JIRIMIA 50:42 - Tanou Moonsoi Timugon

⁴² Nanampanah am nanangilang ilo; malaat am masangit ilo. Bolos kinurikap ru kuda koson ra raat mangkinulun, paat ra ilo mangura' ra kuda. Nakatampos ilo no mamulunsar ra Babilonia.

JIRIMIA 50:42 ပူးပေါင်းရင်းမြစ်များ

MAZMUR 46:6

I Aki Kapuuno' minayan ra giu' no, bandar ra kalo pusoon; bulintok ra lakat poyo susuab, matong Io mangindangan riso.

MAZMUR 74:20

Karaa' noyo nabantuan ondo' inaru' Muli ramon, sabap ra masuang pampatayan ra moonong intok molondom ra pagun ti.

JISAYA 14:6

ondo' sumangit-sangit nangimbolo' ra bansa'-bansa' am tanduusin nilo mangimbolo' risilo.

JISAYA 47:1

Mindagu Tuhan, “Okou Babil, tuun intor ra turungan muno, am panturung noyo ra rasawat ru kaau, Okou kalo boo mantalur am makabunduk ra guang koson ra galing i.

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JISAYA 5:28

Anak ru panah nilono malarom am tanggayan ru panah makatampos palaguron. Salindu ru kuda nilono mokotog koson ra batu ru apui, am luda' ru kurita' kuda nilono musing koson ra bagiu' mapuor.

JISAYA 5:30

Paat ra orou raginio, titikop ru Israil maining bolos ra mangayou koson ra nginoos mapuor ru raat. Ilai' nga, titikop ru pagun no molondom am kumuliasou-asou. Sinda masauk ra molondom.

JIRIMIA 30:14

Ngaangai' ambai min nakalilian noyo ramuyun; kalo boo mampalio ilo ramuyun. Koson ra pantula', mamulunsar Aku ramuyun, ukuman ondo' maagat nakalumpa' ramuyun sabap ra tula min masuang kaga' am kalaatan min najanjayan kaga'.

JIRIMIA 47:3

Mokorongog ilo ra kinurikap ru kuda, kinuritut ru kurita' kuda, am kinurutuk ru luda' no. Ama' kalo mangkaili koson mangalap ra anak nilo; longon ru ama'-ama' malawo am kalo maikang.

JIRIMIA 50:14

“Pulalai kau ru mamanah, pabaniso' barisan ru saujor am pagawangi' Babil. Patumaa' ngaangai' panah min ra Babil, sabap ra Babil makatula noyo Raki', Tuhan.

JIRIMIA 50:9

Susubon Ku kukula' bansa' ondo' maikang intor ra ralayo, am mangkinibit risilo mamulunsar ra Babilonia. Banison nilo barisan ru saujor koson mangayou ra Babilonia, am mangala riso no. Ilo mampalula' ra matasik. Paat ra ilo mamanah, totopot panah nilo makatiu' ra tuma' no.

JIRIMIA 51:27

“Pangani' ra pulanu koson mangayou! Samputi' bujung maa' raginio morongog ru bansa'-bansa'! Potomposo' bansa'-bansa' koson mangayou ra Babilonia! Susubo' pamarintaan ru Ararat, Mini am Askinas mangayou. Lantiko' sangulun pagawai saujor koson maningganai ra pangayawan no. Susubo' noyo kuda ondo' masuang koson ra gapu' sampanon!

JIRIMIA 8:16

Soroi noyo pantula' giu' ra bandar Dan; gala' ru kuda nilo morongog noyo. Titikop ru pagun mangalaa' paat ra kuda nilo mampagala'. Pantula' nakaratong noyo koson mamuso ra titikop ru pagun takau, am niayuk bandar takau am niayuk ngaangai' ru mamagun nano.”

YEHEZKIEL 26:3

Indagu Tuhan Raja', “Aku pantula' muno, okou Tirus. Magibit Aku ra masuang bansa' koson mamulunsar rirun. Matong ilo koson ra kinulun ru raat.

JOIL 2:5

Paat ra gapu' morop giu' ra tampak ru gunung, gapu' satulindak koson ra kurita' kuda, am manguripit koson ra sakot mapua' ra nosolob. Gapu' timininting koson ra saujor ondo' nakatampos koson mamulunsar.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

PINAINTALANG 16:6

Nampasasar ilo noyo ra raraa' ru ulun ri Aki Kapuuno' am ra raraa' ru nabi-nabi; kaa' raino binaal Mu ilo manginum ra raraa' no. Matimpok ukum Muno risilo!”