JIRIMIA 50:2 - Tanou Moonsoi Timugon

² “Pabalaa' noyo tanou raginio ra bansa'-bansa'! Potonowo' noyo tanou no! Pabilaro' noyo bandira' am potonowo' tanou no! Pai' sibunio' tanou no! Naratu' noyo bandar Babil! Mirodak, dewa nano inumok noyo! Sinungkalalaing ru Babil tinauyu' noyo, sinungkalalaing nano ondo' majamol no inumok noyo!

JIRIMIA 50:2 ပူးပေါင်းရင်းမြစ်များ

MAZMUR 64:9

Imboloon ilo ri Aki Kapuuno' sabap ragu-ragu nilono; ngaangai' ulun makakito risilo mamisik.

MAZMUR 96:3

Potonowo' noyo katulayan Nano ra ngaangai' bansa', am ngaangai' binaal Nano ondo' makaimuag toojo ra ngaangai' ulun.

MAZMUR 97:7

Ngaangai' ulun sumamba ra sinungkalalaing tauyuon, ngaangai' dewa migulatur ra saang ru Tuhan.

JISAYA 12:4

Masuku' niayuk bulintok ra akau marimbai, “Paringkuanang no ra Tuhan, am samba no Riso! Potonowo' noyo binaal Nano ra bansa'-bansa'. Pabalaa' noyo risilo katulayan Nano.

JISAYA 13:2

Paundoko' noyo bandira' ru mangayou giu' ra rasawat ru bulur ondo' malimparang! Pampiau no ra saujor. Painsawato' longon muno koson rondo' pulanu risilo mongoi pamulunsar giu' ra kulobon-kulobon garabang ru bandar ondo' malilimbau no.

JISAYA 21:9

Pulusat ru ulun kiminura' ra kuda sikaruo. Mantatamung raginio napabala', “Babil napuut noyo! Ngaangai' sinungkalalaing ondo' sambaan nilo tinutuk nakuliagai ra tana'.”

JISAYA 37:19

am niayuk nonolob ra dewa-dewa nilono. Kaa' dewa-dewa no totopot kolondo' boo kuasa' sabap iono sinungkalalaing intor ra tataun am batu ondo' binaal ru ulun.

JISAYA 39:1

Bulintok ragili, raja' ru Babilonia, ioginio Raja' Mirodak Baladan anak ri Baladan nokorongog ra Raja' Gijkia marualan am makaluat noyo. Ginio ra raja' ru Babilonia napaibit ra surat am rondo' tangguang no ra Raja' Gijkia.

JISAYA 46:1

“Gitio noyo pupus ru dewa-dewa Babil; galing i sinungkalalaing Bel am Nibo sambaan, kaa' ragino pinakura' ra bakulung ru tambiag, masauk ra kapaganan ru tambiag ondo' kalo maligag.

JISAYA 48:20

Ingkual noyo am pagiru' intor ra Babil! Pabalaa' noyo tanou raginio ralalom guang maantak. Pabalaa' noyo tanou raginio ra ati-ati ayuk, “Tuhan namayag ra Israil, ulipon Nano!”

JISAYA 48:6

Nansalinut panalaan Kuno nasauk noyo ragino, musiti' no iowon min ra panalaan Kuno motopot. Ragino manala' Aku ra baal-baal nakabagu, inopot-inopot ra kalo poyo napandayan min.

JIRIMIA 10:11

Ulun kau, musiti' kau mambala' risilo ra dewa-dewa ondo' kalo namangun ra limbowon am tana' ti pusoon. Dewa-dewa no liomon intor ra tana' ti.)

JIRIMIA 10:15

Sinungkalalaing no kolondo' onong am sotopot no asabin. Ngaangai' no pusoon paat ra Tuhan matong mangukum.

JIRIMIA 31:10

Indagu Tuhan, “Rongog kano bansa' kau ngaangai'! Potonowo' noyo tanou Kuno ra sandaup ru raat Ulun Kuno ondo' pinantutuliar Kuno timungon Ku am alungin Ku koson ra magagalung mantamung ra domba nano.

JIRIMIA 4:16

Mampakara' ilo ra bansa'-bansa' am mambala' ra mamagun ru Jirusalim ra pantula' tatanga' matong intor ra pagun ondo' maalur. Pantula' gumolok koson manggal ra bandar-bandar Jiuda

JIRIMIA 4:6

Panulu' no ra ralan mongoi ra Sion! Ribaki' bayago' inan! Pai' kalibut! Tatanga' Tuhan maparatong ra karaat am kapusaan maayo intor ra ralayo.

