JIRIMIA 51:45 - Tanou Moonsoi Timugon

⁴⁵ Ulun kau ru Israil, pagiru' no intor ra giu' no! Bayago' noyo inan intor ra sangit Kuno ondo' nanimbula'.

JIRIMIA 51:45 ပူးပေါင်းရင်းမြစ်များ

JISAYA 48:20

Ingkual noyo am pagiru' intor ra Babil! Pabalaa' noyo tanou raginio ralalom guang maantak. Pabalaa' noyo tanou raginio ra ati-ati ayuk, “Tuhan namayag ra Israil, ulipon Nano!”

JIRIMIA 50:28

Ulun nagigiru' intor ra Babilonia am minatong ra Jirusalim; tinunung nilo ati kulaan ra Tuhan, i Aki Kapuuno' takau nambalos ra binaal ru ulun Babilonia ra Baloi ru Tuhan.)

JIRIMIA 50:8

“Ulun kau ru Israil, pagiru' no ra Babilonia! Iruani' pagun raginio! Akau musiti' magulu mangiruan ra pagun no!

JIRIMIA 51:50

Indagu Tuhan ra ulun Nano giu' ra Babilonia, “Nakalabus kano intor ra kapatayan. Raino pagiru' kau! Pai' kano paginaa! Kabalu' pana maalur kau intor ra baloi, karaa' min Aku, Tuhan min, am karaa' min Jirusalim.

JIRIMIA 51:6

Pagiru' no intor ra Babilonia! Bayago' noyo inan min! Pai' patoi sabap ra tula ru ulun ru Babilonia. Raino tatanga' Aku mansuli' am mangukum risilo nontopot ra binaal nilo.

JIRIMIA 51:9

Ulun bansa' ra bokon ondo' minayan ra giu' no minindagu, ‘Nangkinam akai nangindangan ra Babilonia, kaa' nakatawos. Iruani' Babilonia am ibok no muli'. Nangukum noyo i Aki Kapuuno' ra Babilonia ra maagat am mamuso riso ra lingonon.’ ”

UNTABAN 16:26

Indagu i Musa ra ngaangai' ulun ru Israil ra giu' no, “Inggaluri' kim ru ngaangai' ulun ondo' malaat ti am pai' kambong ra atan pana longgom nilo. Amon ru kalo sumugut kau, matoi kau mabaya' risilo sabap ra ngaangai' tula nilono.”

RINALATAN 2:40

Ginio noyo ragu ri Pitrus nambala' toojo risilo. Masuang poyo ragu nano ra bokon manusub risilo koson magibayag intor ra pangukuman ri Aki Kapuuno' ondo' paratuon ra ulun mangalaat ra pagun ti.

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.

PINAINTALANG 18:4

Kopongo raginio, korongog ku poyo bolos ra bokon intor ra suruga', kono, “Ulun mangintopot Raki', ingkual no intor ra bandar Babil no. Pai' kano baya' ra tula nilo am pai' baya' risilo ra maukuman poyo.