JIRIMIA 50:15 - Tanou Moonsoi Timugon

¹⁵ Golok no ra lakis ru mangayou giu' ra liliut ru bandar no! Raino Babil nakirakop noyo. Timbok pangampin nano sinubol am ginaba' noyo. Tatanga' Aku mansuli' ra ulun ru Babilonia. Ginio ra pansuli' kano, am baalo' ilo koson ra pinamakuan nilo ra ulun bokon.

JIRIMIA 50:15 ပူးပေါင်းရင်းမြစ်များ

1 TUNUNG RU BANSA' ISRAIL 29:24

Ngaangai' pagawai ru pamarintaan am saujor, am poyo ngaangai' anak ungkuyon ru Raja' Daut ra bokon nangiou ra kuasa' ri Salomo koson ra raja'.

2 TUNUNG RU BANSA' ISRAIL 30:8

Pai' bambalingatan koson risilo. Gagaya' no ra Tuhan. Ratong no ra Baloi ru Tuhan giu' ra Jirusalim, ondo' paluntukon ayuk ra Tuhan, i Aki Kapuuno' min koson ra sabubuoi no. Sambayang no Riso maa' raginio Kalo boo sumangit Io ramuyun.

MAZMUR 149:7

koson mampaala ilo ra ngaangai' bansa', am mangukum ra ulun nilono;

MAZMUR 94:1

Iou Tuhan, Okou noyo i Aki Kapuuno' ondo' mangukum ra ulun makatula; paintalango' noyo sangit Muno!

JISAYA 59:17

Katimpakan pakayon Nano koson ra bayang basi' am pamayagan koson ra tupi' basi'. Gogoton Nano koson manapuli' ra baal raginio am balasin kalo katimpakan.

JISAYA 59:18

Ukumin Nano pantula' Nano sumugut ra binaal nilo, makaaya' niayuk ulun ondo' minayan ra pagun-pagun maalur.

JISAYA 61:2

Sinusub No aku koson mapatanou ra mamaar noyo bulintok ru Tuhan mamayag; koson mangansuk ra ngaangai' ondo' mangiluk guang, am mambalos ra pantula'-pantula' nilono;

JISAYA 63:4

Bulintok no koson mamayag ra ulun Kuno nasaboi noyo; bulintok no koson mangukum ra pantula'-pantula' Kuno nasuku' noyo.

JIRIMIA 46:10

Gitio noyo orou ru Tuhan Raja' Ondo' Maayo Kaga' Kuasa': orou raiti' mansuli' Io; orou raiti' mangukum Io ra pantula' Nano. Ilang Nano mangakan risilo saboi maasug, am manginum ra raraa' nilo saboi majala'. Orou raiti' Tuhan Ondo' Maayo Kaga' Kuasa' nanimbalui ra taak-taak simbalui Nano, giu' ra ralayo, mamaar ra Sungoi Iprat.

JIRIMIA 50:14

“Pulalai kau ru mamanah, pabaniso' barisan ru saujor am pagawangi' Babil. Patumaa' ngaangai' panah min ra Babil, sabap ra Babil makatula noyo Raki', Tuhan.

JIRIMIA 50:25

Inukaban Ku intok pambulian Kuno ra kinandoi Kuno. Ralalom ru sangit Kuno, iningkual Ku kinandoi Kuno, sabap ra Aku, Tuhan Raja' Ondo' Maayo Kaga' Kuasa', musiti' mampaugar ra kandoi giu' ra Babilonia.

JIRIMIA 50:44

“Koson ra singa' miningkual intor ra kataunan gimbaan giu' ra kiing ru Sungoi Jordan, am nagaloi ra padang masakot ondo' masansam, koon raginio niayuk ra Aku, Tuhan, matong am mangkinibit ra ulun ru Babilonia magiru' ra mamulali' intor ra bandar nilo. Tingganai ondo' pilion Kuno pana ondo' mamarinta boo ra pagun no. Osoi kia ondo' mokogondo' Raki'? Osoi kia ondo' baani manggal Raki'? Panguasa' ra ati kia ondo' makakau' manggal Raki'?

JIRIMIA 51:11

Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!

JIRIMIA 51:14

Tuhan Ondo' Maayo Kaga' Kuasa' nagibot noyo ralalom inggalan Nano galama' ra mamparatong Io ra ulun ra kinasuang no koson ra gapu' sampanon koson mamulunsar ra Babilonia, am gumolok ilo ra golos ru kamanangan.

JIRIMIA 51:24

Indagu Tuhan, “Makakito kou ra Aku mambalos ra Babilonia am mamagun nano ra ngaangai' kalaatan ondo' binaal nilo ra Jirusalim.

JIRIMIA 51:25

Okou Babilonia, koson kou ra gunung ondo' mamuso ra titikop ru tana' ti, kaa' Aku, Tuhan noyo pantula' muno. Paakangon Ku kalindu' koson mamparata' rirun am mompoloso rirun mosolob saboi masauk ra kaau.

JIRIMIA 51:30

Saujor-saujor ru Babilonia kalo boo mangayou. Nairu' boo kinabaani nilo, am tatanga' mansibuni giu' ra ralalom ru kubu-kubu; malaa' ilo koson ra ruandu'. Kulobon garabang ru bandar linunsai noyo am baloi-baloi nosolob.

JIRIMIA 51:36

Ginio ra indagu Tuhan ra mamagun ru Jirusalim, “Tutunon Ku baal mino am mambalos ra pantula' mino ra binaal nilo ramuyun. Palasakon Ku puun-puun ru timug giu' ra Babilonia am mampalasak ra sungoi-sungoi no.

