JIRIMIA 50:9 - Tanou Moonsoi Timugon

⁹ Susubon Ku kukula' bansa' ondo' maikang intor ra ralayo, am mangkinibit risilo mamulunsar ra Babilonia. Banison nilo barisan ru saujor koson mangayou ra Babilonia, am mangala riso no. Ilo mampalula' ra matasik. Paat ra ilo mamanah, totopot panah nilo makatiu' ra tuma' no.

JIRIMIA 50:9 ပူးပေါင်းရင်းမြစ်များ

2 SAMUIL 1:22

Panah ri Jonatan sakti, mamatoi; ilang ru Raja' Saul kalo makaasi', nonobok ra saujor ondo' mapanggol, am namatoi ra pantula'.

RIMBAI PANGAMPARAN 3:8

Ngaangai' no matasik mamakai ra ilang, am masuang kaintutunan bulintok mangayou. Sigagama' nanangilang, nakatampos noyo mangayou bulintok molondom.

JISAYA 21:2

Nakaapu aku ra pinaintalang intor ra kasaukan ondo' malaat kaga', intor ra kalaatan am pamusaan. Loyog kano alii ra saujor ru Ilam, pamulunsar no! Awangi' bandar-bandar no, alii ra saujor Madai! Pupusin ri Aki Kapuuno' kaimbalaan ondo' makinibitan ru Babil.

JISAYA 41:25

Binuir Ku guang ru sangulun intor ra sirangon; kinibitin Ku io mongoi pamulunsar intor ra ralayo. Ngaangai' mangunguasa' kikinjangin no koson ra losok, koson niayuk ra sangulun manukang ra paliuk manginjang-nginjang ra tana' bandulan.

JIRIMIA 15:14

Saukon Ku ilo ra ulipon ru pantula' giu' ra pagun ru bansa' ra bokon ondo' kalo nauligan nilo, sabap ra sangit Kuno koson ra apui ondo' bibilak ra sabubuoi no.”

JIRIMIA 25:14

Balasin Ku binaal ru ulun Babilonia; uliponon ilo ru raja'-raja' maayo am masuang bansa'.’ ”

JIRIMIA 50:14

“Pulalai kau ru mamanah, pabaniso' barisan ru saujor am pagawangi' Babil. Patumaa' ngaangai' panah min ra Babil, sabap ra Babil makatula noyo Raki', Tuhan.

JIRIMIA 50:21

Indagu Tuhan ra pantula' ru Babilonia, “Bulunsaro' mamagun ru Mirataim am Pikod. Potoyo' am pusoo' ilo. Baalo' noyo ngaangai' susuban Kuno. Aku, Tuhan, nakaindagu noyo.

JIRIMIA 50:26

Bulunsaro' noyo pagun no intor ra ngaangai' intok, am musiti' kau sumubol ra ralalom ru ngaangai' intok pambulian ra gandum! Pabujuko' kuliamos ginaau koson ra gandum pinabujuk! Pusoo' pagun no! Pai' tatango' atan pana!

JIRIMIA 50:29

“Susubo' pulalai mamanah mamulunsar ra Babil. Susubo' moonong ulun ondo' mapandai mamakai ra busur am panah. Pagawangi' bandar no am pai' polosoo' sangulun pana makapagiru'. Balasi' ngaangai' binaal ru Babil; baalo' Babil koson ra ati kulaan pinamakuan ru Babil ra ulun bokon, sabap ra Babil liminimbau Raki', Ondo' Matulai Kaga', i Aki Kapuuno' ru Israil.

JIRIMIA 50:3

“Rondo' bansa' intor ra ralayo minatong noyo koson mamulunsar ra Babilonia am nampasauk ra pagun no ra tana' kaagisan. Ulun am bibiag magiru', am kolondo' boo mayan ra giu' no.”

JIRIMIA 51:11

Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!