JIRIMIA 51:29 - Tanou Moonsoi Timugon

²⁹ Tana' ti mogonggon am mauyog sabap ra Tuhan tatanga' mampaugar ra inatangan Nano koson mampasauk ra Babilonia ra tana' kaagisan, intok ondo' kalo inayanan ru ulun.

JIRIMIA 51:29 ပူးပေါင်းရင်းမြစ်များ

JISAYA 14:16

Ilo ondo' soroi ra giu' no magilong am mongoror rirun. Mangkuot ilo, ‘Gitio kia ondo' nampakalalaa' ra tana' ti am nampakaliang ra karajaan-karajaan?

JISAYA 24:20

Tana' ti makasiling koson ra ulun nagauk, am mauyog koson ra kalukub natiu' ru bagiu'. Tana' ti maluyu' sabap tula nano maagat, am matutuk boo am kalo boo tumirong saguli'.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

JIRIMIA 50:13

Sabap ra sangit Kuno, kolondo' osoi pana mayan giu' ra Babil. Babil no masauk ra malunsai, am ngaangai' ulun ondo' mansail ra giu' no makatigog am mangimuag.

JIRIMIA 50:36

Mapuso noyo nabi-nabi nano ondo' magabau – sasambungon ilo kaga'! Mapuso noyo saujor-saujor nano – mapara' piboo laa' nilo!

JIRIMIA 50:43

Raja' ru Babilonia nokorongog ra tanou no, am liminawo. Magalabo guang nano, am maimbolo' koson ra ruandu' ondo' tatanga' maganak.

JIRIMIA 50:45

Ginio ra rongogo' inatangan Kuno koson manggal ra bandar Babil, am atan ondo' masaga' Kuno baalon ra mamagun nano. Anak-anak nilo pana ralaaton ra mugar, am ngaangai' ulun mangalaa'.

JIRIMIA 50:46

Paat ra Babil maratu', bolos no mosongou kaga' saboi titikop ru tana' ti mogonggon, am tangi' ru mamagun nano morongog ru bansa'-bansa' ra bokon.”

JIRIMIA 51:26

Kolondo' rondo' batu pana intor ra nalunsayan muno pakayon saguli' koson alapon ra panambaloi. Masauk kou ra tana' kaagisan ra sabubuoi no. Aku, Tuhan, nakaindagu noyo.”

JIRIMIA 51:28

Potomposo' noyo bansa'-bansa' koson mangayou ra Babilonia. Piawo' noyo raja'-raja' ru Midia, tingganai-tingganai am pagawai ru saujor nilo, am niayuk saujor ru ngaangai' pagun ondo' kinuasa' nilo.

JIRIMIA 51:37

Pagun no masauk ra tuntur ru nalunsai ondo' ayanin ru bibiag masigo. Baal no makalalaa'; kalo ayanin ru ulun giu' no, am ngaangai' ulun malaa' magilong raginio.

JIRIMIA 51:43

Bandar-bandar giu' ra pagun no makalalaa'; baal no koson ra tana' kaagisan ondo' kolondo' timug, ondo' kalo inayanan kapoam pansailan ru osoi pana.

JIRIMIA 8:16

Soroi noyo pantula' giu' ra bandar Dan; gala' ru kuda nilo morongog noyo. Titikop ru pagun mangalaa' paat ra kuda nilo mampagala'. Pantula' nakaratong noyo koson mamuso ra titikop ru pagun takau, am niayuk bandar takau am niayuk ngaangai' ru mamagun nano.”

JOIL 2:10

Tana' ti malunggun paat ra gapu' sumuku', am limbowon pana monontol. Mato ru orou am sila' lumondom, butitin-butitin kalo boo suminda.

AMOS 8:8

Ginio ra tana' ti mogonggon am ngaangai' ulun giu' ra pagun no magalabo. Titikop ru pagun mauyog; tana' ti magaloi tumuun koson ra Sungoi Nil.

PINAINTALANG 18:2

Pambala' io boo ra bolos mosongou, “Nalunsai noyo! Bandar Babil ondo' maayo nalunsai noyo! Raino nasauk io ra inayanan ru riwato, ambiluo malaat am ngaangai' susuit malaat ondo' kasisangin ru ulun.