JIRIMIA 50:16 - Tanou Moonsoi Timugon

¹⁶ Pai' polosoo' ulun magitanom kapoam mangkumos giu' ra pagun no. Ngaangai' ulun ru bansa' ra bokon ondo' minayan ra giu' no malaa' ra saujor ondo' mamulunsar risilo, am muli' ra pagun ru sigagama'.”

JIRIMIA 50:16 ပူးပေါင်းရင်းမြစ်များ

JISAYA 13:14

Ulun bansa' suai ondo' minayan ra Babil magiru' ra pagun nilo galama'. Mantutuliar ilo koson ra tambang ondo' magiru' intor ra ulun mampalula', kapoam koson ra sampanon ru kambing ondo' kolondo' magagalung.

JIRIMIA 25:38

Nangiruan Tuhan ra ulun Nano koson ra singa' nangiruan ra luang batu nano. Kalaatan ru pangayawan am sangit ru Tuhan nangulau ra pagun ti nasauk ra tana' kaagisan.

JIRIMIA 46:16

Saujor-saujor min nakasaru am naratu'! Nagindagu ilo ra rondo' am bokon, ‘Ribaki'! Ibok uli' takau ra bansa' takano, am nagiru' intor ra ilang ru ulun mamatoi!’

JIRIMIA 51:23

koson manimbalui ra magagalung am domba sampanon, koson manimbalui ra ulun mamparadu' am kuda nilo, koson mamuso ra panguasa'-panguasa' am pagawai nilo.”

JIRIMIA 51:9

Ulun bansa' ra bokon ondo' minayan ra giu' no minindagu, ‘Nangkinam akai nangindangan ra Babilonia, kaa' nakatawos. Iruani' Babilonia am ibok no muli'. Nangukum noyo i Aki Kapuuno' ra Babilonia ra maagat am mamuso riso ra lingonon.’ ”

JOIL 1:11

Akau ulun magitanom, pangiluk guang kano; akau ulun manangumo ra anggur, pantangi' kano, sabap ra gandum, barli, am ngaangai' tinanom napuso noyo.

AMOS 5:16

Ginio ra Tuhan Raja' Ondo' Maayo Kaga' Kuasa' mindagu, “Giu' ra ralan-ralan ru bandar, ulun manulaboi am mantangi' sabap mangiluk guang. Mulu' piboo ra ulun-ulun magitanom pana piawon koson maya' manulaboi mababaya' ra ulun ondo' ginajian koson manulaboi ra ulun minatoi.