JIRIMIA 50:25 - Tanou Moonsoi Timugon

²⁵ Inukaban Ku intok pambulian Kuno ra kinandoi Kuno. Ralalom ru sangit Kuno, iningkual Ku kinandoi Kuno, sabap ra Aku, Tuhan Raja' Ondo' Maayo Kaga' Kuasa', musiti' mampaugar ra kandoi giu' ra Babilonia.

JIRIMIA 50:25 ပူးပေါင်းရင်းမြစ်များ

MAZMUR 45:3

Okou noyo ulun maindon kaga' ra gino ngai' ru ulun, ragu-ragu muno napanu' ra kaansayan, ginio sabap ra okou binarakat ri Aki Kapuuno' ra sabuoi-buoi no.

MAZMUR 45:5

Jalai no ralalom ru ikang tumingkuang ra kamanangan, koson sumaung ra atan ondo' motopot am katimpakan, ralalom kaikangan muno, gaawo' noyo kamanangan ra maayo.

JISAYA 13:15

Osoi-osoi marakop tobokon saboi matoi.

JIRIMIA 50:15

Golok no ra lakis ru mangayou giu' ra liliut ru bandar no! Raino Babil nakirakop noyo. Timbok pangampin nano sinubol am ginaba' noyo. Tatanga' Aku mansuli' ra ulun ru Babilonia. Ginio ra pansuli' kano, am baalo' ilo koson ra pinamakuan nilo ra ulun bokon.

JIRIMIA 51:20

Indagu Tuhan, “Okou Babilonia, koson kou ra amar Kuno am kinandoi pangayou Kuno. Mamakai Aku rirun koson mamuso ra bansa'-bansa',

JIRIMIA 51:25

Okou Babilonia, koson kou ra gunung ondo' mamuso ra titikop ru tana' ti, kaa' Aku, Tuhan noyo pantula' muno. Paakangon Ku kalindu' koson mamparata' rirun am mompoloso rirun mosolob saboi masauk ra kaau.

JIRIMIA 51:55

Tatanga' Aku mamuso ra Babil, am pasaukon io ra masiluk. Saujor ru pantula' matong koson ra kinulun ondo' makanginoos, am pabayaan ra golok ilo mamulunsar.

AMOS 3:6

Amon ru bujung tatandu' ru pangayawan samputin, kalo kia ulun giu' ra bandar malaa'? Makalumpa' kia karaat ra rorondo' bandar, amon Tuhan kalo mamparatong ra karaat no?

PINAINTALANG 18:8

Sabap raginio, ralalom songorou ayuk matiu' ilo ra sauk malaat: maruol, guang mangiluk am bitilan. Bandar nilo umpoon ra apui, sabap ra i Aki Kapuuno', Tuhan ondo' Maayo Kaga' Kuasa', mangukum risilo.”