JIRIMIA 5:26 - Tanou Moonsoi Timugon

²⁶ Ulun malaat minayan ra gino ngai' ru ulun Kuno. Koson ilo ra ulun ondo' maginaa ra landak pinasaau koson mamparakop ra susuit, sabap ra pinasaau nilo landak koson mamparakop ra ulun.

JIRIMIA 5:26 ပူးပေါင်းရင်းမြစ်များ

MAZMUR 64:5

Mingkual ilo intor ra pansibunian am manimbaal ilo; ulun moonsoi simbaalin nilo.

AMSAL 1:11

Amon ru mindagu ilo, “Ibok, uyumo' takau ulun namatoi risilo. Ongoyo' takau gabuo' ulun ra kolondo' sala koson ra kukuli ayuk!

JISAYA 32:7

Ulun mamparuung mangkara' am mambaal ra malaat. Mangkara' ilo ra ralan mamparuung ra ulun musikin ralalom ragu-ragu abau, am mongompong ra ulun musikin makaalap ra kaapuan nilono.

JISAYA 58:1

Mindagu Tuhan, “Kosongowo' noyo golok muno! Balai' noyo ulun Kuno ra tula-tula nilono.

JIRIMIA 18:20

Motopot kia ra moonsoi balasin ra malaat? Kaa' nangkali ilo ra luang maa' raginio maratu' aku ra ralalom no. Karaa' noyo ra sinaung ku ilo ra saang Muno, maa' raginio kalo sangitin Mu ilo.

JIRIMIA 18:22

Polosoon noyo ulun mantakou matong ra baloi nilo ra mamulali', saboi gumolok ilo ra malaa'. Nangkali ilo ra luang maa' raginio maratu' aku ra ralalom no, am nampakaang ilo ra landak koson mamparakop raki'.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

JIRIMIA 9:8

Rila' nilo koson ra panah ondo' makapatoi; kalo lulumonggo' ilo magabau. Ragu nilono maamis ra mangambi', kaa' sotopot no nampakaang ilo ra pampalandak.

MIKA 6:10

Giu' ra baloi ru ulun malaat mokoondo' ra rapu' ondo' noowot ra pamparuungan. Nampakai ilo ra tutuku' kalo motopot, rondo' baal ondo' kasisangan Kuno. Ulun ondo' mambaal raginio ukumin Kuno.

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

LUKAS 5:10

Rangan-rangan ri Simon pana naliangan. Ilo ti am i Jakubus am i Juanis, karuruo ti anak ri Jibidius. Indagu i Jisus ri Simon, “Pai' kalaa'! Intor raino mangkimait kou ra ulun mangintopot Raki'.”