JIRIMIA 50:19 - Tanou Moonsoi Timugon

¹⁹ Pasagulion Ku ulun ru Israil ra intok namagunan nilo. Mangakan ilo intor ra ampos ru tinanom ondo' timinuu' giu' ra Gunung Karmil am giu' ra libung Basan. Mangakan ilo maya' ra kasagaan nilo intor ra ampos ru tinanom ondo' timinuu' giu' ra wilayah Ipraim am Giliad.

JIRIMIA 50:19 ပူးပေါင်းရင်းမြစ်များ

IJRA 2:1

Masuang ra gino ngai' ru ulun pinatiran nangiruan ra Babilonia am siminaguli' ra Jiuda am Jirusalim, sigagama' minongoi ra bandar nano galama'. Minayan ilo giu' ra pamatiran ra Babilonia intor ra Raja' Nibukadnijar nagibit risilo ra giu' koson ra ulun rinakop.

RIMBAI PANGAMPARAN 6:5

Papisiko' noyo bulos muno intor raki', sabap ra gigilong muno makaubong raki'. Abuk muno koson ra sampanon ru kambing ondo' mambusul ra kabuluran ru Giliad.

JISAYA 33:9

Pagun nokoloso am masiluk. Kataunan ra Libanon nasauk liminonot; limayak Saron ra malabung nasauk koson ra tana' kaagisan; giu' ra Basan am Gunung Karmil raun-raun nangatutu'.

JISAYA 35:2

Tana' kaagisan no marimbai am magitapap makaansuk, am masauk koson ra kaantakan ru kagunungan Libanon am niayuk koson ra kinalabung ru umo giu' ra Karmil am Saron. Moonong ulun makakito ra katulayan ru Tuhan, magilong ra katulayan am kuasa' Nano.

JIRIMIA 23:3

Timungon Ku ulun Kuno ra bokon intor ra pagun-pagun intok Kuno nampatutuliar risilo. Ibiton Ku ilo saguli' ra namagunan nilo. Mokoondo' ilo ra masuang papag am lumanja' suang nilo.

JIRIMIA 3:18

Magamung Israil am Jiuda, mabaya' boo matong intor ra pagun namatiran giu' ra tampilon ralayo. Sumaguli' ilo ra pagun ondo' tinaakan Kuno koson ra tana' tungkuson ra kinamatuaan min.”

JIRIMIA 30:10

Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

JIRIMIA 30:18

Indagu Tuhan, “Pasagulion Ku ulun Kuno ra pagun nilo am makaasi' ra moonong sasambaloi; Jirusalim baalon poyo, am istana no punaan.

JIRIMIA 30:7

Orou makalalaa' masaboi, orou ondo' kolondo' pogondo' no. Tayar ru ulun Kuno, ginio noyo orou ondo' mampakalaa' risilo, kaa' bayagon ilo.”

JIRIMIA 31:14

Imam-imam basugon Ku ra akanon masuang, am mangukop ra ngaangai' ondo' pakuan ru ulun Kuno. Aku, Tuhan, nakaindagu noyo.”

JIRIMIA 31:25

Paikangon Ku ilo ondo' maagui, am basugon ilo ondo' malawo sabap ra naitilan.

JIRIMIA 31:6

Sotopot no, masaboi paat no ra ulun-ulun magagalung ru bandar gumolok giu' ra kabuluran Ipraim, ‘Ibok pagaloi takau ra Sion, mongoi ra Tuhan, i Aki Kapuuno' takau.’ ”

JIRIMIA 32:37

Timungon Ku bansa' ragitio intor ra ngaangai' pagun intok nampatuliaran Kuno risilo sabap ra sangit am lasu' ru guang Kuno risilo. Ibiton Ku ilo sumaguli' ra intok ragitio am paayanon ilo ra giti ra mamimio.

JIRIMIA 46:27

“Pai' kalaa', akau ulun Kuno, pai' ponontol, ulun kau ru Israil. Mamayag Aku ramuyun intor ra pagun ondo' maalur, intor ra pagun intok min rinakop. Muli' kau am mayan ra pagun min ra kaansayan; maayag kau ra moonsoi; kolondo' osoi pana mampakalalaa' ramuyun.

JIRIMIA 50:6

“Ulun Kuno koson ra sampanon ru domba ondo' pinoloso makalayau giu' ra gunung-gunung ru ulun-ulun magagalung nilo. Koson ilo ra domba ondo' timinanggau intor ra gunung mongoi ra gunung, am nakalilian noyo ra intok inayanan nilai.

YEHEZKIEL 11:17

“Ginio ra balai' ilo atan ondo' paraguon Kuno, Tuhan Raja'. Timungon Ku ilo intor ra pagun-pagun intok nampatuliaran Kuno risilo, am pasagulion Ku risilo pagun ru Israil.

YEHEZKIEL 36:24

Timungon Takamin intor ra moonong pagun am intor ra moonong bansa' am magibit ramuyun muli' ra pagun min galama'.

YEHEZKIEL 36:33

Indagu Tuhan Raja', “Mopongo Takamin maimpasawan intor ra ngaangai' tula mino, iowon Takamin mayan poyo giu' ra bandar-bandar mino, am mamuna' ra nangalunsai no.

YEHEZKIEL 38:8

Kopongo kukula' ngambilor, Susubon Ku io mamulunsar ra Israil, pagun ondo' tinirong noyo saguli' kalupus nalunsai sabap ra pangayawan. Pagun no lair noyo nokoloso nasauk ra kolondo' tutuu' am masiluk, am saguli' boo ulun ru Israil intor ra pagun-pagun ra bokon ra kagunungan ru pagun nilo. Raino ilo ngaangai' naayag ra kaansayan.

YEHEZKIEL 47:18

Balitan giu' ra sirangon mongoi ra rabugus, intor ra rondo' intok lolot ru pamarintaan Damsyik am pamarintaan Gauran. Sungoi Jordan noyo balitan ru tana' Israil tampilon ra kalasaan, am Giliad tampilon ra sirangon, saboi ra bandar Tamar giu' ra nagas ru Raat Matoi.

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

JAKARIA 10:10

Intor ra Misir am Asyur, ibiton Ku ilo muli', am mampaayan risilo giu' ra pagun nilo galama'. Paayanon Ku ilo giu' ra Giliad am giu' ra Libanon; titikop ru pagun no nososok ra mamagun.

UNTABAN 32:1

Bansa' ru Rubin am bansa' ru Gad mokoondo' ra masuang bibiag tinambiag. Paat ilo nakakito ra mapara' bonsoi ru tana' Jaijir am Giliad ra intok panambiagan,

JOSUA 17:15

Taam i Josua, “Amon ru masuang kau toojo am kabuluran ru Ipraim boborok kaga' ramuyun, ongoi noyo ra kataunan giu' ra tana' ru ulun ru Piris am ulun ru Ripaim. Ukabo' noyo tana' bagu giu' ra kataunan nilono.”