JIRIMIA 51:58 - Tanou Moonsoi Timugon

⁵⁸ Timbok ru bandar Babil ondo' maikang no malunsai ra tana', kulobon-kulobon garabang nano ondo' masawat solobon. Pirot ru bansa'-bansa' ngaangai' no papalo ayuk, ngaangai' no ra pupus no makai' kosolob niayuk. Aku, Tuhan Ondo' Maayo Kaga' Kuasa', nakaindagu noyo.”

JIRIMIA 51:58 ပူးပေါင်းရင်းမြစ်များ

MAZMUR 127:1

Rimbai ru ratangan ri Raja' Salomo. Amon ru sala' ka Tuhan no mambaal ra baloi, banangan ayuk kandoi ru ulun-ulun mangngandoi; amon ru sala' ka Tuhan no manindung ra bandar, banangan ayuk ru ulun-ulun mantatamung no mangandoi.

JISAYA 13:2

Paundoko' noyo bandira' ru mangayou giu' ra rasawat ru bulur ondo' malimparang! Pampiau no ra saujor. Painsawato' longon muno koson rondo' pulanu risilo mongoi pamulunsar giu' ra kulobon-kulobon garabang ru bandar ondo' malilimbau no.

JISAYA 47:13

Kalo boo manguasa' kou kabalu' pana masuang pinson naapu muno. Polosoon noyo ulun mapandai mangilong mamayag rirun; migigila' ilo ra butitin-butitin, mangurio ra linsuk-linsuk ru limbowon ra moonong bulan, manala' ra atan kasaukan muno ra tauli no.

JISAYA 65:23

Kandoi nilono masugut, am anak nilono kalo malumpa' ru karaat. Barakatin Ku ilo am papag nilono ra sabuoi-buoi no.

JIRIMIA 50:15

Golok no ra lakis ru mangayou giu' ra liliut ru bandar no! Raino Babil nakirakop noyo. Timbok pangampin nano sinubol am ginaba' noyo. Tatanga' Aku mansuli' ra ulun ru Babilonia. Ginio ra pansuli' kano, am baalo' ilo koson ra pinamakuan nilo ra ulun bokon.

JIRIMIA 51:30

Saujor-saujor ru Babilonia kalo boo mangayou. Nairu' boo kinabaani nilo, am tatanga' mansibuni giu' ra ralalom ru kubu-kubu; malaa' ilo koson ra ruandu'. Kulobon garabang ru bandar linunsai noyo am baloi-baloi nosolob.

JIRIMIA 51:44

Ukumin Ku i Bel, dewa ru pagun Babilonia, am mambaal riso mampataak ra kuliamos tinakou nano. Bansa'-bansa' kalo boo sumamba riso. Timbok ru bandar Babil nalunsai noyo.

JIRIMIA 51:64

Balai' ilo ra koon raginio noyo pupus ru Babilonia. Malinjob Babilonia am kalo noyo boo sumalula', sabap ra kapusaan ondo' porotongon ru Tuhan riso.” Ragu-ragu ri Jirimia polos ragiti.

JIRIMIA 51:9

Ulun bansa' ra bokon ondo' minayan ra giu' no minindagu, ‘Nangkinam akai nangindangan ra Babilonia, kaa' nakatawos. Iruani' Babilonia am ibok no muli'. Nangukum noyo i Aki Kapuuno' ra Babilonia ra maagat am mamuso riso ra lingonon.’ ”

JIRIMIA 9:5

Ngaangai' ilo mamparuung ra rangan, kolondo' sangulun pana mindagu ra motopot. Maindalom ilo mindagu ra magabau, marara' ilo lumonggo' mambaal ra tula. Puka' rayusin ra puka', ruung rayusin ra ruung, rayusin baalon. Minindagu Tuhan ra ulun Nano marara' mulig Riso.

SULABOI 5:5

Jinajalan akai mangandoi ra maagat koson ra bibiag; naagui akai, kaa' kalo pinatangus.

ABAKUK 2:13

Bansa'-bansa' ondo' kinuasa' min makai' ikang ra kolondo' onong; ngaangai' ondo' baalon nilo makai' kosolob ru apui. Tuhan Ondo' Maayo Kaga' Kuasa' nambaal ra baal ragitio.