JIRIMIA 50:12 - Tanou Moonsoi Timugon

¹² kaa' bandar min galama' ondo' maayo no asabin am tauyuon. Babilonia masauk ra pamarintaan ondo' kalo toojo maatang intor ra ngaangai' pamarintaan. Babilonia masauk ra tana' kaagisan ondo' mapua' am kolondo' tutuu'.

JIRIMIA 50:12 ပူးပေါင်းရင်းမြစ်များ

JISAYA 14:22

Mindagu Tuhan Ondo' Maayo Kaga' Kuasa', “Owoyon am pusoon Ku Babil. Kalo polosoon Ku atan-atan pana maayag, io pana lalaing kapoam osoi-osoi ayuk. Aku, Tuhan minindagu noyo.

JISAYA 23:13

Sala' ka ulun ru Asyur, kaa' ulun ru Babilonia ondo' nopoloso ra tambiag masigo salilitau giu' ra Tirus. Ulun ru Babilonia ondo' namangun ra manara-manara koson mampalibung ra pantula'; ilo noyo namuut ra kubu-kubu giu' ra Tirus, am niayuk napasauk ra bandar no napuut.)

JIRIMIA 12:14

Indagu Tuhan, “Gitio noyo tanou Kuno intor ra pagun-pagun paginggaar ru Israil ondo' nampajajou ra pagun ondo' pinataak Ku ra ulun Kuno Israil. Koson ra tatanom ondo' binubul intor ra tana', koon raginio noyo ra ngaangai' ulun malaat no bubulon Ku intor ra pagun-pagun nilo. Palabuson Ku Jiuda intor ra kuasa' nilo.

JIRIMIA 15:9

Ina' ondo' napusaan ra tulu' ngaulun anak nano ikab-ikab am malausan, koson riso mato ru orou nokotolop noyo buoi ru matawang; inasaban io am tinauyu'. Manusub Aku ra pantula' min mamatoi ra ulun ondo' lakat poyo naayag ra gino ngai' min. Aku, Tuhan nakaindagu noyo.”

JIRIMIA 22:6

Koson Raki', istana raja' ru Jiuda koson ra kinoonsoi ru tana' Giliad am Kagunungan Libanon, kaa' intok no saukon Ku ra tana' kaagisan ondo' kalo ayanin ru ulun.

JIRIMIA 25:12

Mopongo raginio ukumin Ku ulun Babilonia am raja' nilo sabap ra tula nilo. Pusoon Ku pagun ru Babilonia am mompoloso riso malunsai ra sabubuoi no.

JIRIMIA 49:2

Kaa' masaboi paat no ra Aku mangkinibit ra mamagun ru bandar maayo Raba mokorongog ra bolos ru pangayawan, am bandar no mokoloso masauk ra malunsai. Pekan-pekan ra liliut no makai' kosolob. Kopongo raginio Israil makaalap saguli ra tana' no intor risilo ondo' nampagaau no.

JIRIMIA 51:43

Bandar-bandar giu' ra pagun no makalalaa'; baal no koson ra tana' kaagisan ondo' kolondo' timug, ondo' kalo inayanan kapoam pansailan ru osoi pana.

JIRIMIA 51:47

Nasaboi paat no ra Aku mangukum ra sinungkalalaing ru Babilonia. Titikop ru pagun no tauyuon, am ngaangai' ru mamagun nano potoyon.

GALATIA 4:26

Kaa' bandar Jirusalim ondo' popogondoon ra suruga' kalo inulipon, am io noyo koson ra ina' takau.

PINAINTALANG 17:5

Rabas nano tinulisan ra inggalan ondo' arati' nano kalo mapandayan ru ulun: Inggalan no am, “I Babil ondo' maayo, ina' ru ngaangai' mantatalan ra inan am ulun homoseks am lesbian.”