JIRIMIA 51:5 - Tanou Moonsoi Timugon

⁵ Aku Tuhan, i Aki Kapuuno' Ondo' Maayo Kaga' Kuasa', kalo poyo nangiruan ra Israil am Jiuda, kabalu' pana makatula ilo noyo Raki', Ondo' Matulai Kaga', i Aki Kapuuno' ru Israil.

JIRIMIA 51:5 ပူးပေါင်းရင်းမြစ်များ

1 RAJA'-RAJA' 6:13

Sumoroi Aku ra ulun Kuno Israil giti ra Baloi ondo' baalon mutu, am kalo noyo iruanin Ku ilo.”

2 RAJA'-RAJA' 21:16

Namatoi Raja' Manasi ra masuang kaga' ulun ondo' kolondo' sala saboi raraa' nalayak giu' ra ralan-ralan giu' ra Jirusalim. Suai ra binaal raginio, Raja' Manasi niayuk nangkinibit ra mamagun ru Jiuda siminamba ra sinungkalalaing, saboi ilo makatula ra Tuhan.

IJRA 9:9

Kalo nangiruan Kou ramon paat ra akai lakat poyo ra pangulipanan. Binaal Mu raja' ru Pirsia naansayan am nangiou ramon maayag am niayuk nambaal saguli' ra Baloi Muno ondo' nalunsai no. Nangani' Kou ramon ra sindungan giu' ra Jiuda am giu' ra Jirusalim.

MAZMUR 94:14

Tuhan kalo manatang ra ulun Nano; kalo impayin No ulun ondo' nasauk ra longgom Nano.

JISAYA 44:21

Tuhan mindagu, “Karaa' noyo, alii ra Israil; karaa' noyo ra akau ulipon Kuno. Binangun Takamin koson masauk ra ulipon Kuno; Kalo lilianin Takamin.

JISAYA 51:15

Sabap ra Aku noyo Tuhan, i Aki Kapuuno' mino, ondo' nanguyau ra raat saboi kinulun nano makanginoos. Tuhan Ondo' Maayo Kaga' Kuasa' iono inggalan Kuno.

JISAYA 62:12

Piawon kau ra “Ulun Ondo' Matulai”, “Ulun Ondo' Binayag ru Tuhan”. Jirusalim sabiton ra “Bandar Ondo' Tinagaman ri Aki Kapuuno'”, “Bandar Ondo' Kalo Iniruanan ri Aki Kapuuno'”.

JIRIMIA 14:19

Iou Tuhan, inimpayan Mu noyo kia toojo Jiuda? Masisang Kou kia ra mamagun ru Sion? Kua lambaa' Mu akai ra najanjayan kaga' saboi kalo boo mapali' akai? Papalo mai ayuk maguyum ra kaansayan; malansan akai ra kapalian, kaa' ondo' soroi kalaatan ayuk.

JIRIMIA 14:9

Kua kia koson Okou ra ulun naubong, koson ra ulun tutumula' ondo' kalo makatanggang mangindangan? Maaru' maya' Kou ramon, iou Tuhan! Akai ulun Muno, pai' pangiruan ramon!’ ”

JIRIMIA 16:18

Balasin Ku tula am kalaatan nilo ra ukuman induo ruli', sabap ra jinaka' nilo pagun Kutu ra masuang sinungkalalaing. Sinungkalalaing raginio kalo maminawo koson ra baangkai. Sinosok nilo pagun Kutu ra tuhan-tuhan ondo' kalo motopot.”

JIRIMIA 19:4

Baalon Ku gitio sabap ra bansa' ragitio nangiruan noyo Raki'. Nampajamol ilo ra intok ragitio ra nampataak ra taak simbalui ra dewa-dewa ondo' kalo nauligan nilo, kinamatuaan nilo, am raja'-raja' ru Jiuda. Tinotop nilo intok ti ra raraa' ru ulun ondo' kolondo' sala.

JIRIMIA 23:15

Gitio noyo ragu ru Tuhan Ondo' Maayo Kaga' Kuasa' intor ra nabi-nabi giu' ra Jirusalim, “Aniin Ku ilo ra tatanom mapait koson ra akanon am tuwo koson ra inumon, sabap ra nangkinibit ilo ra ulun giu' ra titikop pagun kalo gumagaya' Raki'.”

