JIRIMIA 50:24 - Tanou Moonsoi Timugon

²⁴ Okou Babilonia, minanggal kou Raki' am siminulung kou ra jajaling ondo' pinakaang Kuno rirun, kabalu' pana kalo nalimanan mu.

JIRIMIA 50:24 ပူးပေါင်းရင်းမြစ်များ

AYUP 15:25

Ginio noyo pupus ru ulun ondo' baani manggal ri Aki Kapuuno', am manggal ri Io Ondo' Maayo Kaga' Kuasa'.

AYUP 40:9

Maikang kou kia koson Raki'? Maalap kia bolos muno maningkalur koson ra kinapuor ru bolos Kuno?

AYUP 9:4

Mapintar kaga' i Aki Kapuuno' am makakuasa' saboi kolondo' sangulun pana makaanggal Riso.

KAINGKUALAN 10:3

Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

MAMPATANOU 9:12

Ulun kalo makapandai ra bulintok ratangan ru karaat. Koson ra susuit ondo' nakasulung ra landak, am papait ondo' nakasulung ra ralo, nogondo' ayuk ra ulun ondo' linumpa' ru karaat ondo' kalo napandayan.

JISAYA 13:11

Mindagu Tuhan, “Ukumin Ku tana' ti sabap ra kalaatan nano, am ngaangai' ulun sabap ra tula nilo. Paingganaan Ku moonong ulun malilimbau, am mangukum ra moonong ulun ondo' masawat guang am niayuk malaat kaga'.

JISAYA 45:9

Aibui boo ra ulun ondo' minansang ri Namangun nano; ulun no koson ra paliuk ondo' manggal ra ulun nambaal no. Nangkuot kia tana' lia' no ra ulun manukang ra paliuk, “Atan binaal muno?” Makaindagu kia paliuk no ra ulun nambaal riso no kalo matuyu'?

JIRIMIA 48:43

Tontol, luang, am jajaling tatanga' maginaa ra mamagun ru Moab. Tuhan nakaindagu noyo.

JIRIMIA 48:44

Ulun ondo' mangkinam magiru' intor ra tontol raginio maratu' ra ralalom ru luang, am ulun ondo' mangkinam mingkual intor ra luang no makasubol ra ralalom ru jajaling, sabap ra Tuhan nangaru' noyo ra paat katutukan ru Moab.

JIRIMIA 51:57

Mangkinibit Aku ra panguasa'-panguasa' mangagauk – ulun nano ondo' mapintar, tingganai-tingganai nano am saujor-saujor nano. Mombolong ilo am kalo boo tumirong-tirong. Aku, Raja' nakaindagu noyo; Aku noyo Tuhan Ondo' Maayo Kaga' Kuasa'.

JIRIMIA 51:8

Pulali' ru Babilonia naratu' am napuso! Pangulir no sabap ra naratuan nano! Babaso' noyo pilat-pilat nano, am maaru' lair ru mababas Babilonia.

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.