JIRIMIA 51:28 - Tanou Moonsoi Timugon

²⁸ Potomposo' noyo bansa'-bansa' koson mangayou ra Babilonia. Piawo' noyo raja'-raja' ru Midia, tingganai-tingganai am pagawai ru saujor nilo, am niayuk saujor ru ngaangai' pagun ondo' kinuasa' nilo.

JIRIMIA 51:28 ပူးပေါင်းရင်းမြစ်များ

KASAUKAN 10:2

Gitio noyo anak ri Japit, iono i Gomir, Magog, Madai, Jawan, Tubal, Misik am i Tiras.

1 TUNUNG RU BANSA' ISRAIL 1:5

Anak ungkuyon ri Japit iono i Gomir, i Magog, i Madai, i Jawan, i Tubal, i Misik am i Tiras. Ilo no kinamatuaan ru bansa'-bansa' ondo' sabiton sumugut ra inggalan nilo.

ESTER 1:3

Paat ra bilor katalu ru pamarintaan nano, nambaal Raja' Agaswiros ra bunsag maayo koson ra ngaangai' ru tingganai am pagawai nano. Panglima-panglima ru Pirsia am Midia, am niayuk gabenor-gabenor am pagawai mangaatang intor ra wilayah-wilayah minaya' saang ra bunsag no.

ESTER 10:2

Ngaangai' binaal nano ondo' maayo am makaimuag, nakasimpung tunung ru raja' nampalantik ri Mordikai koson ra pagawai masawat, mokoondo' tinulisan ra ralalom panulisan rasmi ru raja'-raja' Pirsia am Midia.

JISAYA 13:17

Mindagu Tuhan, “Paimbuoron Ku ulun Madai maa' raginio mamulunsar ra Babil. Kalo lioon nilo pirok, am kalo mabunduk guang nilo ra mas.

JISAYA 21:2

Nakaapu aku ra pinaintalang intor ra kasaukan ondo' malaat kaga', intor ra kalaatan am pamusaan. Loyog kano alii ra saujor ru Ilam, pamulunsar no! Awangi' bandar-bandar no, alii ra saujor Madai! Pupusin ri Aki Kapuuno' kaimbalaan ondo' makinibitan ru Babil.

JIRIMIA 25:14

Balasin Ku binaal ru ulun Babilonia; uliponon ilo ru raja'-raja' maayo am masuang bansa'.’ ”

JIRIMIA 50:41

“Ulun tatanga' matong intor ra ralayo, rondo' bansa' ondo' maikang intor ra pagun maalur; masuang raja' tatanga' tumampos koson mangayou.

JIRIMIA 51:11

Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!

JIRIMIA 51:27

“Pangani' ra pulanu koson mangayou! Samputi' bujung maa' raginio morongog ru bansa'-bansa'! Potomposo' bansa'-bansa' koson mangayou ra Babilonia! Susubo' pamarintaan ru Ararat, Mini am Askinas mangayou. Lantiko' sangulun pagawai saujor koson maningganai ra pangayawan no. Susubo' noyo kuda ondo' masuang koson ra gapu' sampanon!

JIRIMIA 51:29

Tana' ti mogonggon am mauyog sabap ra Tuhan tatanga' mampaugar ra inatangan Nano koson mampasauk ra Babilonia ra tana' kaagisan, intok ondo' kalo inayanan ru ulun.

DANIL 6:1

Kopongo Raja' Bilsyajar pinatoi, Raja' Darius ulun ru Midia, ondo' bulintok raginio umur no onom ngoopor am ruo ngambilor, nampagaau ra kurisi' pamarintaan ru Babilonia.

DANIL 6:8

Akai ngaangai' ti mambaal ra kandoi tadbir ru pamarintaan muno – ulun-ulun magalung, gabenor, pagawai masawat, ulun magalung ra libung am pagawai ra bokon – nangiou noyo maa' raginio ingkualon mu rondo' susuban ondo' musiti' gagayaan toojo. Musiti' kou manusub maa' raginio buoi talu ngoopor ngoorou kolondo' sangulun pana makitaak ra atan ayuk intor ra dewa kapoam ulun ondo' ak am intor rirun galama'. Osoi ayuk manggal ra susuban no musiti' patirin ra ralalom ru luang batu ru singa'.

DANIL 8:20

Domba gawayan ondo' mokoondo' ruo sangau, ondo' nakito muno tatandu' ru pamarintaan Midia am Pirsia.

DANIL 9:1

Raja' Darius ulun ru Midia, anak ungkuyon ru Raja' Agaswiros, nasauk ra raja' ru pamarintaan Babilonia.