JIRIMIA 50:26 - Tanou Moonsoi Timugon

²⁶ Bulunsaro' noyo pagun no intor ra ngaangai' intok, am musiti' kau sumubol ra ralalom ru ngaangai' intok pambulian ra gandum! Pabujuko' kuliamos ginaau koson ra gandum pinabujuk! Pusoo' pagun no! Pai' tatango' atan pana!

JIRIMIA 50:26 ပူးပေါင်းရင်းမြစ်များ

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

JISAYA 14:23

Kulawon Ku Babil masauk ra tana' malinjong, am karuui mayan ra giu' no. Pusoon Ku Babil. Aku, Tuhan Ondo' Maayo Kaga' Kuasa' minindagu noyo.”

JISAYA 25:10

Tuhan manindung ra Bulur Sion, kaa' namagun ru Moab kikinjangin koson ra rami kikinjangin giu' ra intok majamol.

JISAYA 45:3

Aniin Tokou ra kalangkayaan intor ra intok-intok ondo' molondom am nakasibuni; bagu no makapandai kou ra Aku noyo Tuhan, am niayuk i Aki Kapuuno' ru Israil nampiau noyo ra inggalan muno.

JISAYA 5:26

Ilai' Tuhan manaak ra pulanu ra bansa' ondo' maalur. Sisiukon No mampiau risilo intor ra pompor ru tana' ti am mataki' ilo matong!

JIRIMIA 50:10

Gaawin Babilonia, am ulun mampagaau no mangalap ra atan ayuk ondo' kasagaan nilo. Aku, Tuhan, nakaindagu noyo.”

JIRIMIA 50:13

Sabap ra sangit Kuno, kolondo' osoi pana mayan giu' ra Babil. Babil no masauk ra malunsai, am ngaangai' ulun ondo' mansail ra giu' no makatigog am mangimuag.

JIRIMIA 50:15

Golok no ra lakis ru mangayou giu' ra liliut ru bandar no! Raino Babil nakirakop noyo. Timbok pangampin nano sinubol am ginaba' noyo. Tatanga' Aku mansuli' ra ulun ru Babilonia. Ginio ra pansuli' kano, am baalo' ilo koson ra pinamakuan nilo ra ulun bokon.

JIRIMIA 50:23

Ragili Babilonia nangamar ra titikop ru tana' ti saboi natutuk, kaa' raino amar nano nopopol noyo. Ngaangai' bansa' nakatigog nakakito ra atan ondo' nasauk ra pagun no.

JIRIMIA 50:41

“Ulun tatanga' matong intor ra ralayo, rondo' bansa' ondo' maikang intor ra pagun maalur; masuang raja' tatanga' tumampos koson mangayou.

JIRIMIA 51:44

Ukumin Ku i Bel, dewa ru pagun Babilonia, am mambaal riso mampataak ra kuliamos tinakou nano. Bansa'-bansa' kalo boo sumamba riso. Timbok ru bandar Babil nalunsai noyo.

JIRIMIA 51:64

Balai' ilo ra koon raginio noyo pupus ru Babilonia. Malinjob Babilonia am kalo noyo boo sumalula', sabap ra kapusaan ondo' porotongon ru Tuhan riso.” Ragu-ragu ri Jirimia polos ragiti.

MIKA 7:10

Paat raginio pantula' takau makakito ra baal ondo' binaal ru Tuhan ritakau, am ilo pana tauyuon. Ilo no pantula' magagasab ritakau ragili am mindagu, “Ati boo Tuhan, i Aki Kapuuno' mino?” Magilong takau risilo kalaan am kikinjangin koson ra losok giu' ra ralan.

MATIUS 6:26

Ilai' min ayuk susuit-susuit ondo' mansisiab, kalo mantanom ilo ra sampug kapoam mangkumos am niayuk manimung ra akanon ra gudang, kaa' Ama' min giu' ra suruga' mampaakan risilo! Sala' ka kia maatang kau kaga' intor ra susuit-susuit no?

PINAINTALANG 14:19

Patantabo' boo ru malaikat no tantab nano ra tana' am katantab boo kawa' ru anggur no. Kawa' ru anggur no pinatiran no ra intok pamagaan ru anggur ondo' maayo, ioginio sangit am ukum ri Aki Kapuuno'.

PINAINTALANG 19:15

Intor ra kabang Nano miningkual rondo' ilang malarom ondo' mampakaala ra bansa'-bansa'. Parintaan No ilo ra kalo makaasi' mogondo' ra kawa' ru anggur kikinjangin ra intok pamagaan, ioginio sangit am ukum ri Aki Kapuuno' Maayo Kaga' Kuasa'.