JIRIMIA 50:17 - Tanou Moonsoi Timugon

¹⁷ Indagu Tuhan, “Ulun ru Israil koson ra sampanon ru domba ondo' inilou am pinantutuliar ru singa'. Binulunsar ilo galing ru raja' ru Asyur, kalupus raginio Raja' Nibukadnijar intor ra Babilonia, mangaliit ra bungul nilo.

JIRIMIA 50:17 ပူးပေါင်းရင်းမြစ်များ

2 RAJA'-RAJA' 15:19

Paat ra Raja' Pul, raja' ru Asyur namulunsar ra Israil, nangani' Raja' Minagim ra Raja' Pul ra 34,000 ngakilogram pirok maa' raginio mangindangan io mapaikang ra kuasa' ru Raja' Minagim giu' ra Israil.

2 RAJA'-RAJA' 15:29

Paat ra pamarintaan ru Raja' Pika, Raja' Pul, raja' ru Asyur nampagaau ra bandar Iyon, Abil-Bit Maakga, Janoa, Kidis, Gajor, libung Giliad, Galilia am Naptali. Inibit no mamagun ru bandar no minongoi ra Asyur koson ra ulun rinakop.

2 RAJA'-RAJA' 24:1

Paat ra pamarintaan ru Raja' Joyakim, Raja' Nibukadnijar intor ra Babilonia namulunsar ra Jiuda. Buoi talu ngambilor Raja' Joyakim kiminuku' kalalaat ra Raja' Nibukadnijar, kaa' tauli no giminuor Raja' Joyakim.

2 RAJA'-RAJA' 24:10

Paat ra pamarintaan ru Raja' Joyakin, saujor ru Babilonia ondo' tiningganai ru pagawai-pagawai ru Raja' Nibukadnijar namulunsar ra Jirusalim am nagawang ra bandar no.

2 RAJA'-RAJA' 25:1

Giminuor Raja' Jidikia ra Raja' Nibukadnijar intor ra Babilonia. Ginio ra namulunsar Raja' Nibukadnijar ra Jirusalim nabaya' ra ngaangai' saujor nano ra orou koopor, sila' koopor, bilor kasiam ru pamarintaan ru Raja' Jidikia. Nangkim ilo giu' ra liwar ru Jirusalim am nambaal ra timbok koson magawang ra bandar no.

2 TUNUNG RU BANSA' ISRAIL 28:20

Raja' ru Asyur minatong sala' ka koson mangindangan ra Raja' Agas, kaa' koson mantipagon riso.

2 TUNUNG RU BANSA' ISRAIL 33:11

Ginio ra nompoloso Tuhan ra panglima-panglima ru saujor ru pagun ru Asyur namulunsar ra Jiuda. Rinakop nilo Raja' Manasi ra kaitan, binangkil io, am inibit io ra Babil.

JISAYA 15:9

Giu' ra bandar Dibon, timug ru sungoi kiminulau ra malia' sabap ra nararatok ra raraa'. Kaa' i Aki kapuuno' maparatong poyo ra atan ondo' makalalaa' kaga' no ra mamagun ra giu'. Sotopot no moonong ulun ondo' lakat naayag giu' ra Moab potoyon ingguluin.

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JIRIMIA 10:25

Paabuso' noyo sangit Muno ra bansa'-bansa' ondo' kalo sumamba Rirun, am ra ulun ondo' nangimpai Rirun. Pinuso nilo ulun Muno; tinutuk nilo akai lingono' am namuso ra pagun mai.

JIRIMIA 2:15

Pantula' nano mansangal koson ra singa', am nampasauk ra tana' nano kolondo' tutuu' am masiluk; bandar-bandar nangaurus, am kolondo' ulun minayan.

