JIRIMIA 51:53 - Tanou Moonsoi Timugon

⁵³ Kabalu' pana Babil nakaaloi ra limbowon am nambaal ra rondo' kubu ondo' maikang ra giu' no, lakat Aku poyo manusub ra ulun mamuso riso. Aku, Tuhan, nakaindagu noyo.”

JIRIMIA 51:53 ပူးပေါင်းရင်းမြစ်များ

KASAUKAN 11:4

Indagu ilo, “Raino pambaal takau ra bandar am manara ondo' makasuku' ra lingkatur ru limbowon maa' raginio itakau mauligan kaga' ru ulun am kalo makapantuliar ra titikop ru tana' ti.”

AYUP 20:6

Kabalu' pana kinaayo nilo makasaboi ra limbowon, saboi ra ulun nilo makasaboi ra gaun,

JISAYA 13:17

Mindagu Tuhan, “Paimbuoron Ku ulun Madai maa' raginio mamulunsar ra Babil. Kalo lioon nilo pirok, am kalo mabunduk guang nilo ra mas.

JISAYA 41:25

Binuir Ku guang ru sangulun intor ra sirangon; kinibitin Ku io mongoi pamulunsar intor ra ralayo. Ngaangai' mangunguasa' kikinjangin no koson ra losok, koson niayuk ra sangulun manukang ra paliuk manginjang-nginjang ra tana' bandulan.

JISAYA 47:5

Tuhan mindagu ra Babil, “Pongkoror, am subol no ra kalandaman! Kalo boo sasabiton kou ‘Ralaa mantalur ru ngaangai' bansa'.’

JISAYA 47:7

Indoson muno mantilayun kou masauk ra ralaa mantalur, am kalo makatutun kapoam mangkara' ra pupus no.

JIRIMIA 49:16

Ruungon kau ru kalimbawan min. Kolondo' sangulun pana malaa' ramuyun koson ra pangkaraan min. Minayan kau giu' ra lolot ru bulur batu, maalur giu' ra rasawat ru gunung. Kaa' kabalu' pana nambaal kau ra baloi giu' ra intok masawat kaga', koson ra sawat ru bunsut ru susuit kanui, paingganaan kau ru Tuhan. Koon raginio noyo ragu ru Tuhan.”

JIRIMIA 50:21

Indagu Tuhan ra pantula' ru Babilonia, “Bulunsaro' mamagun ru Mirataim am Pikod. Potoyo' am pusoo' ilo. Baalo' noyo ngaangai' susuban Kuno. Aku, Tuhan, nakaindagu noyo.

JIRIMIA 50:25

Inukaban Ku intok pambulian Kuno ra kinandoi Kuno. Ralalom ru sangit Kuno, iningkual Ku kinandoi Kuno, sabap ra Aku, Tuhan Raja' Ondo' Maayo Kaga' Kuasa', musiti' mampaugar ra kandoi giu' ra Babilonia.

JIRIMIA 50:45

Ginio ra rongogo' inatangan Kuno koson manggal ra bandar Babil, am atan ondo' masaga' Kuno baalon ra mamagun nano. Anak-anak nilo pana ralaaton ra mugar, am ngaangai' ulun mangalaa'.

JIRIMIA 51:11

Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!

JIRIMIA 51:25

Okou Babilonia, koson kou ra gunung ondo' mamuso ra titikop ru tana' ti, kaa' Aku, Tuhan noyo pantula' muno. Paakangon Ku kalindu' koson mamparata' rirun am mompoloso rirun mosolob saboi masauk ra kaau.

JIRIMIA 51:48

Ngaangai' no ra tana' ti am giu' ra limbowon magilakup paat ra pagun ru Babilonia maratu' ra kalindu' ru bansa' intor ra ralayo ondo' matong koson mamuso riso.

JIRIMIA 51:56

Matong pantula' koson mamuso ra Babil; saujor-saujor no rinakop noyo, busur nilo pana pinandak noyo. Aku, i Aki Kapuuno' ondo' nangukum ra kalaatan; pamakuan Ku ra Babil no nogondo' ra binaal nano.

JIRIMIA 51:58

Timbok ru bandar Babil ondo' maikang no malunsai ra tana', kulobon-kulobon garabang nano ondo' masawat solobon. Pirot ru bansa'-bansa' ngaangai' no papalo ayuk, ngaangai' no ra pupus no makai' kosolob niayuk. Aku, Tuhan Ondo' Maayo Kaga' Kuasa', nakaindagu noyo.”

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

AMOS 9:2

Kabalu' pana mangkali ilo ra luang saboi ra intok ru ulun minatoi, rokopon Ku ilo. Kabalu' pana mangkiwa' ilo saboi ra limbowon, ibiton Ku ilo tumuun.

AMOS 9:4

Amon ru ibiton ilo ru pantula' giu' ra pamatiran, manusub Aku maa' raginio potoyon ilo. Totopot Ku potoyon ilo, am kalo mangindangan risilo.”

ABAKUK 2:9

Aibui boo ramuyun! Napalangkaya' kau ra sasambaloi min ra atan ondo' noowot min ra kalaatan. Nanambaloi kau ra mapiot koson manindung ra sasambaloi min intor ra karaat.