JIRIMIA 31:37

Amon ru rondo' paat ra limbowon maalap ra tuku', am lonor ru tana' ti maalap kaimumuyi', paat raginio noyo Israil impayin No sabap ra ngaangai' binaal nilo. Nakaindagu noyo Tuhan.

JIRIMIA 46:28

Matong Aku am mamayag ramuyun. Pusoon Ku ngaangai' pagun intok nampatutuliaran Kuno ramuyun, kaa' kalo mamuso Aku ramuyun. Kalo palabuson Takamin intor ra ukuman, kaa' paat Takamin ukumin, matimpok Aku. Aku, Tuhan, nakaindagu noyo.”

JIRIMIA 50:20

Paat raginio, tula kolondo' boo giu' ra Israil, am kalaatan pana kolondo' boo giu' ra Jiuda, sabap ra mangampun Aku ra ulun ondo' binayag Kuno. Aku, Tuhan, nakaindagu noyo.”

JIRIMIA 51:19

I Aki Kapuuno' ri Jakub sala' ka koson ra dewa-dewa no; Io no nambaal ra ngaangai' no, am Io nampili' ra Israil nasauk ra ulun Nano galama'. Inggalan Nano iono Tuhan Ondo' Maayo Kaga' Kuasa'.

YEHEZKIEL 8:17

Indagu Tuhan raki', “Okou ulun mapandai matoi, nakakito kou kia raginio? Mamagun ru Jiuda kalo poyo najala' ra binaal nilo ondo' makauyuyu' kapoam kalaatan ondo' binaal nilo ra titikop ru pagun ti. Inambai nilo nambaal ra ngaangai' no ragiti niayuk, ralalom ru Baloi Kuno am nampasangit poyo boo Raki'. Ilai' ati kulaan ilo magasab Raki' ra ralan ondo' makauyuyu' kaga'!

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

GOSIA 2:1

Indagu Tuhan, “Akau anak-anak Kuno, pakimasi' kano ra ina' min, kabalu' pana io sala' ka boo andu' Kuno, am Aku sala' ka boo ralaki nano. Pakimasi' kano riso maa' raginio pai' boo pansawa' am mantalan ra inan.

GOSIA 2:3

Kalo makaasi' Aku ramuyun, anak-anak nano; akau inanak intor ra pantalanan ra inan.

GOSIA 4:1

Mokoondo' Tuhan ra panguwan ra ulun ondo' minayan ra pagun ti. Okou Israil, rongogo' noyo ragu ru Tuhan. Gitio noyo panguwan Nano: “Pagun ti kalo makaulig ra arati' ru gagaya' kapoam togom. Mamagun nano kalo mangiou ra Aku ti i Aki Kapuuno'.

GOSIA 4:2

Nabantu' ilo, kaa' kalo nanugut ra bantu'. Nagabau ilo, namatoi, nantakou am nansawa'. Kalaatan gumaai am pamatayan nasauk mansusunu'.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

JAKARIA 12:6

“Paat raginio pasaukon Ku bansa'-bansa' ru Jiuda koson ra apui giu' ra tatanga' ru kataunan kapoam giu' ra tatanga' ru umo ru gandum ondo' naansak; pusoon nilo ngaangai' bansa' ra libung nilo. Mamagun ru Jirusalim maayag giu' ra ralalom ru bandar.

JAKARIA 12:8

Paat raginio sindungin Ku ilo ondo' minayan giu' ra Jirusalim, am niayuk ulun ondo' malawo kaga' pana masauk ra maikang koson ri Daut. Tingganayon ilo ru papag ri Daut koson tingganayon ru malaikat ru Tuhan am koson tingganayon ri Aki Kapuuno' galama'.

JAKARIA 2:12

Igondo' poyo Jiuda masauk ra longgom ru Tuhan ayuk giu' ra tana' Nano ondo' matulai, am Jirusalim masauk ra bandar ondo' tagamin Nano kaga'.

1 SAMUIL 12:22

Nagibot noyo Tuhan ra kalo mangiruan Io ramuyun, sabap ra namatas Io noyo ra masauk kau ra ulun Nano galama'.