JIRIMIA 51:44

Ukumin Ku i Bel, dewa ru pagun Babilonia, am mambaal riso mampataak ra kuliamos tinakou nano. Bansa'-bansa' kalo boo sumamba riso. Timbok ru bandar Babil nalunsai noyo.

JIRIMIA 51:58

Timbok ru bandar Babil ondo' maikang no malunsai ra tana', kulobon-kulobon garabang nano ondo' masawat solobon. Pirot ru bansa'-bansa' ngaangai' no papalo ayuk, ngaangai' no ra pupus no makai' kosolob niayuk. Aku, Tuhan Ondo' Maayo Kaga' Kuasa', nakaindagu noyo.”

JIRIMIA 51:6

Pagiru' no intor ra Babilonia! Bayago' noyo inan min! Pai' patoi sabap ra tula ru ulun ru Babilonia. Raino tatanga' Aku mansuli' am mangukum risilo nontopot ra binaal nilo.

JIRIMIA 51:64

Balai' ilo ra koon raginio noyo pupus ru Babilonia. Malinjob Babilonia am kalo noyo boo sumalula', sabap ra kapusaan ondo' porotongon ru Tuhan riso.” Ragu-ragu ri Jirimia polos ragiti.

SULABOI 5:6

Makikitaak akai giu' ra Misir am Asyur, makitaak akai ra akanon koson mapatanduus ra kaayagan.

YEHEZKIEL 17:18

Liminungkang raja' ru Jiuda ra ibot am nabantuan nano. Ginio ra kalo makalabus io.”

YEHEZKIEL 21:22

Panah ondo' makatatandu' ra ‘Jirusalim’ butuson ru kalindu' pamiris nano. Baal ragitio makaarati' ra raja' musiti' manuntur ra tataun-tataun panukul giu' ra kulobon garabang, mambaal ra rinding masawat ru pagawangan am mangkali ra parit-parit.

NAGUM 1:2

Tuhan i Aki Kapuuno' kalo masaga' ra mokoondo' pagilou, ulun ondo' manggal Riso maaru' makaalap ra ukuman. Ra sumangit kaga', mansuli' Io ra pantula' Nano.

MATIUS 7:2

sabap ri Aki Kapuuno' mangakim ramuyun koson akau mangakim ra ulun bokon. Panuku' ondo' alapon mino koson mangakim ra ulun bokon, panuku' raginio niayuk alapon ri Aki Kapuuno' koson mangakim ramuyun.

LUKAS 21:22

Sabap ra ginio noyo ‘Orou Pangukuman’, koson ra masauk ngaangai' ondo' tinulisan ra Buuk Kitab.

ROMA 12:19

Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”

ROMA 3:5

Kaa' amon ru kalaatan takati mampainono' ra i Aki Kapuuno' mabanis guang, atan taaman takau? Makasala kia i Aki Kapuuno' amon ru mangukum Io ritakau? (Ragu kutu maya' ra pangkaraan ru ulun ayuk.)

SAGULION 32:35

Mansuli' Tuhan am mangukum risilo; masaboi paat no ra ilo maratu' am mapuso, orou katutukan nilo mataki' makasaboi.

SAGULION 32:41

ra mangasa' Aku ra ilang Kuno ondo' manguliat, am mapaugar ra pangukuman. Mansuli' Aku ra pantula' Kuno, am mangukum ra ulun ondo' masisang Raki'.

SAGULION 32:43

“Akau bansa' ngaangai', omporo' noyo ulun ru Tuhan. Mangukum Tuhan ra ngaangai' ulun ondo' mamatoi ra ulun Nano; mansuli' Io ra pantula' Nano, am mangampun ra tula ru ulun Nano.”

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

JOSUA 6:20

Imam-imam no pana nanamput ra bujung. Kaining ayuk ru saujor-saujor ginio, golok ilo ra mosongou, am napuut timbok ru bandar Jiriko. Ngaangai' pulalai ru saujor pana narayus nagaloi ra bandar no, am namulunsar am nampagaau raginio.

JOSUA 6:5

Mopongo raginio ilo musiti' manamput ra bujung ra bolos ondo' maawar, am morongog min ayuk ginio, ngaangai' ulun musiti' gumolok ra mosongou, am mapuut boo timbok ru bandar no. Paat raginio ngaangai' saujor muno musiti' marayus mumpos ra bandar no.”

PINAINTALANG 16:6

Nampasasar ilo noyo ra raraa' ru ulun ri Aki Kapuuno' am ra raraa' ru nabi-nabi; kaa' raino binaal Mu ilo manginum ra raraa' no. Matimpok ukum Muno risilo!”

PINAINTALANG 18:6

Baalo' noyo risilo maya' ra binaal nilo ramuyun; balasi' noyo ra suang mainduaan ra ngaangai' binaal nilo. Suangi' noyo sangkir nilo ra inumon ondo' mainduaan bisa' intor ra inumon ondo' pinasulung nilo ramuyun.

PINAINTALANG 19:2

Motopot am mabanis pangukuman Nano. Nakapangukum Io no ra ruandu' mantatalan ra inan nano ondo' nampakalayau ra ulun ru tana' ti ra pansasawaan nano. Nakapangukum Io noyo riso sabap ra namatoi io ra ulipon ri Aki Kapuuno'.”

1 SAMUIL 15:33

Kon boo ri Samuil, “Koson ra ilang muno nangkinibit noyo ra masuang ina' naluusan ra anak, kon raginio niayuk ra ina' muno maluusan ra anak nano.” Puputulo' boo ri Samuil no Raja' Agag giu' ra saang ru altar giu' ra Gilgal.