JIRIMIA 46:14

“Potonowo' noyo tanou ragitio giu' bandar-bandar ru Misir, iono Migdol, Mimpis am Tapanis, ‘Tampos kano mangampin ra inan min; ngaangai' longgom min mapuso ralalom ru pangayawan!

JIRIMIA 50:46

Paat ra Babil maratu', bolos no mosongou kaga' saboi titikop ru tana' ti mogonggon, am tangi' ru mamagun nano morongog ru bansa'-bansa' ra bokon.”

JIRIMIA 51:12

Pangani' ra pulanu koson mamulunsar ra timbok ru bandar Babil. Kapioto' pagalungan! Posoroyo' saujor-saujor giu' ra intok ru sigagama'! Awangi' pantula'!” Nambaal Tuhan ra atan ondo' rinagu Nano intor ra ulun ru Babilonia.

JIRIMIA 51:27

“Pangani' ra pulanu koson mangayou! Samputi' bujung maa' raginio morongog ru bansa'-bansa'! Potomposo' bansa'-bansa' koson mangayou ra Babilonia! Susubo' pamarintaan ru Ararat, Mini am Askinas mangayou. Lantiko' sangulun pagawai saujor koson maningganai ra pangayawan no. Susubo' noyo kuda ondo' masuang koson ra gapu' sampanon!

JIRIMIA 51:31

Ulun-ulun sinusub mansusunu' koson nambala' ra raja' ru Babilonia ra bandar nano binulunsar intor ra moonong pisuk.

JIRIMIA 51:44

Ukumin Ku i Bel, dewa ru pagun Babilonia, am mambaal riso mampataak ra kuliamos tinakou nano. Bansa'-bansa' kalo boo sumamba riso. Timbok ru bandar Babil nalunsai noyo.

JIRIMIA 51:47

Nasaboi paat no ra Aku mangukum ra sinungkalalaing ru Babilonia. Titikop ru pagun no tauyuon, am ngaangai' ru mamagun nano potoyon.

JIRIMIA 51:52

Ginio ra guango' noyo ragu Kutu. Masaboi paat no ra ukumin Ku sinungkalalaing ru bandar Babil. Ngaangai' ulun ondo' napilat mampalaa giu' ra titikop ru pagun.

JIRIMIA 51:8

Pulali' ru Babilonia naratu' am napuso! Pangulir no sabap ra naratuan nano! Babaso' noyo pilat-pilat nano, am maaru' lair ru mababas Babilonia.

JIRIMIA 52:31

Paat ra bilor ru Raja' Iwil-Mirodak nasauk ra raja' ru Babilonia, nampakito io ra makaasi' ra Raja' Joyakin intor ra Jiuda am nampalabus ra Raja' Joyakin intor ra pangaputan. Baal ragitio nasauk paat ra orou karuo ngoopor am limo, sila' koopor am ruo, bilor katalu ngoopor am tulu' kalupus Raja' Joyakin rinakop am pinatiran ra pagun.

JIRIMIA 6:18

Ginio ra indagu Tuhan, “Rongog kano bansa' kau! Musiti' kau makapandai ra atan ondo' masauk ra ulun Kuno.

DANIL 1:2

Nangiou Tuhan ra Raja' Nibukadnijar namparakop ra Raja' Joyakim am nampagaau santayaran intor ra kuliamos mongologo giu' ra Baloi ru Tuhan. Nagibit Raja' Nibukadnijar nababaya' riso kukula' ngaulun rinakop am pinaayan ilo giu' ra kuil ru dewa-dewa nano giu' ra Babil. Nambuli io ra kuliamos mongologo no giu' ra ralalom ru intok-intok pambulian ru kuil.

DANIL 3:14

Indagu raja' risilo, “Sadrak, Misak am Abidnigo, motopot kia ra kalo masaga' kau sumamba ra dewa kuno am kalo masaga' migulatur ra saang ru sinungkalalaing mas ondo' pinabigor kuno?

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

PINAINTALANG 18:2

Pambala' io boo ra bolos mosongou, “Nalunsai noyo! Bandar Babil ondo' maayo nalunsai noyo! Raino nasauk io ra inayanan ru riwato, ambiluo malaat am ngaangai' susuit malaat ondo' kasisangin ru ulun.