JIRIMIA 50:7 - Tanou Moonsoi Timugon

⁷ Binulunsar ilo ru osoi ayuk ondo' nakakito risilo. Indagu pantula' nilo, ‘Ulun ragitio makatula noyo ra Tuhan. Ginio ra atan ondo' baalon takau kolondo' sala. Kinamatuaan nilai mangintopot ra Tuhan, am musiti' no ilo pana gumagaya' ayuk Riso.’

JIRIMIA 50:7 ပူးပေါင်းရင်းမြစ်များ

MAZMUR 71:5

Iou Tuhan Raja', malansan aku Rirun; mangintopot aku Rirun intor poyo ra kinamuloko' kuno.

MAZMUR 79:7

sabap ra nampatoi ilo ra ulun Muno am namunsai ra pagun Muno.

MAZMUR 90:1

Pakiasian ri Musa, ulipon ri Aki Kapuuno'. Iou Tuhan, Okou noyo intok mai sumindung, saboi ra sabuoi-buoi no.

MAZMUR 91:1

Ulun ondo' sumindung Riso Ondo' Masawat Kaga', ulun ondo' siminindung Riso Ondo' Maayo Kaga' Kuasa',

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JISAYA 56:9

Nanusub Tuhan ra bansa'-bansa' suai matong koson ra bibiag masigo ondo' mansaam ra ulun Nano.

JISAYA 9:12

Ulun ru Israil lakat poyo kalo tumalikur intor ra tula. Kabalu' pana Tuhan Ondo' Maayo Kaga' Kuasa' nangukum risilo, kaa' lakat ilo poyo kalo sumaguli' Riso.

JIRIMIA 10:25

Paabuso' noyo sangit Muno ra bansa'-bansa' ondo' kalo sumamba Rirun, am ra ulun ondo' nangimpai Rirun. Pinuso nilo ulun Muno; tinutuk nilo akai lingono' am namuso ra pagun mai.

JIRIMIA 14:8

Okou no rorondo' kalansanan ru Israil, ondo' namayag ramon intor ra karaat. Kua kia koson Okou ra ulun bansa' ru bokon giu' ra pagun mai, am koson ra ulun lalayau ondo' minapit sorondom am mugar?

JIRIMIA 17:13

Iou Tuhan, Okou noyo kalansanan ru Israil; ngaangai' ru ulun ondo' nangiruan Rirun tauyuon. Mapuso ilo intor ra tana' ti, am mongoi ra intok ru ulun minatoi, sabap ra nangiruan ilo ra Tuhan, puun ru timug ondo' mampakaayag.

JIRIMIA 2:3

Mamagun kau ru Israil, akau longgom Kuno galama', akau longgom Kuno ondo' tinagaman. Mamparatong Aku ra kapaganan am karaat ra ngaangai' ulun ondo' mampajamar ramuyun. Aku, Tuhan nakaindagu noyo.”

JIRIMIA 31:23

Tuhan Ondo' Maayo Kaga' Kuasa', i Aki Kapuuno' ru Israil minindagu, “Paat ra pasagulion Ku ulun Kuno ra pagun nilo, pagun Jiuda am bandar-bandar nano pana mokorongog poyo ra ulun mindagu, ‘Gama' ru barakaton ru Tuhan bulur matulai giu' ra Jirusalim intok inayanan ondo' pinatimpok Riso.’

JIRIMIA 33:15

Paat raginio pilion Ku sangulun ondo' matimpok intor ra papag ri Daut koson masauk ra raja'. Mambaal raja' no ra atan ondo' motopot am matimpok giu' ra titikop pagun.

JIRIMIA 33:16

Mamagun ru Jiuda am Jirusalim bayagon, am maayag ilo ra mamimio. Bandar no inggalanin ra ‘Tuhan Mamamayag Ritakau’.

JIRIMIA 5:17

Mangai' ilo ra ampos ru tana' am akanon min; mampatoi ilo ra anak min, ungkuyon am niayuk ruandu'. Simbaluyon nilo sapi' am domba min; pusoon nilo puun ru anggur am puun ru ara min. Bandar-bandar ra makakubu ondo' lansanin min puuton ru saujor nilo.

JIRIMIA 50:14

“Pulalai kau ru mamanah, pabaniso' barisan ru saujor am pagawangi' Babil. Patumaa' ngaangai' panah min ra Babil, sabap ra Babil makatula noyo Raki', Tuhan.

JIRIMIA 50:17

Indagu Tuhan, “Ulun ru Israil koson ra sampanon ru domba ondo' inilou am pinantutuliar ru singa'. Binulunsar ilo galing ru raja' ru Asyur, kalupus raginio Raja' Nibukadnijar intor ra Babilonia, mangaliit ra bungul nilo.

JIRIMIA 50:33

Indagu Tuhan Ondo' Maayo Kaga' Kuasa', “Ulun ru Israil am Jiuda inimbolo'. Ngaangai' ondo' namparakop risilo nagalung toojo risilo am marara' mampalabus risilo.

YEHEZKIEL 34:5

Sabap ra kolondo' magagalung, nantutuliar domba-domba no am saamon ru bibiag masigo.

YEHEZKIEL 35:12

Bagu no makapandai kau ra Aku, Tuhan mokorongog ra pagasaban min paat ra akau mindagu, ‘Gunung-gunung ru Israil nasauk ra masiluk am pataakin ra akanon takau.’

DANIL 9:16

Sinaung Mu akai ragili. Ginio ra pai' noyo boo sangit ra Jirusalim. Bandar ti bandar Muno, bulur Muno ondo' matulai. Ngaangai' ulun intor ra pagun-pagun paginggaar nagasab ra Jirusalim am ulun Muno, sabap ra tula mai am kalaatan ondo' binaal ru kinamatuaan mai.

DANIL 9:6

Kalo nangkirongog akai ra nabi-nabi, ulipon-ulipon Muno, ondo' minindagu sabap ra inggalan Muno ra raja', panguasa', am kinamatuaan mai, am niayuk ngaangai' ru bansa' mai.

JAKARIA 1:15

Kaa' siminangit Aku kaga' ra bansa'-bansa' ondo' makaliman ra moonsoi am mamimio. Paat ra Aku nongorot ra sangit Kuno ra ulun Kuno, bansa'-bansa' no namparuang ra kaimbalaan ru ulun Kuno.

JAKARIA 11:5

Ulun-ulun tatangan ra domba nanimbalui ra sampanon ru domba no kaa' kalo ukumin ilo; nantalan ilo ra kual ru domba no am indagu, ‘Koompor noyo Tuhan! Langkaya' akai!’ Magagalung-magagalung no kalo makaasi' ra domba tinambiag nilo.”

1 TIMOTIUS 1:1

Aku i Paulus, sangulun rasul ri Jisus Kristus maya' ra susuban ri Aki Kapuuno', Mamamayag takau, am ri Jisus Kristus ondo' kalansanan takau.