JIRIMIA 50:31 - Tanou Moonsoi Timugon

³¹ “Alii rirun Babilonia, malilimbau kou kaga'. Ginio sabap ra Aku, Tuhan Raja' Ondo' Maayo Kaga' Kuasa', manggal rirun! Nasaboi paat no ra mangukum Aku rirun.

JIRIMIA 50:31 ပူးပေါင်းရင်းမြစ်များ

JISAYA 2:12

Orou raginio Tuhan Ondo' Maayo Kaga' Kuasa' mapainggana' ra ngaangai' ulun ondo' minsawat guang, am mangukum ra ngaangai' ulun malilimbau.

JIRIMIA 21:13

Kopongo raginio indagu Tuhan ra Jirusalim, “Okou Jirusalim! Intok muno masawat poyo intor ra limayak ra liliut muno. Koson kou ra bulur batu masawat giu' ra tana' marata', kaa' anggalon Tokou. Minindagu kou ra kolondo' sangulun pana makapamulunsar rirun kapoam makasubol ra kubu-kubu muno.

JIRIMIA 48:29

Lumimbau kaga' Moab! Nokorongog aku ra mapara' kinasumbung, kinasawat ru guang, kinalimbau ru mamagun ru Moab no! Mangkara' ilo kaga' ra inan galama'.

JIRIMIA 49:16

Ruungon kau ru kalimbawan min. Kolondo' sangulun pana malaa' ramuyun koson ra pangkaraan min. Minayan kau giu' ra lolot ru bulur batu, maalur giu' ra rasawat ru gunung. Kaa' kabalu' pana nambaal kau ra baloi giu' ra intok masawat kaga', koson ra sawat ru bunsut ru susuit kanui, paingganaan kau ru Tuhan. Koon raginio noyo ragu ru Tuhan.”

JIRIMIA 50:29

“Susubo' pulalai mamanah mamulunsar ra Babil. Susubo' moonong ulun ondo' mapandai mamakai ra busur am panah. Pagawangi' bandar no am pai' polosoo' sangulun pana makapagiru'. Balasi' ngaangai' binaal ru Babil; baalo' Babil koson ra ati kulaan pinamakuan ru Babil ra ulun bokon, sabap ra Babil liminimbau Raki', Ondo' Matulai Kaga', i Aki Kapuuno' ru Israil.

JIRIMIA 50:32

Bansa' muno ondo' malilimbau no makasaru am maratu'. Kolondo' sangulun pana mangindangan rirun migor. Monolob Aku ra bandar-bandar min, am ngaangai' ondo' giu' ra liliut no mapuso.”

JIRIMIA 51:25

Okou Babilonia, koson kou ra gunung ondo' mamuso ra titikop ru tana' ti, kaa' Aku, Tuhan noyo pantula' muno. Paakangon Ku kalindu' koson mamparata' rirun am mompoloso rirun mosolob saboi masauk ra kaau.

YEHEZKIEL 29:3

Balai' io ra gitio noyo ragu ru Tuhan Raja' ra raja' ru Misir, ‘Aku pantula' muno, okou buayo maayo ondo' liminuya' giu' ra sungoi! Kamu ra Sungoi Nil no longgom muno, am okou nambaal no.

YEHEZKIEL 38:3

am balai' io ra Aku, Tuhan Raja' noyo pantula' nano.

YEHEZKIEL 39:1

Indagu Tuhan Raja', “Okou ulun mapandai matoi, ulaso' i Gog, ulun manguasa' kasaa' ru pagun Misik am Tubal, am balai' ilo ra Aku ti pantula' nano.

YEHEZKIEL 5:8

Ginio ra Aku, Tuhan Raja' mindagu rirun raino ra makimantula' Aku rirun. Ukumin Tokou giu' ra saang ru ngaangai' bansa'.

NAGUM 2:13

Mindagu Tuhan Ondo' Maayo Kaga' kuasa', “Pantula' muno Aku. Solobon Ku kurita' kuda muno saboi mapuso. Saujor-saujor muno potoyon ralalom pangayawan, am alapon Ku ngaangai' no ondo' ginaau min intor ra ulun bokon. Sika'-sika' ru ulun-ulun sinusub min kalo boo morongog.”

NAGUM 3:5

Mindagu Tuhan Ondo' Maayo Kaga' Kuasa', “Okou Niniwi, ukumin Tokou! Pagibaangon Tokou, am mompoloso ra bansa'-bansa' magilong rirun; makito nilo baal muno ondo' makauyuyu'.

JAKUBUS 4:6

Am mulu' poyo boo kataawan Nano ritakau. Ginio ra tinulisan ra Buuk Kitab ra, “Ampangin ri Aki Kapuuno' ulun ondo' minsawat guang, kaa' mataau Io ra ulun ondo' minggana' guang.”

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”

PINAINTALANG 18:8

Sabap raginio, ralalom songorou ayuk matiu' ilo ra sauk malaat: maruol, guang mangiluk am bitilan. Bandar nilo umpoon ra apui, sabap ra i Aki Kapuuno', Tuhan ondo' Maayo Kaga' Kuasa', mangukum risilo.”