JIRIMIA 50:38 - Tanou Moonsoi Timugon

³⁸ Polosoon noyo tana' no masauk ra mapua', am sungoi-sungoi nano malasakan. Nososok Babilonia ra sinungkalalaing ondo' makalalaa', sinungkalalaing ondo' mangkinibit ra ulun sumamba riso no masauk ra mantuyang.

JIRIMIA 50:38 ပူးပေါင်းရင်းမြစ်များ

KASAUKAN 8:1

Kalo napalilian i Aki Kapuuno' ri Nuu am ngaangai' bibiag ondo' nababaya' riso ralalom ru kapal no. Pinagangin No saboi miniit rosob.

JISAYA 44:25

Kinuli-kuli Ku ulun mangingilong, kinuli-kuli Ku nanalaan ru sangulun nujum. Kalo iowon ku guangon ru ulun mapintar, am mapabala' ra kapintaran nilono sasambungon.

JISAYA 44:27

Ralalom ru panusuban Kuno, raat masauk malasakan.

JIRIMIA 50:12

kaa' bandar min galama' ondo' maayo no asabin am tauyuon. Babilonia masauk ra pamarintaan ondo' kalo toojo maatang intor ra ngaangai' pamarintaan. Babilonia masauk ra tana' kaagisan ondo' mapua' am kolondo' tutuu'.

JIRIMIA 50:2

“Pabalaa' noyo tanou raginio ra bansa'-bansa'! Potonowo' noyo tanou no! Pabilaro' noyo bandira' am potonowo' tanou no! Pai' sibunio' tanou no! Naratu' noyo bandar Babil! Mirodak, dewa nano inumok noyo! Sinungkalalaing ru Babil tinauyu' noyo, sinungkalalaing nano ondo' majamol no inumok noyo!

JIRIMIA 51:44

Ukumin Ku i Bel, dewa ru pagun Babilonia, am mambaal riso mampataak ra kuliamos tinakou nano. Bansa'-bansa' kalo boo sumamba riso. Timbok ru bandar Babil nalunsai noyo.

JIRIMIA 51:47

Nasaboi paat no ra Aku mangukum ra sinungkalalaing ru Babilonia. Titikop ru pagun no tauyuon, am ngaangai' ru mamagun nano potoyon.

JIRIMIA 51:52

Ginio ra guango' noyo ragu Kutu. Masaboi paat no ra ukumin Ku sinungkalalaing ru bandar Babil. Ngaangai' ulun ondo' napilat mampalaa giu' ra titikop ru pagun.

JIRIMIA 51:7

Ragili Babilonia koson ra sangkir mas ra kalindu' Kuno, am mangkinibit ra ngaangai' bansa' ra tana' ti magauk. Bansa'-bansa' nanginum ra wain saboi ilo mantuyang.

DANIL 5:4

Liliwa' nanginum, nongompor ilo ra dewa-dewa ondo' binaal intor ra mas, pirok, gangsa', basi', tataun am batu.

RINALATAN 17:16

Liliwa' i Paulus naginaa ri Silas am i Timotius ra Atina, mangiluk toojo guang nali nakakito ra bandar no masuang sinungkalalaing ondo' sambaan.

PINAINTALANG 16:12

Pasasaro' boo ru malaikat koonom no suang ru sangkir nano ra sungoi Iprat ondo' maayo no. Ginio ra sungoi no liminasak saboi nasauk ra intok pansailan ru raja'-raja' ondo' intor ra sirangon no.

PINAINTALANG 17:5

Rabas nano tinulisan ra inggalan ondo' arati' nano kalo mapandayan ru ulun: Inggalan no am, “I Babil ondo' maayo, ina' ru ngaangai' mantatalan ra inan am ulun homoseks am lesbian.”

TINGGANAI RU BANSA' 6:30

Indagu ilo boo ri Joas, “Ibito' noyo anak muno ragiti maa' raginio mapatoi mai io! Linunsai no altar ru Baal am namuut ra lugu' tatandu' ru Dewi Asyira ondo' giu' ra sapapa' ru altar no.”