JIRIMIA 21:7

Okou am pagawai-pagawai muno am niayuk ngaangai' ulun ondo' naayag intor ra pangayawan, bitilan am maruol tumapik, polosoon Ku rokopon ru Raja' Nibukadnijar am pantula' ondo' masaga' mamatoi ramuyun. Mamatoi Raja' Nibukadnijar ramuyun ngaangai' ra kalo mangampun kapoam makaasi'. Aku, Tuhan nakaindagu noyo.”

JIRIMIA 4:7

Koson ra singa' mingkual intor ra pansibunian nano, koon raginio noyo ra i mampaluus ra bansa'-bansa' minintor noyo. Matong io koson mamuso ra Jiuda. Bandar-bandar Jiuda masauk ra intok nangapuut, am kalo ayanin ru ulun.

JIRIMIA 49:19

Koson ra singa' miningkual intor ra kataunan gimbaan giu' ra kiing ru Sungoi Jordan am nagaloi ra padang ru sakot ondo' masansam, koon niayuk ra Aku matong am mangkinibit ra ulun ru Idom magiru' ra mamulali' intor ra pagun nilo. Kopongo raginio tingganai ondo' pilion Kuno mamarinta ra pagun no. Osoi kia ondo' mogondo' Raki'? Osoi kia baani gumula' Raki'? Panguasa' ra ati kia ondo' masaga' manggal Raki'?

JIRIMIA 5:17

Mangai' ilo ra ampos ru tana' am akanon min; mampatoi ilo ra anak min, ungkuyon am niayuk ruandu'. Simbaluyon nilo sapi' am domba min; pusoon nilo puun ru anggur am puun ru ara min. Bandar-bandar ra makakubu ondo' lansanin min puuton ru saujor nilo.

JIRIMIA 5:6

Ginio sabap ra ilo pinatoi ru singa' intor ra kataunan; bibinsangon ilo ru taani intor ra tana' kaagisan, am ampunguon saugar-ugar giu' ra bandar-bandar nilo. Amon ru mingkual ulun, bibinsangon nilo, sabap ra tula nilo masuang kaga'; ruruli' ilo no nangiruan ri Aki Kapuuno'.

JIRIMIA 50:6

“Ulun Kuno koson ra sampanon ru domba ondo' pinoloso makalayau giu' ra gunung-gunung ru ulun-ulun magagalung nilo. Koson ilo ra domba ondo' timinanggau intor ra gunung mongoi ra gunung, am nakalilian noyo ra intok inayanan nilai.

JIRIMIA 51:38

Mamagun ru Babilonia mansangal koson ra singa', am mokobolos koson ra anak ru singa'.

JIRIMIA 52:1

Umur ru Raja' Jidikia ruo ngoopor am rondo' ngambilor paat ra io nasauk ra raja' ru Jiuda, am namarinta giu' ra Jirusalim buoi mopor am rondo' ngambilor. Ina' nali ininggalanan ri Gamutal anak ri Jirimia intor ra bandar Libna.

YEHEZKIEL 34:12

koson ra sangulun magagalung maguyum am manimung ra domba-domba nano ondo' nantutuliar. Timungon Ku ilo intor ra intok ilo pinatutuliar paat ra rondom ondo' molondom am karaat no.

DANIL 6:24

Mapara' boo bansuk ru raja'! Nanusub raja' maa' raginio paingkualon i Danil intor ra luang batu no. I Danil pana pinaingkual, am kalo najamaran io ra sanganu pana, sabap ra mangintopot io ri Aki Kapuuno'.

JOIL 3:2

Timungon Ku ngaangai' bansa' am magibit risilo giu' ra Limayak Pangakiman. Akimin Ku ilo ra giu' no sabap ra ngaangai' binaal nilo ra ulun Kuno. Namatir ilo ra ulun Kuno giu' ra masuang pagun, am nantayar-tayar ra tana' ru Israil, pagun longgom Kuno.

1 PITRUS 2:25

Ragili, koson kau ra domba ondo' timinanggau, kaa' raino inibit kano sumaguli' koson maya' kau ra Magagalung am Mangngampin min.