JIRIMIA 5:22 - Tanou Moonsoi Timugon

²² Aku no Tuhan; kua pai' kau kalaa' Raki'? Kua pai' kau ponontol ra saang Kuno? Saukon Ku nagas koson ra balitan ru raat ondo' kalo masailan ra sabuoi-buoi no. Raat pana makakinulun am kinulun rumulun ra manggayo, kaa' kalo makasail ra balitan no.

JIRIMIA 5:22 ပူးပေါင်းရင်းမြစ်များ

KASAUKAN 1:9

Indagu boo i Aki Kapuuno', “Moonsoi ru timug ondo' mokoondo' ra ragana' ru limbowon tumilis ra rondo' intok saboi tana' ti makito ra mapua'.” Baal raginio pana nasauk.

1 RAJA'-RAJA' 13:28

Nangura' io ra kaladai nano am ugar. Natuum no baangkai ru nabi no nakalangan ra tanga' ru ralan, am kaladai am niayuk singa' minigor ra kiing nano. Singa' no kalo nangakan ra baangkai no kapoam nansaam ra kaladai no.

AYUP 26:10

Pinatuliar No sinda intor ra kalandaman am mapungol ra linukis giu' ra ralimbou ru raat.

AYUP 37:24

Ginio sabap ra moonong ulun mangurumat ri Aki Kapuuno', am ulun ondo' mangiou ra io no mapintar kalo lioon No.”

AYUP 38:8

Osoi kia ondo' nampaangob ra kulobon koson mongompong ra raat malangka' paat ra timug tumampulak mingkual intor ra binunakan ru tana'?

MAZMUR 104:9

Inaru' Mu lolot ondo' kalo mabayaan, maa' raginio timug kalo boo sumakob ra tana' ti.

MAZMUR 119:120

Monontol aku malaa' Rirun, am malaa' aku ra nangatangan Muno.

MAZMUR 33:7

Tinimung No timug ru raat ra rondo' intok; inompong No tatanga' ru raat no ralalom rondo' bokok.

MAZMUR 46:3

Ginio ra itakau kalo malaa', kabalu' pana tana' ti mogonggon am gunung-gunung maluyu' ra lonor ru raat;

MAZMUR 99:1

Tuhan no raja', ulun monontol sabap ra Io; nanturung Io ra tampak ru kirub, am tana' ti pana mauyog.

AMSAL 8:29

bulintok ra Io manusub ra timug ru raat maa' raginio kalo boo makasail ra polos ondo' inaru' Nano. Soroi aku noyo paat ra lonor ru tana' ti pinabanta' No.

JISAYA 50:2

Kua kolondo' sangulun pana ulun Kuno tumaam, Paat ra Aku matong mampiau risilo? Mongkoror ilo ayuk kia sabap ra mampaguang kalo makakau' Aku mapalabus am mamayag risilo? Sotopot no, maya' ra panusuban Kuno raat masauk mapua', sungoi-sungoi saukon Ku ra tana' kaagisan saboi papait matoi am mongootong.

JISAYA 64:2

Gunung no monontol koson ra timug rumiri' ondo' pinarakan ra rasawat ru apui. Ibok noyo patalango' noyo kuasa' Muno ra pantula'-pantula' Muno, am sauko' noyo bansa'-bansa' monontol ra saang Muno.

JISAYA 66:5

Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

JIRIMIA 10:7

Osoi ondo' marara' mangurumat Rirun, raja' ru ngaangai' bansa'? Okou no totopot urumaton ru ngaangai'. Okou kolondo' pogondo' ra ngaangai' ulun mapintar intor ra bansa'-bansa', kapoam raja'-raja' nilo.

JIRIMIA 2:19

Kalaatan muno galama' ondo' mangukum rirun; maimbolo' kou sabap ra nangiruan Raki'. Makaliman kou ra mapara' boo pait no am sala no nangiruan Raki', Tuhan, i Aki Kapuuno' muno, am kalo boo gumagaya' Raki'. Aku, Tuhan Raja' Ondo' Maayo Kaga' Kuasa' nakaindagu noyo.”

JIRIMIA 31:35

Pinaatang ru Tuhan mato ru orou koson mampasinda ra matawang, am pinaatang No bulan am butitin koson mampasinda ra rondom. Mangkinibit Io ra timug ru raat mangkinulun am gogolon, am inggalan Nano Tuhan Ondo' Maayo Kaga' Kuasa'.

DANIL 6:26

Kopongo raginio nanulis Raja' Darius ra surat posoboyon ra ulun intor ra ngaangai' bansa', bansa' boborok am ragu ra tana' ti: “Kaansayan!

AMOS 4:12

Ginio ra, akau ulun ru Israil, ukumin Takamin. Tampos kano manguma' ra ukuman ondo' palumpaan Kuno ramuyun!”

AMOS 9:6

Binaal ru Tuhan intok ayanan Nano giu' ra limbowon, giu' ra rasawat ru tana' pinaatang No limbowon koson ra bakuran. Piniau No timug intor ra raat, am pinasasar No ra lantur, Tuhan noyo inggalan Nano.

JUNUS 1:16

Ngaangai' ulun ru kapal i malaa' toojo ra Tuhan. Nampataak ilo ra taak simbalui ra Tuhan am nambaal ra nazar Riso.

NAGUM 1:4

Ra susuban Nano, raat malasak; sungoi pana lasakin. Padang-padang giu' ra Basan mapua', Gunung Karmil pana mapua', am lumonot boo bunga'-bunga' giu' ra Libanon.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

MARKUS 4:39

Kakarat Io, am susubo' No bagiu' mapuor no am indagu ra tasik no, “Pongkoror! Linos no!” Bagiu' no pana limininos am tasik no pana liminiuk.

LUKAS 12:5

Tuluin takamin osoi kalaanin. Kalaa' kano ri Aki Kapuuno' sabap ra mopongo mamatoi, makakuasa' poyo mamatir ra ambiluo ru ulun ra naraka! Balain takamin toojo, kalaa' kano Riso!

SAGULION 28:58

“Amon ru kalo totopot kau gumagaya' ra ngaangai' susuban ri Aki Kapuuno' ondo' natulisan ralalom ru kitab ti, am kalo mangurumat ra Tuhan i Aki Kapuuno' min ondo' maayo am makaimuag no,

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”