bansa'.’ ”

JIRIMIA 25:16

Paat ra ilo manginum intor ra sangkir ti, kakasiling nilo am kolondo' makara' sabap ra pangayawan ondo' porotongon Kuno risilo.”

JIRIMIA 27:7

Ngaangai' bansa' mangandoi ayuk ra Raja' Nibukadnijar, anak ungkuyon nano am akupu nano saboi ra paat ru pagun nano galama' maratu'. Paat raginio bansa' ru Babilonia mangandoi ayuk ra bansa'-bansa' ondo' maikang am raja'-raja' ondo' maayo.

JIRIMIA 46:10

Gitio noyo orou ru Tuhan Raja' Ondo' Maayo Kaga' Kuasa': orou raiti' mansuli' Io; orou raiti' mangukum Io ra pantula' Nano. Ilang Nano mangakan risilo saboi maasug, am manginum ra raraa' nilo saboi majala'. Orou raiti' Tuhan Ondo' Maayo Kaga' Kuasa' nanimbalui ra taak-taak simbalui Nano, giu' ra ralayo, mamaar ra Sungoi Iprat.

JIRIMIA 48:6

‘Ribaki' noyo!’ konilo. ‘Pagiru' no am bayago' inan muno! Pagiru' no koson ra kaladai masigo giu' ra tana' kaagisan!’

JIRIMIA 50:15

Golok no ra lakis ru mangayou giu' ra liliut ru bandar no! Raino Babil nakirakop noyo. Timbok pangampin nano sinubol am ginaba' noyo. Tatanga' Aku mansuli' ra ulun ru Babilonia. Ginio ra pansuli' kano, am baalo' ilo koson ra pinamakuan nilo ra ulun bokon.

JIRIMIA 50:28

Ulun nagigiru' intor ra Babilonia am minatong ra Jirusalim; tinunung nilo ati kulaan ra Tuhan, i Aki Kapuuno' takau nambalos ra binaal ru ulun Babilonia ra Baloi ru Tuhan.)

JIRIMIA 50:31

“Alii rirun Babilonia, malilimbau kou kaga'. Ginio sabap ra Aku, Tuhan Raja' Ondo' Maayo Kaga' Kuasa', manggal rirun! Nasaboi paat no ra mangukum Aku rirun.

JIRIMIA 50:8

“Ulun kau ru Israil, pagiru' no ra Babilonia! Iruani' pagun raginio! Akau musiti' magulu mangiruan ra pagun no!

JIRIMIA 51:11

Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!

JIRIMIA 51:36

Ginio ra indagu Tuhan ra mamagun ru Jirusalim, “Tutunon Ku baal mino am mambalos ra pantula' mino ra binaal nilo ramuyun. Palasakon Ku puun-puun ru timug giu' ra Babilonia am mampalasak ra sungoi-sungoi no.

JIRIMIA 51:45

Ulun kau ru Israil, pagiru' no intor ra giu' no! Bayago' noyo inan intor ra sangit Kuno ondo' nanimbula'.

JIRIMIA 51:50

Indagu Tuhan ra ulun Nano giu' ra Babilonia, “Nakalabus kano intor ra kapatayan. Raino pagiru' kau! Pai' kano paginaa! Kabalu' pana maalur kau intor ra baloi, karaa' min Aku, Tuhan min, am karaa' min Jirusalim.

JIRIMIA 51:56

Matong pantula' koson mamuso ra Babil; saujor-saujor no rinakop noyo, busur nilo pana pinandak noyo. Aku, i Aki Kapuuno' ondo' nangukum ra kalaatan; pamakuan Ku ra Babil no nogondo' ra binaal nano.

JIRIMIA 51:9

Ulun bansa' ra bokon ondo' minayan ra giu' no minindagu, ‘Nangkinam akai nangindangan ra Babilonia, kaa' nakatawos. Iruani' Babilonia am ibok no muli'. Nangukum noyo i Aki Kapuuno' ra Babilonia ra maagat am mamuso riso ra lingonon.’ ”

SULABOI 3:64

“Iou Tuhan, ukumi' ilo nogondo' ra binaal nilo.

UNTABAN 16:26

Indagu i Musa ra ngaangai' ulun ru Israil ra giu' no, “Inggaluri' kim ru ngaangai' ulun ondo' malaat ti am pai' kambong ra atan pana longgom nilo. Amon ru kalo sumugut kau, matoi kau mabaya' risilo sabap ra ngaangai' tula nilono.”

SAGULION 32:25

Pangayawan magibit ra patayan giu' ra ralan mangaayo, kalaanan makalumpa' ra ulun giu' ra baloi-baloi. Ulun mamulok, ungkuyon am ruandu' matoi, lalagang am ulun matutuo niayuk kalo pasuayon.

SAGULION 32:41

ra mangasa' Aku ra ilang Kuno ondo' manguliat, am mapaugar ra pangukuman. Mansuli' Aku ra pantula' Kuno, am mangukum ra ulun ondo' masisang Raki'.

SAGULION 32:43

“Akau bansa' ngaangai', omporo' noyo ulun ru Tuhan. Mangukum Tuhan ra ngaangai' ulun ondo' mamatoi ra ulun Nano; mansuli' Io ra pantula' Nano, am mangampun ra tula ru ulun Nano.”

1 TIMOTIUS 5:22

Pai' kaluoi papabanta' ra kalindu' ra ulu ru sasangulun, koson ra tatandu' ra mangiou riso ra mangngandoi ru Tuhan. Amon ru ulun ra bokon mambaal ra tula, pai' no pakaayaya'. Kaa' alungi' ayuk toojo kapasawan ru kaayagan muno.

PINAINTALANG 16:19

Intor raginio, bandar ondo' maayo no napitalu, am nalunsai niayuk bandar ru ngaangai' pagun ra tana' ti. Kakara' boo ri Aki Kapuuno' bandar Babil ondo' maayo no am painumo' No io ra ruu' ru anggur intor ra sangkir Nano – ioginio wain ru sangit am ukum Nano ondo' makalalaa'.