JIRIMIA 51:18 - Tanou Moonsoi Timugon

¹⁸ Dewa-dewa no kolondo' onong am musiti' asabin; ngaangai' no pusoon paat ra Tuhan matong koson mangukum.

JIRIMIA 51:18 ပူးပေါင်းရင်းမြစ်များ

KAINGKUALAN 12:12

Paat ra rondom raginio ongoyon Ku liputo' titikop ru pagun ru Misir, am mamatoi ra moonong anak ungkuyon katuaan, am niayuk moonong anak ungkuyon katuaan ru bibiag. Mangukum Aku ra ngaangai' dewa ra Misir; Aku noyo Tuhan.

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

JISAYA 46:1

“Gitio noyo pupus ru dewa-dewa Babil; galing i sinungkalalaing Bel am Nibo sambaan, kaa' ragino pinakura' ra bakulung ru tambiag, masauk ra kapaganan ru tambiag ondo' kalo maligag.

JISAYA 57:12

Indoson min binaal mino motopot, kaa' pasalulaan Ku kalaatan toojo mino, am sinungkalalaing mino kalo makapangindangan ramuyun.

JIRIMIA 10:11

Ulun kau, musiti' kau mambala' risilo ra dewa-dewa ondo' kalo namangun ra limbowon am tana' ti pusoon. Dewa-dewa no liomon intor ra tana' ti.)

JIRIMIA 10:14

Magilong ra ngaangai' no makaliman ulun ra sasambungon ilo am kolondo' karatian. Ulun ondo' nambaal ra sinungkalalaing makaliman ra papalo ayuk sabap ra sinungkalalaing binaal nilo kalo motopot am kalo maminawo.

JIRIMIA 10:15

Sinungkalalaing no kolondo' onong am sotopot no asabin. Ngaangai' no pusoon paat ra Tuhan matong mangukum.

JIRIMIA 10:8

Ngaangai' ilo gigiison am sasambungon. Atan kia maalap nilo kaigigila' intor ra sinungkalalaing ondo' binaal intor ra tataun?

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 46:25

Tuhan Ondo' Maayo Kaga' Kuasa', i Aki Kapuuno' ru Israil minindagu, “Mangukum Aku ra Amon, dewa ru bandar Tibi mababaya' ra Misir am dewa-dewa am niayuk raja'-raja'. Alapon Ku raja' ru Misir am ngaangai' ondo' liminansan riso,

JIRIMIA 48:7

Okou Moab, malansan kou ra kaikangan am kalangkayaan muno, kaa' raino okou pana kalaan; i Kamos, dewa min, nabaya' ra imam-imam am pagawai ru pamarintaan patirin ra pagun ra bokon.

JIRIMIA 50:2

“Pabalaa' noyo tanou raginio ra bansa'-bansa'! Potonowo' noyo tanou no! Pabilaro' noyo bandira' am potonowo' tanou no! Pai' sibunio' tanou no! Naratu' noyo bandar Babil! Mirodak, dewa nano inumok noyo! Sinungkalalaing ru Babil tinauyu' noyo, sinungkalalaing nano ondo' majamol no inumok noyo!

YEHEZKIEL 6:6

Ngaangai' bandar giu' ra Israil pusoon maa' raginio altar am sinungkalalaing nilo mopopol toojo, intok panalaban ra kaminyan nilo matutuk, am ngaangai' ondo' binaal nilo lumiot.

JUNUS 2:8

Ilo ondo' sumamba ra sinungkalalaing ondo' kolondo' onong, mangiruan Rirun am kalo boo gumagaya'.

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.