JIRIMIA 51:11 - Tanou Moonsoi Timugon

¹¹ Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!

JIRIMIA 51:11 ပူးပေါင်းရင်းမြစ်များ

1 RAJA'-RAJA' 11:14

Ginio ra Tuhan nangkinibit ri Gadad, sangulun intor ra sasambaloi ru raja' ru pagun Idom, mantula' ra Raja' Salomo.

1 RAJA'-RAJA' 11:23

Nangkinibit niayuk i Aki Kapuuno' ri Rijon anak ri Ilyada mantula' ra Raja' Salomo. I Rijon no nagiru' intor ra tuan nano, Raja' Gadadijir intor ra Joba,

1 TUNUNG RU BANSA' ISRAIL 5:26

Ginio sabap ri Aki Kapuuno' nambuir ra guang ru Raja' Pul intor ra Asyur koson mamulunsar ra pagun nilo. Raja' Pul niayuk nauligan ra Raja' Tiglat-Pilisir. Bansa' ru Rubin, bansa' ru Gad am bansa' ru Manasi Sirangon pinatiran ra pagun giu' ra Galag, Gabor, Gara am giu' ra rondo' intok mamaar ra Sungoi Gojan. Namagun ilo ra giu' no saboi orou raiti'.

2 TUNUNG RU BANSA' ISRAIL 36:22

Paat ra bilor kasaa' ra pamarintaan ru Raja' Koris, raja' Pirsia, inintopot ru Tuhan ragu Nano ondo' pinasaboi ru Nabi Jirimia. Namuir Tuhan ra guang ru Raja' Koris maa' raginio mangingkual ra susuban tinulisan koson basaan giu' ra titikop ru pamarintaan nano. Bolos ru surat no koon ragitio,

IJRA 1:1

Paat ra bilor kasaa' ra pamarintaan ru Raja' Koris, raja' ru Pirsia, sinugut ru Tuhan ragu Nano ondo' pinasaboi Nali pinabala' galing ra Nabi Jirimia. Inunsu' ru Tuhan guang ri Raja' Koris maa' raginio mangingkual ra susuban tinulisan, ondo' atarin koson basaan giu' ra titikop ru pamarintaan nano. Bolos no koson ragitio:

JISAYA 10:26

Aku, Tuhan Ondo' Maayo Kaga' Kuasa', mampalapos risilo ra pitol lalapos koson ra Aku nampalapos ra ulun ru Midian giu' ra Batu Orib ra galing i. Ukumin Ku Asyur koson ra Aku nangukum ra Misir.

JISAYA 21:2

Nakaapu aku ra pinaintalang intor ra kasaukan ondo' malaat kaga', intor ra kalaatan am pamusaan. Loyog kano alii ra saujor ru Ilam, pamulunsar no! Awangi' bandar-bandar no, alii ra saujor Madai! Pupusin ri Aki Kapuuno' kaimbalaan ondo' makinibitan ru Babil.

JISAYA 21:5

Ralalom ru pinaintalang no rondo' pagakanan maayo inatang; apin pinabingkal koson panturungan ru tambului. Nasuangan piniau mangakan am manginum. Pulali' maining panusuban, “Akau ngai' panglima, tomposo' noyo perisai mino!”

JISAYA 41:25

Binuir Ku guang ru sangulun intor ra sirangon; kinibitin Ku io mongoi pamulunsar intor ra ralayo. Ngaangai' mangunguasa' kikinjangin no koson ra losok, koson niayuk ra sangulun manukang ra paliuk manginjang-nginjang ra tana' bandulan.

JISAYA 45:1

Tuhan nampalantik ri Koris masauk ra raja'. Pinili' No i Koris koson mangunguasa' ra bansa'-bansa'; sinusub No i Koris koson mangiru' ra kuasa' ru raja'-raja', ukabin ru Tuhan no kulobon-kulobon garabang ru bandar no riso. Gitio noyo ragu ru Tuhan no ri Koris,

JISAYA 45:5

“Aku noyo Tuhan; kolondo' bokon. Aniin Tokou ra kaikangan ondo' kasagaan Kuno, kabalu' pana okou kalo makaulig Raki'.

JISAYA 46:11

Piawon Ku sangulun mangunguasa' intor ra sirangon; matong io koson ra sanginan susuit kanui koson mapaugar ra pamatasan Kuno. Atan paraguon Kuno musiti' Ku baalon, atan ondo' inatang Kuno musiti' Ku baalon.

JIRIMIA 46:3

“Panglima-panglima saujor ru Misir giminolok, ‘Pongoono' perisai min, am jalai no ra mamulunsar!

