JIRIMIA 5:1 - Tanou Moonsoi Timugon

¹ Mamagun kau ru Jirusalim, ugar kano ra ralan-ralan giu' ra bandar min! Ilai' giu' ra liliut min! Ilai' galama'! Uyumo' giu' ra pasar-pasar! Mokoondo' kau kia nakatuum ra sangulun ondo' mabanis guang am ondo' mirot maa' raginio gumagaya' ri Aki Kapuuno'? Amon ru mokoondo', mangampun Tuhan ra Jirusalim.

JIRIMIA 5:1 ပူးပေါင်းရင်းမြစ်များ

1 RAJA'-RAJA' 19:10

Taam i Ilia, “Iou Tuhan, i Aki Kapuuno' Ondo' Maayo Kaga' Kuasa', magail aku mangandoi ayuk rirun am ra Okou ayuk. Kaa' ulun ru Israil minanggal ra nabantuan nilo Rirun. Pinuut nilo altar Muno am namatoi ra ngaangai' nabi Muli. Aku ayuk sangulun ondo' lakat poyo naayag, am raino masaga' ilo mamatoi pinai raki'!”

2 TUNUNG RU BANSA' ISRAIL 16:9

Tuhan magail magalung ra titikop ru tana' ti am mangani' ra kaikangan risilo ondo' gumagaya' Riso. Sasambungon binaal muno, ginio ra intor raino magail kou mangayou.”

MAZMUR 12:1

Ra tingganai ru santimungan maririmbai. Sumugut ra layuk kabalu'. Mazmur ri Daut.

MAZMUR 14:2

Intor ra suruga' Tuhan maginduku' ra ulun koson maguyum ra ulun mapintar, ulun ondo' sumamba Riso.

MAZMUR 14:3

Kaa' ngaangai' ulun liminasang am nakalayau, kolondo' sangulun pana mambaal ra moonsoi.

MAZMUR 94:16

Osoi kia manungka' raki' tumingkuang ra ulun malaat? Osoi kia manaung raki' tumula' ra ulun malaat?

AMSAL 20:6

Masuang ulun mangku ra ilo gumagaya', kaa' ulun topot-topot gumagaya', mapagon matuum.

AMSAL 23:23

Pangilaan ra motopot, mapintar, ubason, am pangaratian – ngaangai' no sotopot no balion kaa' mologo toojo ra talanon.

AMSAL 8:3

Giu' ra kulobon garabang, subalan mongoi ra bandar, giu' no maining bolos nano.

RIMBAI PANGAMPARAN 3:2

Liniput ku ugar ra bandar, mugar ra ngaangai' ralan am babayaan boborok. Maguyum aku ra karulau kuno, maguyum aku riso, kaa' kalio natuum ku io.

JISAYA 59:4

Minongoi kau pantagi' ra makama kabalu' pana kolondo' sasaban am pinatasan ra kalo matimpok. Magabau kau am ingain min ondo' kolondo' onong; mampaguang kau koson mampajamar ra ulun bokon am mambaal ra kalaatan.

JIRIMIA 2:29

Atan kia butokon min? Kua kia anggal kau Raki'?

JIRIMIA 44:15

Masuang kaga' boo ulun minatong raki', iono ngaangai' ungkuyon ondo' nakapandai ra andu' nilo nampataak ra taak simbalui ra dewa, am ngaangai' ruandu' ondo' minigor ra giu' no, nakaaya' ulun ru Israil ondo' minayan giu' ra tampilon rabugus ru Misir. Konilo raki',

JIRIMIA 8:6

Rinongog ku noyo toojo, kaa' kalo mindagu kau ra motopot. Kolondo' sangulun pana intor ramuyun pansagulian guang ra binaal nano ra malaat. Kolondo' sangulun pana ondo' mindagu, ‘Atan kia kasalaan kuno?’ Akau ngaangai' minaya' ra ralan galama' koson ra kuda nasimbul maribok mongoi ra intok pangayawan.

JIRIMIA 9:2

Mapara' piboo bonsoi no amon ru mokoondo' aku ra intok ayanan giu' ra tana' kaagisan, maa' raginio minggalur aku intor ra bansa' kutu. Ngaangai' ilo kalo gumagaya', ilo ulun malaat guang ngaangai'.

JIRIMIA 9:7

Ginio ra indagu Tuhan Ondo' Maayo Kaga' Kuasa', “Koson ra ulun mamasau ra basi', ulun Kuno kinamin Ku, maa' raginio masauk ilo ra mapasau. Atan poyo maalap Ku kabaal ra ulun Kuno ondo' nambaal noyo ra kalaatan?

YEHEZKIEL 22:30

Maguyum aku ra sangulun ondo' makabaal ra timbok, ondo' makabigor giu' ra tampilon ra timbok ondo' nalunsai noyo koson mangampin ra pagun paat ra Aku masaga' mamuso raginio sabap ra sumangit Aku, kaa' kolondo' sangulun pana natuum Ku.

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

DANIL 12:4

Kon ru malaikat no raki', “Raino, okou Danil, puruno' am saapi' ra meterai kitab no, saboi ra orou pupus. Masuang ulun kuminam makarati' ra baal ondo' tatanga' masauk, kaa' pirot nilono kolondo' onong.”

JOIL 2:9

Gapu' mamulunsar ra bandar, masimbul giu' ra rasawat ru timbok ru bandar, mangkiwa' ra baloi-baloi, am sumubol maya' ra gigimpalan koson ra ulun mantatakou.

AMOS 8:12

Ulun tumanggau intor ra Raat Matoi mongoi ra Raat Tanga', am rayus no intor ra ralayo mongoi ra sirangon. Giu' ra ati-ati intok maguyum ilo ra tanou intor ra Tuhan, kaa' kalo mokoowot ilo.

JAKARIA 2:4

Malaikat ondo' kasaa' mindagu ra malaikat ondo' karuo, “Ribaki' ongoi ra ungkuyon mamulok ondo' nampaguut ra kalat panuku' no, am balai' io ra Jirusalim mososok ra ulun am bibiag tinambiag, saboi timbok ru bandar no kalo boo maalap kabaal.

LUKAS 14:21

Uli' ulipon no am pambala' ra tuan nano. Siminangit io toojo am indagu ra ulipon nano, ‘Ribaki' ongoi ra ralan maayo am boborok giu' ra bandar am piawo' ulun musikin, ulun kalo makalulu', ulun bolou am ulun kimpo'.’

2 TISALONIKA 2:10

Mamparuung io ra mansalinut kalaatan ra ulun ondo' maaru' pusoon. Pusoon ilo sabap ra kalo nangapu am nonogom ilo ra katapatan intor ri Aki Kapuuno' ondo' makapamayag risilo.