JIRIMIA 50:34 - Tanou Moonsoi Timugon

³⁴ Kaa' Io ondo' mamayag risilo no maikang; inggalan Nano iono Tuhan Ondo' Maayo Kaga' Kuasa'. Io galama' mirot toojo mangampin ra baal nilo, am magibit ra kaansayan ra tana' ti, kaa' mamparatong ra kapaganan ra ulun ru Babilonia.”

JIRIMIA 50:34 ပူးပေါင်းရင်းမြစ်များ

2 TUNUNG RU BANSA' ISRAIL 6:39

rongogo' noyo pakiasian nilo. Intor ra intok ayanan Muno giu' ra suruga', rongogo' noyo ilo am pakaasi' noyo risilo. Ampuno' noyo ngaangai' tula ru ulun Muno.

AYUP 19:25

Kaa' nakapandai aku ra giu' ra suruga' mokoondo' Mamamayag raki'; pupus nano matong Io mangindangan raki'.

MAZMUR 35:1

Mazmur ri Daut. Tuhan, anggalo' noyo ulun ondo' tumula' raki', am anggalo' noyo ulun ondo' mangayou raki'.

MAZMUR 43:1

Iou Aki Kapuuno', paintalango' noyo ra aku kolondo' sala, sungkaa' aku tumingkuang ra bansa' ondo' nausung; painggaluro' aku intor ra ulun mangalaat am ulun maabau-abau.

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

AMSAL 22:23

Saungon ilo ru Tuhan, am butuson painawo ru ulun mangimpai risilo.

AMSAL 23:11

Tuhan, manunungka' ondo' maikang, manungka' risilo am manggal ramuyun.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

JISAYA 43:14

I Aki Kapuuno' ru Israil, i Aki Kapuuno' ondo' matulai, Tuhan ondo' mamayag ramuyun mindagu, “Atarin Takamin ra saujor koson mamayag ramuyun intor ra Babil; Lunsayon Ku kulobon-kulobon garabang, am pagigindiyan ru namagun Babil makulau masauk ra tangi'.

JISAYA 44:6

Tuhan ondo' namarinta am mangampin ra Israil, Tuhan Ondo' Maayo Kaga' Kuasa' mindagu, “Aku noyo ondo' kasaa' am ondo' pamupusan, i Aki Kapuuno' rondo'-rondo' no; Suai Raki', kolondo' bokon.

JISAYA 47:4

I Aki Kapuuno' ru Israil, i Aki Kapuuno' ondo' matulai, mapalabus ritakau, inggalan Nano Tuhan Ondo' Maayo Kaga' Kuasa'.

JISAYA 49:25

Tumaam Tuhan, “Ginio noyo kasaukan no. Ulun narakop ru nasuangan saujor ginaau saguli'. Ginaau ru ulun malaat kaga' gaawon poyo. Sabap ra Aku galama' manggal ra pantula' muno; bayagon Ku anak-anak muno.

JISAYA 51:22

Gitio noyo ragu ru Tuhan mino, Tuhan i Aki Kapuuno' noyo sumaung ramuyun, “Kaimbalaan ondo' pinataak Kuno ralalom sangit Kuno, alapon Ku sagulio' intor ramuyun. Guang kuno sumalui, am kalo pana boo saanin min.

JISAYA 54:5

Namangun rirun no koson ra ralaki muno, i Aki Kapuuno' matulai ru Israil ioginio mamamayag rirun. Tuhan Ondo' Maayo Kaga' Kuasa', ginio noyo inggalan Nano, Io Aki Kapuuno' mangunguasa' ra titikop ru tana' ti.

JIRIMIA 10:16

Aki Kapuuno' ri Jakub sala' ka koson ra sinungkalalaing raginio; Io noyo namangun ra ngaangai' no. Nampili' Io ra Israil nasauk ra ulun Nano. Tuhan Ondo' Maayo Kaga' Kuasa' noyo inggalan Nano.

JIRIMIA 15:21

Palabuson Tokou intor ra kuasa' ru ulun malaat kaga'. Aku, Tuhan nakaindagu noyo.”

JIRIMIA 30:20

Pasaukon Ku bansa' no makakuasa' koson ragili, am mangikang risilo saguli'. Ukumin Ku ngaangai' ulun ondo' mangimbolo' risilo.

JIRIMIA 31:11

Pinalabus Ku noyo ulun ru Israil, am namayag risilo intor ra bansa' ondo' maikang.

JIRIMIA 31:35

Pinaatang ru Tuhan mato ru orou koson mampasinda ra matawang, am pinaatang No bulan am butitin koson mampasinda ra rondom. Mangkinibit Io ra timug ru raat mangkinulun am gogolon, am inggalan Nano Tuhan Ondo' Maayo Kaga' Kuasa'.

JIRIMIA 32:18

Nampakito Kou ra togom Muno ondo' mantilayun ra riribu ulun, kaa' nangukum Kou niayuk ra ulun sabap ra tula ru matuo nilo. Okou noyo i Aki Kapuuno' ondo' matulai am maikang toojo; Okou no Tuhan Ondo' Maayo Kaga' Kuasa'.

JIRIMIA 48:15

Moab am bandar-bandar nano pinuso noyo; ulun mamulok no ondo' moonsoi kaga' pinatoi. Aku noyo raja', Tuhan Ondo' Maayo Kaga' Kuasa', am Aku nakaindagu noyo.

JIRIMIA 51:19

I Aki Kapuuno' ri Jakub sala' ka koson ra dewa-dewa no; Io no nambaal ra ngaangai' no, am Io nampili' ra Israil nasauk ra ulun Nano galama'. Inggalan Nano iono Tuhan Ondo' Maayo Kaga' Kuasa'.

JIRIMIA 51:36

Ginio ra indagu Tuhan ra mamagun ru Jirusalim, “Tutunon Ku baal mino am mambalos ra pantula' mino ra binaal nilo ramuyun. Palasakon Ku puun-puun ru timug giu' ra Babilonia am mampalasak ra sungoi-sungoi no.

SULABOI 3:58

Matong Kou manaung ra baal kuno, iou Tuhan, am mamayag Kou ra painawo kuno.

JOIL 2:11

Nangani' Tuhan ra susuban ra bolos matangil ra saujor Nano. Saujor ondo' gumagaya' Riso masuang am maikang. Mapara' boo makalalaa' orou ru Tuhan! Kolondo' sangulun pana tumaan.

MIKA 4:10

Mamagun ru Jirusalim kau ngai', pambilor am pampalaa kano koson ra ruandu' ondo' tatanga' maganak, sabap raino mangiruan kau kalalaat ra bandar ti am mayan giu' ra padang. Mongoi kau kalalaat ra Babil, kaa' giu' no Tuhan mamayag ramuyun intor ra pantula'.

MIKA 7:9

Natulaan takau ra Tuhan. Ginio ra musiti' mansaan ra sangit Nano ra kalo mantilayun. Kaa' pupus nano sumaung Io ritakau am mangani' ritakau ra katimpakan. Magibit Io ritakau mingkual mongoi ra sinda, am makaliman takau ra pamayagan ru Tuhan.

PINAINTALANG 18:8

Sabap raginio, ralalom songorou ayuk matiu' ilo ra sauk malaat: maruol, guang mangiluk am bitilan. Bandar nilo umpoon ra apui, sabap ra i Aki Kapuuno', Tuhan ondo' Maayo Kaga' Kuasa', mangukum risilo.”