JIRIMIA 51:35 - Tanou Moonsoi Timugon

³⁵ Musiti' mamagun ru Sion mindagu, “Polosoon Babilonia malumpa' ru kalaatan ondo' binaal nali ritakau!” Musiti' mamagun ru Jirusalim mindagu, “Polosoon Babilonia malumpa' ru kaimbalaan ondo' pinalumpa' nali ritakau!”

JIRIMIA 51:35 ပူးပေါင်းရင်းမြစ်များ

KASAUKAN 16:5

Indagu boo i Sarai ri Abram, “Ginio sala muno saboi magasab i Agar no raki'. Aku galama' napataak riso rirun am paat nalimanan no ra maapang io, magasab io boo raki'. Gama' ru salingapuon toojo ru Tuhan no ra osoi kia rito motopot, okou kia kapoam aku.”

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 9:12

Koompor kono Tuhan ondo' namarinta ra Sion! Potonowo' noyo binaal Nano ra moonong bansa'!

JIRIMIA 50:10

Gaawin Babilonia, am ulun mampagaau no mangalap ra atan ayuk ondo' kasagaan nilo. Aku, Tuhan, nakaindagu noyo.”

JIRIMIA 50:29

“Susubo' pulalai mamanah mamulunsar ra Babil. Susubo' moonong ulun ondo' mapandai mamakai ra busur am panah. Pagawangi' bandar no am pai' polosoo' sangulun pana makapagiru'. Balasi' ngaangai' binaal ru Babil; baalo' Babil koson ra ati kulaan pinamakuan ru Babil ra ulun bokon, sabap ra Babil liminimbau Raki', Ondo' Matulai Kaga', i Aki Kapuuno' ru Israil.

JIRIMIA 51:24

Indagu Tuhan, “Makakito kou ra Aku mambalos ra Babilonia am mamagun nano ra ngaangai' kalaatan ondo' binaal nilo ra Jirusalim.

SULABOI 1:22

“Sonsolo' ilo sabap ra ngaangai' kalaatan nilo. Ukumi' ilo koson ra Okou nangukum raki' sabap ra tula kuno. Mampalaa aku sabap ra mangiluk kaga' guang kuno.”

ABAKUK 2:17

Nantagar kau ra puun-puun tataun giu' ra kataunan Libanon, kaa' raino akau galama' tagaron. Namatoi kau ra bibiag ra giu' no, kaa' raino ilaanon kau ru bibiag. Ngaangai' ti masauk sabap ra namatayan am kalaatan ondo' binaal min ra mamagun ru tana' ti am niayuk bandar-bandar ra tana' ti.

JAKARIA 1:15

Kaa' siminangit Aku kaga' ra bansa'-bansa' ondo' makaliman ra moonsoi am mamimio. Paat ra Aku nongorot ra sangit Kuno ra ulun Kuno, bansa'-bansa' no namparuang ra kaimbalaan ru ulun Kuno.

MATIUS 7:2

sabap ri Aki Kapuuno' mangakim ramuyun koson akau mangakim ra ulun bokon. Panuku' ondo' alapon mino koson mangakim ra ulun bokon, panuku' raginio niayuk alapon ri Aki Kapuuno' koson mangakim ramuyun.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

PINAINTALANG 16:6

Nampasasar ilo noyo ra raraa' ru ulun ri Aki Kapuuno' am ra raraa' ru nabi-nabi; kaa' raino binaal Mu ilo manginum ra raraa' no. Matimpok ukum Muno risilo!”

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.

PINAINTALANG 18:6

Baalo' noyo risilo maya' ra binaal nilo ramuyun; balasi' noyo ra suang mainduaan ra ngaangai' binaal nilo. Suangi' noyo sangkir nilo ra inumon ondo' mainduaan bisa' intor ra inumon ondo' pinasulung nilo ramuyun.

PINAINTALANG 6:10

Giminolok ilo ra mapuor, “O Tuhan Maayo Kaga' Kuasa', mapasau am motopot! Kula' poyo buoi no bagu akimin Mu ulun ru tana' ti am mangukum risilo sabap ra namatoi ramon?”

TINGGANAI RU BANSA' 9:20

Kaa' amon ru kalo, polosoon noyo apui mingkual intor ri Abimilik am monolob ra ngaangai' mamagun ru Sikgim am Bit-Milo. Koson raginio niayuk, polosoon apui mingkual intor ra mamagun ru Sikgim am Bit-Milo am monolob kakai' ri Abimilik.”

TINGGANAI RU BANSA' 9:24

Nasauk baal raginio maa' raginio mabalasan kalaatan ri Abimilik am mamagun ru Sikgim ondo' nanusuk riso namatoi ra tulu' ngoopor ngaulun anak ungkuyon ri Gidion.