JIRIMIA 46:4

Paatango' kalat ra kuda am kurai' kuda min! Tinting kano am pantupi' ra tupi' basi'! Asaa' tutura' min! Bayango' noyo bayang basi' min!’ ”

JIRIMIA 46:9

Susubo' kuda no mugar, am kurita'-kurita' kuda mugar ra maribok! Pangator no ra saujor-saujor: ulun intor ra Itiopia am Libia ondo' nagibit ra perisai, am niayuk ulun maturasik mamanah intor ra Lidia.’ ”

JIRIMIA 50:25

Inukaban Ku intok pambulian Kuno ra kinandoi Kuno. Ralalom ru sangit Kuno, iningkual Ku kinandoi Kuno, sabap ra Aku, Tuhan Raja' Ondo' Maayo Kaga' Kuasa', musiti' mampaugar ra kandoi giu' ra Babilonia.

JIRIMIA 50:3

“Rondo' bansa' intor ra ralayo minatong noyo koson mamulunsar ra Babilonia am nampasauk ra pagun no ra tana' kaagisan. Ulun am bibiag magiru', am kolondo' boo mayan ra giu' no.”

JIRIMIA 50:45

Ginio ra rongogo' inatangan Kuno koson manggal ra bandar Babil, am atan ondo' masaga' Kuno baalon ra mamagun nano. Anak-anak nilo pana ralaaton ra mugar, am ngaangai' ulun mangalaa'.

JIRIMIA 50:9

Susubon Ku kukula' bansa' ondo' maikang intor ra ralayo, am mangkinibit risilo mamulunsar ra Babilonia. Banison nilo barisan ru saujor koson mangayou ra Babilonia, am mangala riso no. Ilo mampalula' ra matasik. Paat ra ilo mamanah, totopot panah nilo makatiu' ra tuma' no.

JIRIMIA 51:12

Pangani' ra pulanu koson mamulunsar ra timbok ru bandar Babil. Kapioto' pagalungan! Posoroyo' saujor-saujor giu' ra intok ru sigagama'! Awangi' pantula'!” Nambaal Tuhan ra atan ondo' rinagu Nano intor ra ulun ru Babilonia.

JIRIMIA 51:24

Indagu Tuhan, “Makakito kou ra Aku mambalos ra Babilonia am mamagun nano ra ngaangai' kalaatan ondo' binaal nilo ra Jirusalim.

JIRIMIA 51:35

Musiti' mamagun ru Sion mindagu, “Polosoon Babilonia malumpa' ru kalaatan ondo' binaal nali ritakau!” Musiti' mamagun ru Jirusalim mindagu, “Polosoon Babilonia malumpa' ru kaimbalaan ondo' pinalumpa' nali ritakau!”

JIRIMIA 51:36

Ginio ra indagu Tuhan ra mamagun ru Jirusalim, “Tutunon Ku baal mino am mambalos ra pantula' mino ra binaal nilo ramuyun. Palasakon Ku puun-puun ru timug giu' ra Babilonia am mampalasak ra sungoi-sungoi no.

DANIL 5:30

Paat rondom raginio niayuk Raja' Bilsyajar, raja' ru Babilonia pinatoi.

JOIL 3:10

Baluyo' mato ru radu' muno masauk ra ilang, am niayuk tantab koson saukon ra tutura'. Ulun ondo' malawo musiti' maya' mindagu: Aku tutumula'.

JOIL 3:9

Potonowo' baal ragitio ra bansa'-bansa', ‘Tampos kano koson mantula', piawo' ulun-ulun tutumula' min; timungo' ngaangai' saujor, am jalog kano!

IMAMAT 26:25

Porotongon Ku pangayawan giu' ra pagun mino koson mangukum ramuyun, sabap ra lumungkang ra nabantuan Kuli ramuyun. Paat ra mantimung kau ralalom ru bandar koson makiampin, porotongon Ku maruol ondo' magibit ra patayan saboi makirakop kau kalalaat ra pantula' min.

JAKARIA 14:12

Porotongon ru Tuhan maruol ondo' makalalaa' ra ngaangai' bansa' ondo' mangayou ra Jirusalim. Mato am rila' nilo, mulu' poyo ngaangai' inan nilo mootong liliwa' ilo lakat poyo maayag.

JAKARIA 14:2

Timungon ru Tuhan ngaangai' bansa' koson mangayou ra Jirusalim. Bandar no gaawon, baloi-baloi nano takawin am ruandu'-ruandu' nano sowoon. Sampiruo ra mamagun nano patirin ra pagun, kaa' ondo' bokon no kalo pabandingon intor ra bandar no.