JIRIMIA 51:24 - Tanou Moonsoi Timugon

²⁴ Indagu Tuhan, “Makakito kou ra Aku mambalos ra Babilonia am mamagun nano ra ngaangai' kalaatan ondo' binaal nilo ra Jirusalim.

JIRIMIA 51:24 ပူးပေါင်းရင်းမြစ်များ

JIRIMIA 50:15

Golok no ra lakis ru mangayou giu' ra liliut ru bandar no! Raino Babil nakirakop noyo. Timbok pangampin nano sinubol am ginaba' noyo. Tatanga' Aku mansuli' ra ulun ru Babilonia. Ginio ra pansuli' kano, am baalo' ilo koson ra pinamakuan nilo ra ulun bokon.

PINAINTALANG 18:24

Bandar Babil no linunsai sabap ra mamagun no nampatoi ru nabi-nabi am ulun ri Aki Kapuuno' ra giu' no – ioginio nampatoi ilo ra ulun ra titikop ru tana' ti.

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.

PINAINTALANG 6:10

Giminolok ilo ra mapuor, “O Tuhan Maayo Kaga' Kuasa', mapasau am motopot! Kula' poyo buoi no bagu akimin Mu ulun ru tana' ti am mangukum risilo sabap ra namatoi ramon?”

JIRIMIA 51:49

Babilonia nangkinibit noyo ra pinatayan ru ulun intor ra titikop ru tana' ti; kaa' raino Babilonia maratu', sabap ra nangkinibit ra pinatayan ru masuang kaga' ulun ru Israil. Aku, Tuhan, nakaindagu noyo.”

JIRIMIA 51:35

Musiti' mamagun ru Sion mindagu, “Polosoon Babilonia malumpa' ru kalaatan ondo' binaal nali ritakau!” Musiti' mamagun ru Jirusalim mindagu, “Polosoon Babilonia malumpa' ru kaimbalaan ondo' pinalumpa' nali ritakau!”

JIRIMIA 51:11

Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!

JISAYA 66:6

Rongogo' noyo posogolos ralalom ru bandar. Bolos intor ra Baloi ru Tuhan no bolos ru Tuhan ondo' mangukum ra pantula'-pantula' Nano.

JISAYA 61:2

Sinusub No aku koson mapatanou ra mamaar noyo bulintok ru Tuhan mamayag; koson mangansuk ra ngaangai' ondo' mangiluk guang, am mambalos ra pantula'-pantula' nilono;

JISAYA 48:14

Timung am rongog kano ngaangai'! Kolondo' rondo' pana dewa makapampaguang ra ulun pinili' Kuno mongoi pamulunsar ra Babil; bayaan no panusuban Kuno.

JIRIMIA 25:14

Balasin Ku binaal ru ulun Babilonia; uliponon ilo ru raja'-raja' maayo am masuang bansa'.’ ”

JIRIMIA 50:10

Gaawin Babilonia, am ulun mampagaau no mangalap ra atan ayuk ondo' kasagaan nilo. Aku, Tuhan, nakaindagu noyo.”

JIRIMIA 51:23

koson manimbalui ra magagalung am domba sampanon, koson manimbalui ra ulun mamparadu' am kuda nilo, koson mamuso ra panguasa'-panguasa' am pagawai nilo.”

JIRIMIA 51:56

Matong pantula' koson mamuso ra Babil; saujor-saujor no rinakop noyo, busur nilo pana pinandak noyo. Aku, i Aki Kapuuno' ondo' nangukum ra kalaatan; pamakuan Ku ra Babil no nogondo' ra binaal nano.

SULABOI 3:64

“Iou Tuhan, ukumi' ilo nogondo' ra binaal nilo.

MAZMUR 79:10

Pai' polosoo' bansa'-bansa' ra bokon mangkuot, “Ati i Aki Kapuuno' mini?” Ukumi' noyo bansa'-bansa' raginio ra saang mai sabap ra napasasar ilo ra raraa' ru ulipon-ulipon Muli.