JIRIMIA 51:57 - Tanou Moonsoi Timugon

⁵⁷ Mangkinibit Aku ra panguasa'-panguasa' mangagauk – ulun nano ondo' mapintar, tingganai-tingganai nano am saujor-saujor nano. Mombolong ilo am kalo boo tumirong-tirong. Aku, Raja' nakaindagu noyo; Aku noyo Tuhan Ondo' Maayo Kaga' Kuasa'.

JIRIMIA 51:57 ပူးပေါင်းရင်းမြစ်များ

JISAYA 37:36

Kopongo raginio sangulun malaikat Tuhan minongoi ra nangkiman ru ulun ru Asyur am namatoi 185,000 ngaulun saujor. Katawang ra suabon no minatoi ilo ngaangai'!

JISAYA 44:25

Kinuli-kuli Ku ulun mangingilong, kinuli-kuli Ku nanalaan ru sangulun nujum. Kalo iowon ku guangon ru ulun mapintar, am mapabala' ra kapintaran nilono sasambungon.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JIRIMIA 13:13

Mopongo raginio balai' ilo ra Aku, Tuhan mompototop ra ulun ra pagun ti ra wain saboi ilo magauk: raja'-raja' papag ri Daut, imam-imam, nabi-nabi am ngaangai' mamagun ru Jirusalim.

JIRIMIA 25:27

Tuhan pana mindagu boo raki', “Balai' ngaangai' ulun no ra Aku, Tuhan Ondo' Maayo Kaga' Kuasa', i Aki Kapuuno' ru Israil, nanusub risilo manginum suku' magauk am mampalua'. Maratu' ilo am kalo boo makatirong saguli' sabap ra pangayawan ondo' porotongon Kuno risilo.

JIRIMIA 46:18

Aku, Tuhan Ondo' Maayo Kaga' Kuasa', Aku noyo raja'. Aku noyo i Aki Kapuuno' ondo' maayag. Koson ra Gunung Tabor masawat poyo intor ra gunung ra bokon, am Gunung Karmil masawat poyo intor ra ralimbou ru raat, koon raginio noyo kaikangan ru ulun ondo' mamulunsar ramuyun.

JIRIMIA 48:15

Moab am bandar-bandar nano pinuso noyo; ulun mamulok no ondo' moonsoi kaga' pinatoi. Aku noyo raja', Tuhan Ondo' Maayo Kaga' Kuasa', am Aku nakaindagu noyo.

JIRIMIA 50:30

Ginio sabap ra ungkuyon mamulok ru Babil potoyon giu' ra ralan-ralan ru bandar, am ngaangai' saujor nano pusoon ra orou raginio. Aku, Tuhan, nakaindagu noyo.

JIRIMIA 51:39

Liliwa' suung ru akan nilo sumonor, paakanon Ku ilo, am gaukon ilo am karuolon ulu. Mombolong ilo am kalo boo tumirong-tirong.

YEHEZKIEL 20:33

“Sabap ra Aku, Tuhan Raja', i Aki Kapuuno' ondo' maayag, mampakara' Aku ramuyun ra sabap ru sangit Kuno, mamarinta Aku ramuyun ra mokotog am malasang. Makaliman kau ra kuasa' am sangit Kuno paat ra Aku manimung am magibit ramuyun sumaguli' intor ra pagun-pagun intok akau pinantutuliar.

NAGUM 1:10

Akau magauk solobon koson ra rami ondo' mapua', koson ra bulungkut makaruui ondo' nanririlit.

NAGUM 3:18

Okou raja' ru Asyur! Gabenor-gabenor muno minatoi noyo am tingganai-tingganai muno nokororot ra sabubuoi no. Mamagun muno nantutuliar giu' ra kagunungan, am kolondo' sangulun pana makapagibit risilo muli' saguli'.

MALIAKI 1:14

Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

PINAINTALANG 18:9

Raja'-raja' ru tana' ondo' nansasawa' am liminangkaya' intor risilo, mantatangi' ilo ra bandar no paat makito nilo lisun ru apui ondo' mangumpo no.