JIRIMIA 50:18 - Tanou Moonsoi Timugon

¹⁸ Sabap no ginio, Aku Tuhan Ondo' Maayo Kaga' Kuasa', i Aki Kapuuno' ru Israil, mangukum ra Raja' Nibukadnijar am pagun nano, koson ra Aku nangukum ra raja' ru Asyur.

JIRIMIA 50:18 ပူးပေါင်းရင်းမြစ်များ

JISAYA 10:12

Kaa' mindagu Tuhan, “Amon ru mopongo' atan ondo' baalon Kuno giu' ra Bulur Sion am Jirusalim, ukumin Ku raja' ru Asyur sabap maayo ragu nano am limbau nano.”

JIRIMIA 27:7

Ngaangai' bansa' mangandoi ayuk ra Raja' Nibukadnijar, anak ungkuyon nano am akupu nano saboi ra paat ru pagun nano galama' maratu'. Paat raginio bansa' ru Babilonia mangandoi ayuk ra bansa'-bansa' ondo' maikang am raja'-raja' ondo' maayo.

JIRIMIA 46:10

Gitio noyo orou ru Tuhan Raja' Ondo' Maayo Kaga' Kuasa': orou raiti' mansuli' Io; orou raiti' mangukum Io ra pantula' Nano. Ilang Nano mangakan risilo saboi maasug, am manginum ra raraa' nilo saboi majala'. Orou raiti' Tuhan Ondo' Maayo Kaga' Kuasa' nanimbalui ra taak-taak simbalui Nano, giu' ra ralayo, mamaar ra Sungoi Iprat.

NAGUM 3:18

Okou raja' ru Asyur! Gabenor-gabenor muno minatoi noyo am tingganai-tingganai muno nokororot ra sabubuoi no. Mamagun muno nantutuliar giu' ra kagunungan, am kolondo' sangulun pana makapagibit risilo muli' saguli'.

NAGUM 3:7

Ngaangai' ulun ondo' magilong rirun lumugut am mindagu, ‘Niniwi nalunsai ayuk boo soroi! Osoi kia ondo' maya' riso mangiluk guang? Kolondo' boo ondo' masaga' manimayo riso.’ ”

ABAKUK 2:8

Nampagaau kau ra rapu' ru masuang bansa'. Kaa' raino bansa'-bansa' ondo' naayag mampagaau ra rapu' min sabap ra namatayan ondo' binaal min am sabap ra kalaatan min ra mamagun ru tana' ti am niayuk bandar-bandar ra tana' ti.

SAGULION 32:41

ra mangasa' Aku ra ilang Kuno ondo' manguliat, am mapaugar ra pangukuman. Mansuli' Aku ra pantula' Kuno, am mangukum ra ulun ondo' masisang Raki'.