JIRIMIA 50:14 - Tanou Moonsoi Timugon

¹⁴ “Pulalai kau ru mamanah, pabaniso' barisan ru saujor am pagawangi' Babil. Patumaa' ngaangai' panah min ra Babil, sabap ra Babil makatula noyo Raki', Tuhan.

JIRIMIA 50:14 ပူးပေါင်းရင်းမြစ်များ

2 SAMUIL 10:9

Malimanan ri Joab ra nalansit io ru pulalai ru pantula' giu' ra saang am giu' ra bakulung. Ginio ra nampili' io ra saujor ru Israil ondo' moonsoi kaga' am noposoroi risilo mantaluma' ra saujor ru Siria.

MAZMUR 51:4

Bagui' aku no intor ra ngaangai' kalaatan kuno, am liungi' aku no intor ra tula kuno.

JISAYA 13:4

Rongogo' noyo nginonsol giu' ra rasawat ru gunung, koson masuang ulun natitimung. Rongogo' noyo kumuliasou-asou ngaangai' bansa' am pamarintaan-pamarintaan ra natitimung. Tuhan Ondo' Maayo Kaga' kuasa' mampatampos ra saujor mangayou.

JISAYA 5:28

Anak ru panah nilono malarom am tanggayan ru panah makatampos palaguron. Salindu ru kuda nilono mokotog koson ra batu ru apui, am luda' ru kurita' kuda nilono musing koson ra bagiu' mapuor.

JIRIMIA 46:9

Susubo' kuda no mugar, am kurita'-kurita' kuda mugar ra maribok! Pangator no ra saujor-saujor: ulun intor ra Itiopia am Libia ondo' nagibit ra perisai, am niayuk ulun maturasik mamanah intor ra Lidia.’ ”

JIRIMIA 49:14

Aku, i Jirimia mindagu, “Okou Idom, nakaapu aku ra tanou intor ra Tuhan. Nanusub Io ra sangulun minongoi ra bansa'-bansa' koson mambala' risilo maa' raginio manimung ra saujor nilo am tumampos mamulunsar risilo.

JIRIMIA 49:35

Indagu Io, “Potoyon Ku ngaangai' ulun ru pulalai mamanah ru Ilam, sabap ra ilo noyo ondo' nampasauk ra Ilam maikang kaga'.

JIRIMIA 50:11

Indagu Tuhan, “Mamagun kau ru Babilonia, ginaawan min ulun Kuno. Maansukan kau am magilakup, tumindak-tindak koson ra sapi' ondo' mangagik ra gandum kapoam koson ra kuda ondo' mampagala',

JIRIMIA 50:29

“Susubo' pulalai mamanah mamulunsar ra Babil. Susubo' moonong ulun ondo' mapandai mamakai ra busur am panah. Pagawangi' bandar no am pai' polosoo' sangulun pana makapagiru'. Balasi' ngaangai' binaal ru Babil; baalo' Babil koson ra ati kulaan pinamakuan ru Babil ra ulun bokon, sabap ra Babil liminimbau Raki', Ondo' Matulai Kaga', i Aki Kapuuno' ru Israil.

JIRIMIA 50:42

Nanampanah am nanangilang ilo; malaat am masangit ilo. Bolos kinurikap ru kuda koson ra raat mangkinulun, paat ra ilo mangura' ra kuda. Nakatampos ilo no mamulunsar ra Babilonia.

JIRIMIA 50:7

Binulunsar ilo ru osoi ayuk ondo' nakakito risilo. Indagu pantula' nilo, ‘Ulun ragitio makatula noyo ra Tuhan. Ginio ra atan ondo' baalon takau kolondo' sala. Kinamatuaan nilai mangintopot ra Tuhan, am musiti' no ilo pana gumagaya' ayuk Riso.’

JIRIMIA 50:9

Susubon Ku kukula' bansa' ondo' maikang intor ra ralayo, am mangkinibit risilo mamulunsar ra Babilonia. Banison nilo barisan ru saujor koson mangayou ra Babilonia, am mangala riso no. Ilo mampalula' ra matasik. Paat ra ilo mamanah, totopot panah nilo makatiu' ra tuma' no.

JIRIMIA 51:2

Mangator Aku ra ulun bansa' ra bokon koson mamuso ra Babilonia koson ra angin ondo' mampasiab ra rami. Paat ra orou kapusaan no sumuku', mamulunsar ilo intor ra ngaangai' intok, am mapasauk ra pagun no naliung-liung.

JIRIMIA 51:27

“Pangani' ra pulanu koson mangayou! Samputi' bujung maa' raginio morongog ru bansa'-bansa'! Potomposo' bansa'-bansa' koson mangayou ra Babilonia! Susubo' pamarintaan ru Ararat, Mini am Askinas mangayou. Lantiko' sangulun pagawai saujor koson maningganai ra pangayawan no. Susubo' noyo kuda ondo' masuang koson ra gapu' sampanon!

JIRIMIA 51:3

Pai' pangani' ra kaluagan ra saujor nano koson mamanah kapoam mambayang ra bayang basi'. Pai' polosoo' ungkuyon mangamulok no maayag! Pusoo' titikop ru pulalai ru saujor nano!

ABAKUK 2:17

Nantagar kau ra puun-puun tataun giu' ra kataunan Libanon, kaa' raino akau galama' tagaron. Namatoi kau ra bibiag ra giu' no, kaa' raino ilaanon kau ru bibiag. Ngaangai' ti masauk sabap ra namatayan am kalaatan ondo' binaal min ra mamagun ru tana' ti am niayuk bandar-bandar ra tana' ti.

ABAKUK 2:8

Nampagaau kau ra rapu' ru masuang bansa'. Kaa' raino bansa'-bansa' ondo' naayag mampagaau ra rapu' min sabap ra namatayan ondo' binaal min am sabap ra kalaatan min ra mamagun ru tana' ti am niayuk bandar-bandar ra tana' ti.

PINAINTALANG 17:5

Rabas nano tinulisan ra inggalan ondo' arati' nano kalo mapandayan ru ulun: Inggalan no am, “I Babil ondo' maayo, ina' ru ngaangai' mantatalan ra inan am ulun homoseks am lesbian.”

1 SAMUIL 17:20

Suabon no ra iosusuab ayuk poyo, timinirong i Daut am timinampos. Nanusub io ra ulun bokon magalung ra domba. Io pana nagibit ra akanon no am minugar koson ra nanusuban ri Isai. Nakasaboi io ra pangkiman nakainamot ra ulun ru Israil tatanga' baris liliwa' mompogolok ra pulanu ru pangayawan.