JIRIMIA 50:21 - Tanou Moonsoi Timugon

²¹ Indagu Tuhan ra pantula' ru Babilonia, “Bulunsaro' mamagun ru Mirataim am Pikod. Potoyo' am pusoo' ilo. Baalo' noyo ngaangai' susuban Kuno. Aku, Tuhan, nakaindagu noyo.

JIRIMIA 50:21 ပူးပေါင်းရင်းမြစ်များ

2 SAMUIL 16:11

Kon ru Raja' Daut ri Abisai am ra ngaangai' ru pagawai nano, “Anak kuno galama' mirot mamatoi raki'; kua piboo pangimuag kou magilong ra paliso ru ulun ru Binjamin ti? Tuhan no nanusub riso magulas raki', sabap raginio pai' jajajou pamakuan riso, am polosoon ayuk io magulas raki'.

2 RAJA'-RAJA' 18:25

Mangkara' kau kia ra mamulunsar aku ra pagun min am mamuso raginio ra kalo indanganon ru Tuhan? Tuhan galama' nanusub raki' mamulunsar am niayuk mamuso raginio.”

2 TUNUNG RU BANSA' ISRAIL 36:23

“Gitio noyo ragu ru Raja' Koris, raja' ru Pirsia. Tuhan, i Aki Kapuuno' panguasa' giu' ra suruga', nampasauk raki' ra raja' ru titikop ru tana' ti. Nangani' Io raki' ra kandoi koson mambaal rondo' baloi Riso giu' ra Jirusalim, giu' ra wilayah ru Jiuda. Ginio ra, akau ngaangai' ondo' nasauk ra ulun ri Aki Kapuuno' musiti' sumaguli' ra giu'. Gama' ru Tuhan, i Aki Kapuuno' min mabaya' ramuyun.”

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

JISAYA 44:28

Mindagu Aku ri Koris, ‘Okou noyo mamarinta ra bala Raki'; am mamatas sumugut ra kasagaan Kuno: okou noyo manaak ra panusuban koson mambaal saguli' ra Jirusalim, am koson mapatanom ra lugu' ru Baloi Kuno.’ ”

JISAYA 48:14

Timung am rongog kano ngaangai'! Kolondo' rondo' pana dewa makapampaguang ra ulun pinili' Kuno mongoi pamulunsar ra Babil; bayaan no panusuban Kuno.

JISAYA 48:15

Aku noyo minindagu am niayuk nampiau riso; maningganai Aku riso am manaak riso ra ampos.

JIRIMIA 34:22

Manusub Aku, am ilo pana mamulunsar ra bandar ti saguli'. Gaawon nilo bandar ti am solobon. Saukon Ku bandar-bandar giu' ra Jiuda koson ra tana' kaagisan ondo' kalo ayanin ru ulun. Aku, Tuhan, nakaindagu noyo.”

JIRIMIA 48:10

Ulaso' noyo ulun ondo' kalo mambaal ra kandoi ru Tuhan ra sotopot ru guang! Ulaso' noyo ulun ondo' kalo mamutus ra ilang am mampatoi!

JIRIMIA 50:15

Golok no ra lakis ru mangayou giu' ra liliut ru bandar no! Raino Babil nakirakop noyo. Timbok pangampin nano sinubol am ginaba' noyo. Tatanga' Aku mansuli' ra ulun ru Babilonia. Ginio ra pansuli' kano, am baalo' ilo koson ra pinamakuan nilo ra ulun bokon.

JIRIMIA 50:3

“Rondo' bansa' intor ra ralayo minatong noyo koson mamulunsar ra Babilonia am nampasauk ra pagun no ra tana' kaagisan. Ulun am bibiag magiru', am kolondo' boo mayan ra giu' no.”

JIRIMIA 50:9

Susubon Ku kukula' bansa' ondo' maikang intor ra ralayo, am mangkinibit risilo mamulunsar ra Babilonia. Banison nilo barisan ru saujor koson mangayou ra Babilonia, am mangala riso no. Ilo mampalula' ra matasik. Paat ra ilo mamanah, totopot panah nilo makatiu' ra tuma' no.

YEHEZKIEL 23:23

Timungon Ku ngaangai' ulun ru Babilonia, ulun ru Kasdim, ungkuyon intor ra Pikod, Soa, Koa am ngaangai' ulun ru Asyur. Timungon Ku ngaangai' ungkuyon mamulok ra maindon intor ra ulun langkaya' am pagawai, am niayuk ngaangai' pagawai maatang am saujor pulalai mangkuda ondo' masawat pangkat.

SAGULION 33:27

I Aki Kapuuno' ondo' mantilayun masauk ra mangampin ramuyun, am kalindu' Nano manungka' ramuyun. Paat ra akau jumalai, napagiru' Io ra pantula' min, am nanusub ramuyun mamuso risilo ngaangai'.

1 SAMUIL 15:3

Ongoyo' min bulunsaro' ulun ru Amalik, pusoo' min ilo am umoko' min ngaangai' ondo' soroi risilo no. Pai' min tatango' rondo' pana. Potoyo' min ngaangai' ungkuyon, ruandu', lalaing borok, lalagang, sapi', domba, unta am kaladai.”