JIRIMIA 5:7 - Tanou Moonsoi Timugon

⁷ Indagu Tuhan, “Kua kia musiti' Aku mangampun ra tula ru ulun Kuno? Nangiruan ilo Raki' am sumamba ra tuhan ondo' kalo motopot. Aniin Ku ulun Kuno ra akanon saboi ilo maasug, kaa' nansawa' ilo am minongoi ra baloi ru ulun mantalan ra inan.

JIRIMIA 5:7 ပူးပေါင်းရင်းမြစ်များ

2 TUNUNG RU BANSA' ISRAIL 13:9

Pinagiru' min imam-imam ru Tuhan, iono imam-imam papag ri Arun am pinagiru' min niayuk ulun ru Liwi. Koson ra palit nilo, linantik min imam sumugut ra kaindalaman ru bansa'-bansa' ra bokon. Osoi ayuk ondo' matong ra sanginan sapi' gawayan kapoam tulu' ngainan domba, malantik masauk ra imam koson rorondo' ondo' sala' ka i Aki Kapuuno'.

AYUP 31:12

Tula no mamuso koson ra apui ru naraka, monolob ra ngaangai' ondo' longgom kuno.

MAZMUR 50:18

Amon makito min mantatakou, rumangan kau risilo, lumatok kau ra ulun mansawa'.

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

JIRIMIA 13:27

Nakakito Io ramuyun nambaal ra baal-baal ondo' kasisangin Nano. Nakakito Io ramuyun nangilou ra dewa-dewa giu' ra bulur am giu' ra padang, koson ra sangulun ungkuyon malaai ra andu' ru ulun bokon kapoam koson ra sanginan kuda gawayan makimampaa' ra kuda ruandu'. Mamagun kau ru Jirusalim, malumpa' kau ru karaat! Sanggilan kia akau maaya' sumambayang poyo Raki'?

JIRIMIA 16:11

Balai' ilo ra koon raginio noyo ragu ru Tuhan, ‘Kinamatuaan min nangiruan Raki' am siminamba am nangandoi ayuk ra tuhan-tuhan ra bokon. Nangiruan ilo Raki' am marara' gumagaya' ra pangilaan Kuno.

JIRIMIA 16:20

Makapambaal kia ulun ra tuhan nano galama'? Totopot kalo! Atan ondo' binaal nano maaru' sala' ka i Aki Kapuuno' ondo' motopot.”

JIRIMIA 2:11

Kolondo' bansa' ra ati pana ondo' nakaili' nangalig ra tuhan nano, kabalu' pana tuhan-tuhan no i aki kapuuno' ondo' kalo motopot. Kaa' ulun Kuno nangalig Raki', i Aki Kapuuno' ondo' nangani' risilo ra intok ondo' matulai, ra rondo' ondo' kalo mambaal ra atan pana.

JIRIMIA 2:31

Alii ra ulun ru Israil, rongog no ra ragu Kutu. Igondo' Aku kia koson ra tana' kaagisan ramuyun kapoam koson ra tana' ondo' molondom am makalalaa'? Kaa' kua kia indagu kau ra masaga' kau maya' ra kasagaan galama', am marara' boo sumaguli' Raki'?

JIRIMIA 23:10

Pagun nososok ra ulun ondo' kalo gumagaya' ra Tuhan. Bayag nilo malaat am sinala'-sala' nilo kuasa'. Sakot giu' ra padang nasauk ra mapua' am titikop ru pagun mangulir, sabap ra inulas ru Tuhan.

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

JIRIMIA 3:8

Nakakito niayuk ri Jiuda ra inali am pinaugar Ku Israil, sabap ra nangiruan io Raki' am nasauk ra mantalan ra inan. Kaa' i Jiuda ondo' kalo gumagaya', pabukat ri Israil no, kalo malaa'. I Jiuda pana minaya' nasauk ra mantalan ra inan

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

JIRIMIA 9:2

Mapara' piboo bonsoi no amon ru mokoondo' aku ra intok ayanan giu' ra tana' kaagisan, maa' raginio minggalur aku intor ra bansa' kutu. Ngaangai' ilo kalo gumagaya', ilo ulun malaat guang ngaangai'.

SULABOI 3:42

“Iou Tuhan, makatula akai noyo am giminuor Rirun, am kalo poyo nangampun Kou ramon.

YEHEZKIEL 22:11

Mokoondo' ulun ondo' mansawa'; ondo' bokon no poyo marulug ra anak mangiwan ruandu' kapoam pabukat ruandu' nilo ondo' rondo' ama' mansuai ra ina'.

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

GOSIA 13:6

Kaa' pakaayan kau boo ra pagun ondo' moonsoi, am naasug kau am niayuk najala', liminimbau kau am nampalilian Raki'.

GOSIA 4:2

Nabantu' ilo, kaa' kalo nanugut ra bantu'. Nagabau ilo, namatoi, nantakou am nansawa'. Kalaatan gumaai am pamatayan nasauk mansusunu'.

GOSIA 7:4

Ilo ngaangai' malaat am kalo gumagaya'. Sisang nilo koson ra apui giu' ra ralalom ru rapuan ondo' kalo pinaangan ru ulun mambaal ra ruti' ra kalo poyo mopongo kabaal ruti' makata' koson solobon.

IMAMAT 20:10

“Amon ru sangulun Israil mansawa' ra andu' ru ulun rondo' bansa' riso no, musiti' ulun no am ruandu' no ukumin ra matoi.

AMOS 8:14

Ulun ondo' magibot ralalom inggalan ru sinungkalalaing ru Samaria, am mindagu, ‘Ralalom inggalan ru dewa giu' ra Dan’ kapoam ‘Ralalom inggalan ru dewa giu' ra Birsyiba’, maratu' am kalo boo makatirong.”

JIPANYA 1:5

Pusoon Ku osoi ayuk ondo' magaloi ra taap koson sumamba ra mato ru orou, sila' am butitin-butitin. Pusoon Ku niayuk ulun ondo' sumamba Raki' am magibot ra gumagaya' Raki', kaa' niayuk magibot ralalom inggalan ru Dewa Milkom.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

1 KORINTUS 6:9

Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

1 KORINTUS 8:4

Ondo' pangkuatan min ra mangakan ra akanon ondo' pinairang ra sinungkalalaing: Makapandai takau raginilo sotopot no binaal ayuk ru ulun, sabap ra kolondo' tuhan ra bokon. Nakapandai takau niayuk ra rorondo' ayuk i Aki Kapuuno', am kolondo' boo bokon.

GALATIA 4:8

Ra galing i, paat ra akau kalo poyo nakaulig ri Aki Kapuuno', akau inulipon ru riwato ondo' karaan ra tuhan, ondo' kuasa' nilo sala' ka intor ri Aki Kapuuno'.

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

SAGULION 32:21

Mangkinibit ilo Raki' mangusolon ra ondo' sala' ka Aki Kapuuno', am sumangit ra sinungkalalaing nilo. Ginio ra mangkinibit Aku risilo sumangit ra ondo' sala' ka bansa'. Mangkinibit Aku risilo mangusolon ra bansa' ondo' sasambungon.

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.

JOSUA 23:7

Koson raginio noyo kalo makalatok kau ra bansa' ondo' lakat poyo soroi ra gino ngai' min; kalo manabit kau ra inggalan ru dewa-dewa nilo am kalo mamakai ra inggalan raginio ra magibot; kalo sumambayang kau kapoam sumamba ra dewa-dewa no.