JIRIMIA 50:11 - Tanou Moonsoi Timugon

¹¹ Indagu Tuhan, “Mamagun kau ru Babilonia, ginaawan min ulun Kuno. Maansukan kau am magilakup, tumindak-tindak koson ra sapi' ondo' mangagik ra gandum kapoam koson ra kuda ondo' mampagala',

JIRIMIA 50:11 ပူးပေါင်းရင်းမြစ်များ

MAZMUR 22:12

Pai' noyo inggalur intor raki'. Kapaganan mamaar noyo, am kolondo' sangulun pana mangindangan.

AMSAL 17:5

Osoi-osoi magasab ra ulun musikin, magasab ri Aki Kapuuno' ondo' namangun risilo. Osoi-osoi maansukan ra ulun ondo' najamaran io ukumin.

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JISAYA 47:8

Rongogo' Aku no, okou ondo' masaga' mangilou ra katasuan! Indoson mu kaayagan muno moonsoi, am kolondo' koson rirun. Indoson mu kalo masauk kou ra mapuor, kapoam mailusan ra anak-anak muno.

JIRIMIA 12:14

Indagu Tuhan, “Gitio noyo tanou Kuno intor ra pagun-pagun paginggaar ru Israil ondo' nampajajou ra pagun ondo' pinataak Ku ra ulun Kuno Israil. Koson ra tatanom ondo' binubul intor ra tana', koon raginio noyo ra ngaangai' ulun malaat no bubulon Ku intor ra pagun-pagun nilo. Palabuson Ku Jiuda intor ra kuasa' nilo.

JIRIMIA 46:20

Misir koson ra sanginan sapi' ondo' molomok, kaa' tininong ru pikot intor ra ralayo.

JIRIMIA 46:21

Mulu' ra saujor-saujor ra inakut nano pana kalo maikang koson ra anak ru sapi'. Kalo makatanggang ilo koson mangayou; ilo ngaangai' liminikar am nagiru'. Orou pangukuman risilo nakasaboi noyo; nasaboi noyo paat ra ilo pusoon.

JIRIMIA 5:28

am niayuk molomok am moonsoi bayag. Kalaatan nilo kolondo' polos. Kalo mangindangan ilo ra anak nailusan ra matuo, am kalo matimpok ra ulun inimbolo'.

JIRIMIA 5:8

Koson ilo ra kuda gawayan ondo' molomok am maikang mampaa'; sigagama' lumaai ra andu' ru ulun bokon.

JIRIMIA 50:17

Indagu Tuhan, “Ulun ru Israil koson ra sampanon ru domba ondo' inilou am pinantutuliar ru singa'. Binulunsar ilo galing ru raja' ru Asyur, kalupus raginio Raja' Nibukadnijar intor ra Babilonia, mangaliit ra bungul nilo.

JIRIMIA 50:27

Potoyo' ngaangai' saujor nilo! Simbaluyo' ilo ngaangai'! Aibui boo ra mamagun ru Babilonia! Nasaboi paat no ra ilo ukumin!” (

SULABOI 1:21

“Rongog kano ra laa kuti; kolondo' osoi pana makabansuk ra guang kuno. Pantula' kuno maansayan sabap namparatong Kou ra karaat ti raki'. Porotongo' orou ondo' binantu' Muno, maa' raginio pantula' kuno maimbolo' koson raki'.

YEHEZKIEL 35:15

koson akau ragili maansayan magilong ra pagun ru Israil, longgom Kuno nasauk ra kolondo' tutuu' am masiluk. Sotopot no kabuluran ru Siir, am niayuk titikop ru pagun Idom masauk ra kolondo' tutuu' am masiluk. Paat raginio makapandai boo moonong ulun ra Aku noyo Tuhan.”

YEHEZKIEL 36:5

“Ralalom ru simbuluk ru sangit Kuno, Tuhan Raja' nagulas ra bansa'-bansa' paginggaar no, mulu' poyo ra Idom. Pinabaya' ra maansayan am paliso magasab, ginaau nilo pagun Kuno am padang sakot no.

GOSIA 10:11

“Galing i Israil koson ra sapi' mamulok ondo' inila', am magail tumampos mangagik ra gandum. Kalo pana boo paatangon Ku kuk ra impus nano ondo' moonsoi no. Kaa' raino namatas Aku noyo koson jajalin io mangandoi ra maagat. Manusub Aku ri Jiuda mamparadu' am Israil mamunduk ra radu'.

AMOS 4:1

Rongog kano, akau ruandu' Samaria ondo' liminomok poyo koson ra sapi' molomok giu' ra Basan! Nangimbolo' kau ra ulun malawo, manginjang ra ulun musikin am masaga' kaga' manusub maa' raginio ralaki mino magail mangula' ra inumon makagauk ramuyun!

OBAJA 1:12

Akau sotopot no kalo maansukan sabap ra karaat ondo' nakalumpa' ra pabukat min giu' ra Jiuda. Akau sotopot no kalo maansukan paat ra orou ilo mapuso. Akau sotopot no kalo makakurit risilo paat ra ilo mapagon.

ABAKUK 1:15

Ulun Babilonia namparakop ra ulun ra pamata', ilain koson ra ondo' rinakop no papait. Ulun ru Babilonia namparalaat ra ulun rinakop nilo ra ralalom ru ralo liliwa' nagindii sabap ra namparakapan raginio!

JAKARIA 14:12

Porotongon ru Tuhan maruol ondo' makalalaa' ra ngaangai' bansa' ondo' mangayou ra Jirusalim. Mato am rila' nilo, mulu' poyo ngaangai' inan nilo mootong liliwa' ilo lakat poyo maayag.

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.